Lipid Profile

Lipid Profile الدهون

 

 

تحليل الدهون الكامل أو صورة دهون وده بيشتمل على مايلى

Cholesterol

Tri Glyceride

HDL

LDL

VLDL

ودى كلها مش تحاليل هنلاقى 3 هم بس اللى بنحللهم وال2 التانيين بنطلع نتيجتهم عن طريق معادلة ما

طيب ايه التحاليل دى وبتتعل بايه وايه المشاكل المترتبة على زيادة كل تحليل على حده؟!

 

الأول لازم نكون عارفين ان المريض لازم قبل عمل واجراء التحاليل دى لازم يكون صايم من 12 ل 14 ساعه

وصيام فى التحاليل يعنى ولا ياكل ولا يشرب اى حاجه ولا حتى لبانه ولا بق شاى ولا الهوا الا الميه وبس :)

 

طيب العينه بتتسحب على ايه ؟

العينة بتتسحب على سيرم يعنى من غير اى موانع للتجلط

 

تمام ، طب فى شروط تانى ؟

لا ياسيدى مفيش شروط ولا حاجه بس يفضل أن المريض مياكلش وجبة دسمه قبل الصيام مليئة بالدهون وكده يعنى

 

طب انا سمعت انه ممكن فى تحاليل ف الدهون مش محتاجه صيام ؟

أيوة الكوليستيرول مش محتاج صيام

 

يعنى المريض يصوم ولا يعل ايه لخبطتنا ياعم الحاج؟

لو المريض هيعمل دهون كامله يبقى لاااااااازم حازم

حازم مين

يووووووووووه

لازم صيام يعنى :D

 

طب لو هيعمل كوليستيرول بس ومعاه اى حاجه تانى يبقى مش محتاج صيام الا لو بيعمل ماه حاجه تانى محتاجه صيام زى السكر الصايم مثلاض

 

طب يلا بينا نشوف كل تحليل من دول

 

Cholesterol الكوليستيرول

الكوليستيرول موجود فى الأعصاب وفى المخ والكبد والعصارة الصفراوية

وتوجد النسبة الأعلى فى الكبد بحوالى 80 % والكوليستيرول يساعد فى بناء الاغشية لخلايا والهرمونات الجنسية

 

طب زيادة الكوليستيرول ايه مدى الضرر عليها ؟

زيادة الكوليستيرول بتعمل تصلب فى الشرايين وانسداد فى الصمامات والذبحه الصدريه وذلك لترسب الدهون فى جدار الاوعيه الدموية وهو مايعيق وصول الاكسجين للقلب

وأيضا قصور تدفق الدم الرجل والاطراف ومما يؤدى إلى الجلطات الدماغيه

 

طيب ايه المأكولات اللى بتأدى لزيادة نسبة الدهون وخصوصا الكوليستيرول؟؟

البيض ينصح بعدم زيادة اكل البيض أكثر من 3 بيضات اسبوعيا

الدهون الحيوانيه واللحووم

 

الحالات اللى بتزيد فيها نسبة الكوليستيرول ؟

بيزيد فى حالات التبويض عند الاناث

وفى فترة المراهقه عند الذكور بتكون متغيره

وفى حالات الحمل والتابات الكبد ولكلى

وفى حالات انسداد القنوات المرارية

وفى حالات السمنة المفرطه

وفى حالات الصدمات العاطفية الحاده

:D

ايوة خلى بالك انت وهو وهى

 

طب لما الكوليستيرول بيزيد ايه اللى بيزيد معاه ؟

 

لأ استنى دى خليها ف الاخر وخد نايبك صبر

:D

 

طب ايه الفواكه او الاكل اللى ممكن يقلل الكوليستيرول ؟

ممكن لتفاح والموز والسمك والفاصوليا والالياف والفول والخبز الاسمر والسمك وزيت الزيتون

 

طيب بنشتغل الكوليستيرول ازاى ؟

بناخد 1 مل من الكوليسترول ريئجنت ونحط ليهم 10 ميكرون من السيرم ونستنى 10 دقايق او ربع ساعه ونقيس

 

Tri Glyceride الدهون الثلاثية

طب ليه ثلاثيه ؟

هى كده ثلاثية عشان التركيب الجزيئى بتاعها

عاجبك :D

 

الدهون الثلاثية بتزيد فى حالات السمنه المفرطه وامراض السكر والكلى وطبعا تصلب الشراين وارتفاع ضغط الدم واى امراض متعلقه بانسداد الشرايين وخلافه

 

طبعا التحليل ده محتاج صياااااااام

 

طيب بنشتغل التراى ازاى ؟

بناخد 1 مل من التراى ريئجنت ونحط ليهم 10 ميكرون من السيرم ونستنى 10 دقايق او ربع ساعه ونقيس

 

HDL Cholesterol

 

اسم كده لأنه مرتبط بالكوليستيرول وعشان كده قلت نستنى على الكوليستيرول مرتبط بايه وايه اللى بيزيد ويقل مع زيادته ؟

 

طيب معناه ايه ؟

High Denisity Lipoprotein الدهون ذات الكثافه العاليه

وهى ماتعرف عندا بالدهون النافعه

يعنى لما زيادتها مفيده غير ضارة

 

وهى مرتبطة بالكوليستيرول ارتباط عكسى يعنى لما بيزيد الكوليستيرول هى بتقل والعكس صحيح

 

وطريقة عملها هى

اننا بنشتغل على اتنين Reagent

على حسب الكيتس لكل شركة ولكن المعروف لبعض الشركات

هو اننا بناخد 200 ميكرون سيرم ونحطهم على 500 ميكرون من HDL

ونسيبهم لمدة 10 دقايق وبعد كده بنحطهم ف السنتريفيوج لمدة 10 دقايق فى سرعة 5000 لفه ف الدقيقه

وبعد كده هلناقى ان العينه رسبت هناخد من ال Supernatent

50 ميكرون ونحطه على 1 مل من الكوليتسيرول ونسيبه 10 دقايق وبعد كده نقيس

 

طيب ايه وظيفتها ؟

وظيفتها انها بتحمل الكوليستيرول من الدم الى باقى الجسم وخصوصا الى الكبد حيث يتم هضمهما بمساعدة العصارة الصفراوية وامتصاصها وتخزين المتبقى الزائد فى الكبد وباقى الانسجه

 

طيب فى معامل كتيييييييييييييير بتضرب النتيجه؟

اه فى كتير جدا وكمان منها معامل كبيرة وبتطلع السبة طبيعيه !!

 

الدهون عالية الكثافة مؤشر مهم جدا وصحى للمرضى اللى داخلين على مشاكل فى زيادة الدهون وكمان بيوضحلى اذا كان المريض ده بيعانى مثلا من اورام سرطانيه فى حالات الزياده عن الحد الطبيعى او مشالك فى القلب

 

طبعا محتاج صيااااااااااااااااام من 12 ل 16 ساعه اوعى تنسى

 

احنا كده تقريبا خلصنا تحاليل الدهون

ازاى ؟

مااحنا قلنا ان الباقى عبارة عن معادلات وبنطلع منها نسبة كل حاجه فيهم

 

LDL

Low Denisity Lipoprotein الدهون ذات الكثفة المنخفضه

 

وهى ما تعرف بالدهون الضارة لأن زيادتها مرتبط بزيادة الكوليستيرول

وزيادتها ايضا اما عن عيوب وراثية او خلل فى بعض الهرمونات او امراض فى الكبد او الكلى او السكر

 

وايه وظيفتها هى كمان ؟

وظيفتها انها بتحمل الكوليستيرول فى الدم وعشان كده زيادة لكوليستيرول بتزيد معاها ال LDL

 

وطريقة حسابها كالتالى

 

LDL = ( Cholesterol – HDL – ( Tri Glyc. / 5 )

 

VLDL ” Very Low Denisity Lipoprotein “

 

( Tri Glyc. / 5 )

 

احنا كده خلصنا ال Lipid Profile

بس لازم ناخد بلنا من الحاجات دى كمان

لما نحلل ال HDL ناخد بالنا عشان ميحصلش مشاكل ف النسب وتكون ظبوطة اننا نشتغل على نفس الشركة للكوليستيرول والاتش دى ال

 

لون السيرم بيدل على زادة نسبة الدهون من عدمه

يعنى اللون الطبيعى للسيرم أصفر باهت

لكن لما نلاقى لون السيرم أبيض فده دليل على زيادة نسبة الدهون فى الدم

وعشان كده بنخلى المرض يصوم عشان يكون السيرم رائق قدر الامكان وعشان يكون الجسم اتخلص من هضم وامتصاص وتخزين الدهو فى الجسم

 

 

ودمتم بخير

Done By Dr. Ahmed Wagih

 

حقوق الطبع والنشر والنسخ والحفظ والقراءة محفوظة :D

About these ads

أضف تعليق

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

You are commenting using your WordPress.com account. تسجيل خروج   / تغيير )

Twitter picture

You are commenting using your Twitter account. تسجيل خروج   / تغيير )

Facebook photo

You are commenting using your Facebook account. تسجيل خروج   / تغيير )

Google+ photo

You are commenting using your Google+ account. تسجيل خروج   / تغيير )

Connecting to %s

تابع

Get every new post delivered to your Inbox.

Join 89 other followers

%d bloggers like this: