الحلقه 4 : من سلسلة حلقات المختصر المفيد من غير تعقيد ..!!!

السلام عليكم ورحمة الله وبركاته :

 

ازيكم وكل سنه وانتو طيبين وامامير وحلوين وفى الجروب مرودكين وعلى الفيس بوك ليل ونهار جايبين فرشه ونايمين

.

طبعا اكيد فاكرين مش ناسين سلسلة حلقات المختصر المفيد من غير تعقيد يا حلوين

.

مين هيقولى احنا عملنا كام حلقه وعنوان الحلقات ويكلمنى عن اللى فات .

.

عموما بلاش نحرجكم وادينا بنخدمكم ونعلمكم ياعلميين يا مظلومين وان شاء الله هيرجع الحق لصحابه والدنيا هتبقى بيس مليانه مشاعر واحاسيس وهنهيص اى والله هنهيص.

.

النهرده هكلمكم عن ال :

احتياطات وطرق الزرع

.

اولا : انواع الميديات التى يتم عليها الزرع :

.

لازم يكون عندك ف المعمل الميديات دى حتى لو انت هتبعت العينات لاب تو لاب ركز معاى زين واعرنى انتباهك :

لازم يكون عندك تلات اطباق :

1. طبق Macconkey + Blood

2. طبق Cled + Macconkey

3. طبق chocolate

وتلات انابيب:

1.انبوبة Selenite broth

2. انبوبة Thioglycolate

3. انبوبة Transport media او بيسموها Cary-Blair media

 

اكيد بدأتو تتوهو منى وزمانكم هتسيبو الموضوع وتخرجو … لا كملو بس بتركيز . التوضيح جاى بس اصبروا .

 

.

شروط الميديا الجيده :

ان يكون الطبق سميك ” ملظلظ كده ”

الا يكون ردىء ” ماهو نفس المعنى اللى فات ” لا اقصد يعنى ميكونش مشقق او منكمش او منطوى او … الخ ”

الا يكون به تلوث يعنى مش واقفه عليه كام ناموسه كده على كام صرصار صغنطوط … دى بتحصل بلاوى والله فى المعامل اياها .

الا يتجاوز تحضير الميديا 10 ايام ولازم تتاكد بنفسك يعنى لو سالت الميديا لانها مؤنث ممكن تكون 15 يوم وتقولك انا بنت يومين .

بيانات المزرعه :

تكتب هاتيك البيانات على طبق الزرع :

اسم المريض – اسم المزرعه – المريضه هل حامل ام لاء – كود المريض – تاريخ الزرع – مكان الصديد ف حالة مزارع الصديد – سن المريض – هل المريض بياخد مضاد حيوى ولا نو .

.

طريقة فرد الافلام :

جميع المزارع يتم فرد فيلمين لها ما عدا البول لا يتم عمل افلام له

يتم فرد الفيلم بشكل بيضاوى على تلتين الشريحه

يترك الفيلم ليجف ويثبت على اللهب ويوضع على الشريحه الاسم والكود

.

لحد هير ” هنا يعنى ” احنا عرفنا المبادىء ندخل بقى على الجد

قولو ورايا هلاهلله ع الجد والجد هلا هلله عليه

زير ار ثرى جروبز اوف كالتشر :

1. Aerobic Culture:

نبدأها بسؤال اجابته فيرى ايزى : يعنى ايه ايروب ؟؟؟؟

والمجموعه دى من اكثر المزارع انتشارا :

1. Urine Culture :

كلنا طبعا جاتلنا مزرعة البول وانا عن نفسى عامل حوالى خمساشر واحده النهرده !!

المهم : ناخد العينه فى كوب معقم ونراعى الاحتياطات

يتم الزرع باستخدام اللوب العيارى على اطباق Cled+Macconkey

لايتم تسخين اللوب بين كل تلات خطوط

بنفحص فحص كامل للبول ولكن ما يهمنا هو عدد ال RBCs&BUS

.

احنا قلنا لايتم فرد افلام ف مزرعه البول .

 

2. Stool Culture:

يتم الزرع بال سواب” لكن الخطوط باللوب ” على اطباق Blood + Macconkey+ انبوبة Selenit

ليه بقى بنزرع على انبوبة السيلينيت دى : الاجابه : للبحث عن ال Salmonella & Shigella

يتم التسخين بين كل تلات خطوط

بنفحص فحص كامل وبنفرد فيلمين

.

لحد هنا تمام ركزو كده وان شاء الله اللى جاى سهل جدا.

.

3.Vaginal Swab:

يتم الزرع بال ” سواب ” لكن الخطوط باللوب ”

على اطباق Blood + Macconkey + Chocolate

يتم التسخين بين كل تلات خطوط

بنفحص فحص كامل وبنفرد فيلمين

الفحص يشمل التالى :

Colour , RBCs , PH , Epithelial cells , Pus , Trichomonas

 

السؤال بقى هنا ايه حدوته التريكوموناس ده ؟؟؟ اللى يعرف يقول وهعمله ساندوتش فول .

4.Semen Culture:

يتم الزرع بال ” سواب ” لكن الخطوط باللوب ”

على اطباق Blood + Macconkey + Chocolate

يتم التسخين بين كل تلات خطوط

بنفحص لمعرفة ال PUS وبنفرد فيلمين

5. Prostatic Culture:

يتم الزرع بال ” سواب ” لكن الخطوط باللوب ”

على اطباق Blood + Macconkey + Chocolate

يتم التسخين بين كل تلات خطوط

يتم فرد فيلم من ال Discharge

ركزو معاى بقى :

التحليل ده ينقسم الى تلات مراحل وهما :

1. بول قبل Urine Before

وبنفحص ال RBCs & PUS

2. ال Prostatic

وبنفحص ال RBCs & PUS

وكمان ال Trichomonas & S. Hematobium

3. بول بعد Urine After

وبنفحص ال RBCs & PUS

.

انا حاسس ان الموضوع كبير قوى وكده انا شخصيا بدأت اصقط..!!

.

“نو بروستاتيك نو كراى ”

6.Sputum Culture:

يتم الزرع بال ” سواب ” لكن الخطوط باللوب ”

على اطباق Blood + Macconkey + Chocolate

يتم التسخين بين كل تلات خطوط

يتم فرد فيلمين ومن غير فحص

بس تعالو هنا : لازم احدد شكل العينه اما Purulent اللى هى بلغم ..او Mucosalivary اللى هى بلغم مخاط او salivary اللى هى لعاب ودى لازم ارفضها وش .

Other Culture :

يتم الزرع بال ” سواب ” لكن الخطوط باللوب ”

على اطباق Blood + Macconkey + Chocolate

يتم التسخين بين كل تلات خطوط

يتم فرد فيلمين ومن غير فحص

وتشمل الاتى :

Throat , conjuctival , ear , Urethral , …etc

.

طبعا الاهم من طرق الزرع احتياطات المزارع ودى ان شاء الله هيكون ليها حلقه خاصه .

.

استنو بقى اغير اغنية بهاء سلطان ” انا زعلتك ف حاجه ” ونكمل .

2. Anaerobic Culture :

ودى المجموعه التانيه وكالعاده حد يقولى يعنى ايه انايروبيك ؟؟؟

1.Pus Culture:

على اطباق Blood + Macconkey + Chocolate

+انبوبة Thioglycolate

الشاطر بقى يقولى انبوبة ال بنبنبولات دى فايدتها ايه ؟؟؟؟

ويتم فرد فيلمين .

2.Fluid Culture:

على اطباق Blood + Macconkey + Chocolate

+انبوبة Thioglycolate

الشاطر بقى يقولى انبوبة ال بنبنبولات دى فايدتها ايه ؟؟؟؟

ويتم فرد فيلمين .

ولكن اعزائى الساده هنا لنا وقفه هامه :

طريقة الزرع:

يتم تدوير العينه ف انبوبه معقمه والزرع من الراسب

طاب لو العينه قليله ؟؟؟

نزرع على طول من غير تدوير.

.

3.Specific Culture:

وانا هكتفى هنا بالاشاره الى اهم واحده منهم وهى تحليل مزرعة الدم:

Blood

 

Blood Culture:

بتكون اما ميديا ايروب  او انايروب  ويوضع على كل قزازه ميديا 10 سم من الدم ف حالة الكبار و 3 سم من الدم فى حاله الاطفال

.

وف النهايه كده انا قولتلكم طرق الزرع مبدئيا … ومتكلمناش عن الاحتياطات ودى مهمه بل مهمه انتو عارفين مهمه ؟؟!!!!

.

وف النهايه انا حاسس ان الحلقه دى مش قد كده ولا قد كده اهو  وانتو اللى هتحكمو.

.

سمعونى الكومنتات والاسئله والاستفسارات والاجابه على السؤالات .

.

وسلام  ولا اقلكو سلامات ” عشان القافيه تبقى مظبوطه ”

 

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: