الحلقه 3 : دبلومة الكيمياء الحيوية التحليلية ” شبين ” من طأطأ لسلامو عليكو..!!!

نظرا لضيق الوقت والسحل والسحت

 

وطلبات اللى فوق واللى تحت

 

والشغل اللى مابيرحمش وفحت صحتنا فحت

 

وخلانا اله شغل اساسها حسابى بحت

 

والكروته

 

والكحرته

 

والزقرزه

 

والدهبزه

 

والدحلزه

 

والشنكته

 

والروشنه

 

والنحت

 

.

 

.

 

الظاهر انى بخرف ايه اللى انا بقوله ده؟؟

 

.

 

.

 

نرجع للى بداناه وبأدينا كتبناه واللى يهد شىء يبى غلط فى اللى بناه وادينى بحاول يمكن كلامى يرجع لمستواه واه اه من الزمن اه…. وصلى صلى صلى ع النبى صلى صلى

 

.

 

ههههههههههههههههههههههههههههههههههههههههههههههههههههههههههه

 

.

 

نكمل موضوع الدبلومه

 

.

 

مرحلة استخراج الإفادة والشهادة:

 

 

1:الافادة

 

بعد النتيجة ماظهرت وعرفتها وطبعا طلعت من الأواءل أو الأواخر مش هتفرق كتير فوت 10 أيام

 

وف اليوم الموعود

 

 

أصحي الصبح بدري يعني ع 9 كده

 

وأتوكل ع الله وأنزل الجامعة

 

” هتحس بشوية حنين صغنطاطين للمدرج والمحاضرات أوعي تستسلمله وسمعني أغنية كده كفايه لجورج”

 

ف الدور الثاني عند وكيل الكلية أدخل ع السكرتيرة وقولها عاوز الإفادة

 

طبعا هتدفع فلوس ف الخزنة وبعدين تختمها وتاخدها وتروح

 

ملحوظة ممكن تعمل الكارنية بالإفادة

 

 

2:الشهادة:

 

تقريبا بعد النتيجة بشهر وشوية

 

متنساش تاخد صور

 

تنزل برضة بدري تاخد إذن دفع رسوم إستخراج شهادة ” شوف إنت هتحتاج كام واحدة تقريبا الواحدة تصرف 30 جنيه طوابع وخلافه

 

تدفع ف الخزنة وتطلع تسلمهم ف الدور التالت تستني شويه هتاخد دوسيهك اللي إنت قدمت بيه فاكره ولا ناسيه

 

بس من غير شهادة الدبلومة هتروح وتيجي بعد 3 أيام تاخد شهادة دبلومتك

 

” شكلها حلو بس مش عارف ليه مش هتحس إنك فرحان بيها زي مافرحت بالبكاليريوس يمكن عشان …… ”

 

كده إنت إتخرجت رسميا

 

تروح البيت وتستناني لما أقولك هتعمل الكارنية إزاي

 

 

كارنية النقابة والبطاقة:

 

بص ياسيدي

 

هتجيب دوسيه بلاستيك وتحط فيه الآتي :

 

*صورة شهادة الدبلومة أو إلإفادة

 

*أصل شهادة البكاليريوس

 

*فيش جنائي موجه لنقابة المهن العلمية

 

*حوالي 6 صور شخصية حديثة

 

*إستمارات بطاقة شخصية فاضية

 

” هقولك ليه بعدين”

 

*صور بطاقتك الشخصية

 

وماأشبه الليلة بالبارحة تصحي بس براحتك وتروح النقابة هقولك إزاي ؟

 

تروح رمسيس وتمشي ف شارع عماد الدين لحد سينما كوزموس بص ع الأفلام المعروضة ع شمالك لو عجبك فيلم أدخله متحرمش نفسك من حاجة وبعدين كمل .

 

ع شمالك شارع بستان الدكة هتلاقي النقابة

 

بحذرك متحاولش تسأل لأن معظم الناس مسمعش عن نقابة المهن العلمية الناس عارفة نقابة المهندسين / المحامين / الممثلين / الشيالين / ……

 

والله حاجة تضايق يالا بقي لنا الله المهم تدخل تملي الإستمارة وتسلم الدوسية وتدفع حوالي 130 جنية وتاخد وصل إستلام بعد شهر وشوية

 

قبل ماأفورجت “قبل ماأنسي يعني ”

 

إستمارات البطاقة الفاضية تختمها وطبعا هتدفع فلوس علشان الختم علشان تقدر تغير المهنة من طالب الي أخصائي تحاليل طبية مع “إيقاف التنفيذ”

 

تاخد أستمارات البطاقة وتروح السجل المدني التابع له

 

وتقولهم:

 

بصوت واطي من غير شوشرة أنا عايز أغير المهنة لأنك لو وقعت تحت أيد حد من الموظفين إياهم هيقولك روح أختم الإستمارة من وزارة الصحة وآدي دقني لو حد هناك ختمهالك بس ربنا يوقفلك ولاد الحلال وميسألش وتغير المهنة

 

بعد 20 يوم هتستلم البطاقة والمهنة الجديدة ” أخصائي تحاليل طبية”

 

هتحس إنك زي العيل الصغير عايز توريها لكل الناس وتقولهم أنا الدكتور فلان ومش ناقص الإ إنك تعلقها ف رقبتك

 

بعد 20 يوم كمان تاخد الكارنية هتهيص وتحس الدنيا بدأت تضحكلك

 

ولكنك مخدوع ياولداه لإن دي بداية الحرب

 

.

 

إحصائيات لهواة الحسابات:

 

حضرلي كالكيولاتور وأحسب:

 

*100 ج في يوم التقديم

 

بمواصلاتك بأكلك بكانزك ببابا غنوجك

 

* 2300 مصاريف الدبلومة بيقولو زادت بعد 2008 ؟؟؟

 

 

* 600 تقريبا ثمن كتب الترم

 

الأول والثاني

 

 

* 100 وأكتر تصوير ورق محاضرات وامتحانات و خلافه

 

 

* لو أنت كوول تحتاج كانز كل يوم مع ساندويتشين من الكافتيريا في الدور الأرضي قول 500 جنيه ف السنه

 

* المواصلات حسب المسافه

 

أنا عن نفسي صرفت حوالي 800 ج

 

* سحب الشهادة يصرف 150 جنيه

 

 

* الكارنية والبطاقة 150 جنيه

 

 

* دا غير تصريح المزاولة ؟؟؟

 

 

* التدريب بفلوس ف بعض الأماكن

 

 

* رفع القضية بيقولو 1300 جنيه

 

حد يقولي الجمله كام ؟

 

 

* وسنين عمرك شوف هتقدرها بكام أظن إنها priceless

 

 

دا غير شحن الموبايلات

 

والمكالمات

 

القهوة

 

والكافتيريات

 

 

واكتبلي ع صدرك

 

“” نو دبلومه نو كراي””

 

وسمعني سلام هنخلص فلوسك وأبقي قابلني لو فضلك قرش وإيييه

 

يبقي أنت أكيد أكيد في مصر …”

 

وده مش معناه إني أنا مبحبش البلد

 

الراجل

 

الست

 

البنت

 

الولد

 

 

.

 

قريبا حلقة استخراج مزاولة المهنه فى الحلقة الرابعه ان شاء الله

 

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: