الحلقة 2:دبلومة الكيمياء الحيوية التحليلية ” شبين ” من طأطأ لسلامو عليكو..!!!

السلام عليكم من الله والبركه والرحمات

 

بعد مابدأنا فى الموضوع وعملنا استفتاءات

 

نحترم اللى قال نعم واللى قال لا واللى فضل السكات

 

ماهى دى الديمقراطيه واحترام الحريات

 

وبعد ما كثرت الاقاويل عن استمرارية الدبلومة او الغاءها او حرق علوم بالساكشن بالمحاضرات

 

اهو بنعمل اللى علينا وخلاص

 

عشان الناس تعرف ومترجعش تحتاس

 

ودايما الحصرى والاصلى عندنا ماهو احنا الاساس

 

بس كفايه بقى وركزو معايا ياناس

 

.

 

.

 

نتكلم عن :

 

Analytical biochemistry diploma

 

نفسها مالها وماعليها:

 

محتويات الموضوع:

 

أولا : المواد

 

ثانيا : تقييم هذه المواد ومدي الإستفادة

 

ثالثا : مميزات وعيوب جامعة المنوفية

 

رابعا : طاب وبعدين !!!!!

 

 

أولا : المواد

 

الترم الأول

 

 

1: بيوكيمستري

 

مادة د/ طارق

 

النظري :

 

ماده شيقة محاضراته مفهومه

 

العملي :

 

بتاعها هو التحاليل الطبية بالضبط في الكيمياء والإنزيمات بس طبعا هناخده نظري فقط

 

 

2: هيستوباثولوجي

 

النظري :

 

يتفهم من غير حضور

 

العملي :

 

30 شريحة هتشوفهم وتكتب لهم كومنت ويجيلك منهم اكثرهم وضوحا ف الإمتحان

 

 

“ياعيني ع أيام المراجعة أمم قدام السكاشن بدون تنظيم خصوصا البنات بيباتو جنب السكشن ولو هتعدي عليها بطرماي مش هتتزحزح من مكانها وتبصلك كده من تحت لفوق وتقولك ” ماتعدي هو أنا مسكاك ”

 

قال يعني هيخربوها لما يخلصو معظمهم بيتجوز ويقعد ف الهوم إحنا كنا حوالي 30 ولد و390 بنت

 

بس الصراحه ده دليل ع إن البنات متفوقات خصوصا إن الدبلومه خدت من جيد جدا ف سنة 2008

 

بس أنا عشان صعيدي بقي ومتشدد أفضل عدم البهدلة للبنات

 

وسمعني أغنية ” بلد البنات لمحمد منير ”

 

 

3: الهرمونات

 

النظري:

 

المفروض تحضر علشان الدكتور مبيشرحش بالترتيب

 

العملي :

 

مذكرة صغيرة هيجي منها سؤال ف الإكزام

 

 

4 : أجهزه معملية:

 

النظري :

 

خدناه ف الأندر كذا مره

 

العملي :

 

ف نفس المذكرة وخدناه زمان وفي الإمتحانات تيجي تجربة تكتبها نظري وكده إشطه

 

 

5: الحاسب :

 

ده بقي حكايته حكايه محاضراته لعب ف لعب وإمتحاناته هزار واللي ميجبش امتياز يبقي سوري ف اللفظ “أهبل”

 

 

بكرر وأحذر

 

الإمتحانات السابقة ف كل المواد مهمة ف ليلة الإمتحان لازم تحلهم بإيدك

 

 

هييييه

 

كده خلص الترم الفيرست وكل ترم وأنتم بخير

 

 

فاصل ونواصل :

 

 

الترم الثاني:

 

ترم زي العسل هتبقي فاهم الحورات ماشيه إزاي ومستريح آخر حاجه

 

1: المناعة:

 

مادة د/ طارق

 

النظري :

 

كالعادة محاضراته جميله

 

العملي :

 

شيت ف الإمتحان

 

أهم حاجه المحاضره الأخيره

 

 

2: الإنزيمات :

 

النظري :

 

مش لازم تحضر هتفهم لأنه خدناه كتير ف الأندر

 

العملي :

 

شيت ف الإمتحان

 

 

3: الهيماتولوجي:

 

النظري :

 

أنا ف رأيي إن دي من أفضل المواد بس للأسف الدكتور مبهدلها ف شرحه

 

العملي :

 

شغل المعامل ، شيت ف الإمتحانات

 

 

4: باراسيتولوجي

 

:النظري:

 

إحنا أول ناس تطبق علينا

 

العملي :

 

شرايح وعينات تشوفها وف الإمتحان تتعرف عليها

 

 

مادة جميلة تحس إنها مفيده مش اللي كنا بناخده ف الكلية

 

خارج النص :

 

سمعني موسيقي هاديه وحزينه

 

فاكرين ياولاد:

 

 

” تشريح الضفادع والسحالي والفيران والسمك دا غير دراسة كائنات مش عارف هتفيدنا بإيه يدخل المعيد يقعد يرسم ساعتين وكأنه بيكاسو وبعدها ترسم تلاميذ بيكاسو رسمة بها 999 بيان لازم يتحفظو والسكشن أربع ساعات وتشوف تحت الميكرسكوب ذو اللمبه المحروقة أو المراية المكسورة وتحفظ شجرة عائلة الكائن من أول المملكه مرورا بالطائفة والرتبه ويمكن تحفظ ولاد عمه وخالاته وعماته الكائنات وكأنك هتناسبه وتحفظ تحفظ والزهرة فيها كام بتلة والبتله فيها كام نسيج والخشب واللحاء والبنسيليوم والأسبريجلس وصحابه وأزرع فطريات وأحصد طحالب وفيروسات وسلم ع البكتريا والوراثه وسكاشن عملي ع هيئة راوندات وشرايح مش واضحة وقطاعات عرضية وطولية وبالجنب ومنظر علوي لحد الإمتحان يجيلك السؤال أنظر الي الشريحه ف ظرف 20 ثانيه وأجب مايلي:

 

أذكر بالتحديد مين ده ؟

 

وساكن فين ؟

 

وعيلته مين ؟

 

وأرسمه؟

 

ولونه ؟

 

وأسأله ملائمة تركيبه لوظيفته إيه ؟

 

و….إلخ

 

 

وبعدها تنسي تنسي تنسي وتتعقد وتقوم تهلوس بالليل وتقول :

 

” السلطعون لأ لأ ….

 

ده كائن لزج لو مسكته هيزفلط هيزفلط …. ”

 

وصحابك يصحوك تشرب ميه وتنام

 

وتصبح ناسي

 

 

خلينا ف موضوعنا أحسن

 

 

5: الإحصاء:

 

خدناها كذا مره ومش عارف إيه لزمتها سهله وحلوه وفيه سؤال بيجي من خارج المذكرة

 

 

6: الإنجليزي:

 

دكتورها نكته دمه خفيف طحن ماأهو أصله مش خريج ساينس ولكنه من آداب وإمتيازه مضمون

 

 

كده خلصنا (بكسر اللام) قصدي خلصنا الدبلومة

 

وسامحوني لو خرجت عن شعوري

 

وكالعادة اللي عنده إستفسار

 

أنا مستعد

 

One response

  1. برجاء الافاده على سؤالى انا رحت قدمت فى الدبلومه واتقبلت بس حصلت ظروف جامده منعتنى من الحضور ترم اول وتانى
    ولما رحت اقدم السنه اللى بعدها قالولى انى مفصوله عشان محضرتش السنه اللى فاتت
    الشؤال امته يكون مسموح لى ان قادم تانى عشان ادرس

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: