الحلقه 2: من سلسلة حلقات المختصر المفيد من غير تعقيد…!!!

السلام عليكم ورحمة الله وبركاته

 

.

 

كل عام وانتم بخير و رمضان كريم عليكم

 

.

 

طبعا انا مش عارف انتو فاكرين ولا مش فاكرين ؟

 

.

 

من حوالى تلات شهور كان فيه حد بيعمل سلسلة حلقات وصور وافتكاسات ويشارك باحلى المواقع العلميه والفيديوهات واتهرى تحت الشمس واتبل بالمطر فى الاعتصامات والوقفات امام الوزارات دا غير الهتافات . ولما فكر انه يطير زى العصافير راح يطلع جواز سفر من الجوازات قالوله نو.. مستحيل نديك تصريح الا بالتاجيل ساعتها عرف انه لازم ينتظر لحد شهر يناير الجاى علشان ياخد الشهاده النهائيه .

 

.

 

وساب…… واشتغل فى……, يعنى من حفره لدحديره !!!

 

س: ما معنى دحديره؟؟

 

ج:مش عارف

 

.

 

المهم انا النهرده جايلكم بعوده قد لا تكون قويه ولكن لها اهميه ال وهى التحليلات البــــــــــــــــــــــوليه Complete Urine Analysis

 

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

 

قبل البدء فى عمل التحليل يراعى عمل التالى:

 

1. يفضل ان تكون العينه داخل المعمل فى وعاء نظيف وتكون mid-stream ” يعنى ايه ميدستريم ؟؟ ”

 

2. يفضل التشطيف مع الاطفال والانسات والسيدات

 

3.لا يتأخر الفحص اكثر من ساعتين مهما كان ضغط العمل

 

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ

 

خطوات الفحص :

 

طبعا كلنا اكيد عارفين الخطوات انا هقول ملحوظات مختصره كده للتذكير…!!

 

1. ترج العينه جيدا ونملا منها انبوبة اختبار عليها الاسم والكود

 

2. يغمر الشريط ف البول ونبدأ فى قراءة الشريط مقارنة بالالوان الموجوده على العلبه

 

” اهم حاجه ان الشريط يقرأ فى خلال 30 ثانيه اقصى وقت دقيقه”

 

نبدأ فى التدوين كالتالى:

 

1. اللونColour:

 

اللون بتاع البول اللى انت شايفه بس خلى باللك حسب المعايير العالميه يعنى بلاش نألف ونستظرف:

 

اللون الاصفر yellow :

 

ودى الطبيعى عادى يعنى اصفر…. ماشى ؟ ماشى !!

 

اللون الاصفر الفسفورى Amber yellow:

 

وده بيكون كده اصفر فسفورى… يعنى مفسفر كده وزاهى

 

اللون الاصفر الباهت Pale Yellow :

 

ودى يابرنس البرانيس مايتكتبش الا اذا كانت الكثافه النوعيه اقل من 1010 غير كده لو طبيب فاهم هيعرف انك حوحو او كوكو …!! اللى يعرف حوحو ايه يقولى …!!

 

اللون الاصفر الغامق :Deep Yellow

 

وده اوعى تكتبه الا اذا كان فيه صفراء فى البول

 

اللون الاصفر المحمرReddish yellow:

 

.فى وجود كرات دم حمراء اكبر او يساوى 50

 

2. المظهر Aspect:

 

Clear:

 

مش محتاجه شرح

 

Slightly turbid:

 

وده تكتبه لما يبقى فيه Amorphous تحت الميكروسكوب بس مش كتير وبنسميها some Amorph.

 

Turbid:

 

وده بيتكتب فى تلات حالات:

 

1. عندما يكون هناك بكتريا تحت الميكروسكوب و النيتريت ايجابى

 

2. لما يكون هناك many amorph. Phosphate or urate

 

وmany دى معناها ان الامورفس دى تحت الميكروسكوب وواضحه فى قاع الانبوبه بعد التدوير هتلاحظ:

 

راسب ابيض : الفوسفات

 

راسب بمبى : اليورات

 

س : من الاخر امتى نقول على الامورفس many وامتى نقول some؟؟

 

ج : نقولMany لما يكون الراسب ظاهر بالنظر وتحت الميكروسكوب … نقول Some لما يكون تحت الميكروسكوب بس

 

” يعنى ايه الكلام ده ؟؟ يعنى بعد ما ادور العينه ابص فيها لو الراسب ظاهر بالعين المجرده وتحت الميكروسكوب يبقى Many لو الراسب مش ظاهر بالعين المجرده بس ظاهر تحت الميكروسكوب يبقى Some ”

 

طاب هو ممكن يبان الراسب بالعين ولما نفحص تحت الميكروسكوب ما نلاقيش Amorphous ؟؟؟؟ ” حد يجاوب ”

 

3. خلايا pus اوRBCs اكبر من او يساوى 50 / H.P.F

 

 

3. الكميه Volume:

 

بنكتب 10 مل على حسب المعايير العالميه مالم يكن تجميع 24 ساعه

 

.

 

4. الاس الهيدروجينى PH:

 

اقل من 7 حمضى واكبر من 7 قلوى .

 

بس خلى بالك من الكريستالات اللى بتظهر فى الحمضى وفى القلوى او احداهم دون الاخر…… ابسطهالكم

 

Less than 7 (acidic):

 

Uric acid+amorph. Urate+Ca oxalate

 

More than 7 (alkaline):

 

Triple phosph.+amorph. Phosph. + Ca oxalate

 

بس فيه ملحوظه مهمه جدا اليورك اسيد يظهر فى الحمضى القوى يعنى ال PH<5

 

.

 

5. الكثافه النوعيهSpecific Gravity:

 

حسب الشريط من 1003-1030 بس ياريت محدش يكتب 1010 لان دى معناها ان المريض بيعانى من فشل كلوى

 

.

 

6. السكرSuger:

 

اذا اعطى ايجابى على الشريط تجرى التجربه التأكيدية التاليه وبالعنجليزى Confirmatory test

 

2.5 مل من محلول بندكت + قطرات من البول …. نسخن… ننتظر 30 ثانيه ….ونلاحظ اللون المتكون:

 

ازرق:Nil

 

اخضر:Trace

 

اخضر مصفر:+

 

بنى مصفر:++

 

برتقالى:+++

 

احمر:++++

 

.

 

7. الزلال Albumin:

 

اذا اعطى ايجابى على الشريط تجرى التجربه التاكيديه التاليه:

 

4مل من البول او من الانبوبه اللى انت دورتها فى السنترفيوج … ونسخن الجزء العلوى من الانبوبه…ثم نضيف ال acetic acid …. الرج….اذا اختفت العكاره: اذن amorphous

 

اذا لم تختفى العكاره : اذن Albumin

 

.

 

8. الاسيتونAcetone:

 

عادة يظهر فى البول عندما يكون السكر مرتفع

 

ولكن فيه حاجات ممكن تخلى الاسيتون يظهر غير السكر وهى :

 

1.صيام اكثر من 12 ساعه او قىء وفى هذه الحاله يهمل ولا يكتب

 

2. اما اذا ظهر فى عدم وجود سكر فى الحوامل هنا لابد من كتابته لتنبيه الطبيب

 

التجربه التاكيديه:

 

ورقة ترشيح + بودرة اسيتون+ نقطتين من البول …….. اذا اعطى لون بنفسجى اذن (+) اذا لم يعطى لون اذن (-)

 

.

 

9. البيليروبين Bilirubin:

 

Bile pigment:

 

التجربه التأكيدية:

 

جزء من البول+ قطرات من اليود 50% على جدار الانبوبه

 

اذا اعطى حلقه لونا اخضر …. اذن + او ++ او الخ على حسب قوة الحلقه

 

اذا لم يعطى حلقه اذن Nil

 

Bile Salt:

 

لا تظهر ف البول الا اذا كانت ال Bile pig. نتيجتها +++

 

التجربه التأكيديه:

 

 

كميه من البول + بودره  Sulfer على جدار الانبوبه بشويش ” حلوه بشويش دى براحه يعنى او بحرص ”

اذا فضلت او ظلت البودره على السطح …..اذن : Nil

اذا نزلت او غاصت يعنى البودره فى القاع …. اذن : ايجابى

Urobilinogen:

تكتب Trace فى حالة ظهورها على الشريط  ويكتب كومنت

Check blood Bilirubin

.

كده احنا خلصنا جزء الشريط

.

ناخد الانبوبه وندورها لمدة 5 دقايق على سرعة 1500 لفه فى الدقيقه

.

يلقى الجزء الرائق ويترك اخر 500 ميكرون فى الانبوبه ” اللى فيهم الراسب ” وناخد منهم 10 ميكرون على شريحه ونبدأ الفحص على العدسه 10

.

ملاحظات هامه جدى :

خلى بالكم من الجاى :

بعد ما فحصنا بالعدسه 10 وخدنا فكره عامه عن العينه  نحول العدسه الى 40 علشان نشوف عدد RBCs   ثم عدد WBCs  فى عدد من الاماكن المزدحمه ثم عدد من الاماكن الرائقه وناخد المتوسط

  • ال Epithelial cell : فى حالة النساء ناتجه عن افرازات المهبل … اما فى الرجال فيجب الحرص فى كتابتها ؟؟
  • حد يقولى ليه ؟ واى ؟ بوركواه ؟
  • غير مسموح بكتابة Casts فى عدم وجود زلال الا فى حالة ال Hyaline Cast   ويفسر نزولها كنتيجه لمجهود عضلى
  • اذا وجدنا بكتريا مع وجود نيتريت تحترم وتكتب وتطلب مزرعه… اما اذا وجدنا بكتريا مع عدم ظهور نيتريت على الشريط فتعتبر ……….. ”  حد يجاوب”  ولا تكتب.

سؤال لولبى:

لو انا شفت بكتريا تحت الميكرو ” الميكروسكوب يعنى ” ولقيت ان النيتريت سلبى ؟؟ يبقى ايه ؟؟

الاجابه كلمه واحده… واللى هيقولها هياخد هديه جامده جدى.

  • اذا وجدت yeast Cell فى عينة البول تكتب كما هى ولا تكتب Candida
  • اذا وجدت حيوانات منويه فى عينة Male فيكتب العدد اذا كان كبير فقط… اما فى عينة Female  تعتبر Contamination  وتهمل

 

بعد الانتهاء من الفحص:

تذكر ان تطلب توصيه للمزرعه اذا كتبت اى من التالى:

Pus >=10*

Many bacteria with nitrite positive*

لو وجدت تجمعات من ال Pus Cells*

.

طبعا كلنا عارفين الفحص تحت الميكرو . ازاى والاشكال ولا ايه؟؟

شكلها ايه …!!!

.

طاب اللى مش عارف يدخل على اللينك ده:

http://www.yallatb.com/g1-Urine-Microscopic-Examination.html

 

 

One response

  1. ما هي بودرة الاسيتون

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: