دبلومة الميكروبيولوجى – علوم المنوفية

الحلقة 1 : دبلومة الميكروبيولوجى – علوم المنوفية .. بالتفصيل .

 

تطبيقا لقواعد الديموقراطية  سألتكو تحبو اعملكو موضوع عن التحاليل ولا عن الدبلومة  وكان التصويت لصالح موضوع عن التحاليل ولذلك عملت موضوع عن الدبلومة

ملحــــــــــــــــــوظة :

ادائى منخفض خالص سامحونى بقا المره دى واستحملونى لحسن الجو العام فى البلد محبط .

ندخل فى المهم من غير مقدمات

واوعدكم بحلقة من نوع اخر قريبا من خد تحليلك

.

 

اولا يعنى ايه دبلومة ميكروبيولوجى ؟؟؟

الدبلومة: هى نوع من انواع الدراسات العليا لا هى ماستر ولا هى بكاليريوس  وربنا يستر

الميكرو : فرع من علوم الحياة مختص بدراسة الكائنات الدقيقة .. وبس

ثانيا هتعملى ايه دبلومة الميكرو دى لما اخدها ؟؟؟

يعنى

هل دبلومة الميكرو بيولوجى ممكن افتح بيها معمل ؟؟؟؟

طبعا وى مسيو .. بس بعد حوارات اسمع وافهم اللى هقوله وركز معاى :.

.لازم ثم لازم بل لازم

.انك تكون دارس كيميا  ف البكاليريوس  يعنى كيميا سبيشيال او كيميا + اى حاجه تانى

طاب لو انا مش دارس كيميا  اعمل ايه ؟؟؟

فكك من الموضوع ده اصلا واكتفى بانك تشتغل ف معمل او تشارك حد عنده تصريح لو عندك طموح ف حدوتة فتح المعمل

 

 

 يعنى ايه متعصبنيش مانا درست كيميا كتير ف اولى وتانيه ؟؟؟؟؟

.دا درب من دروب العذاب  وارادة ربنا بقا كنت اضغط على نفسك ف ثانوى وهات مجموع حد مسكك… جاتك وكسه😦

 

..ياعم انجز وخليك ف حالك  وقولى  لو انا فعلا عاوز افتح معمل لنفسى ومش عاوز اشارك حد ؟؟؟مع انى مدرستش كيميا ف البكاليريوس اعمل ايه ؟؟؟

تعمل معادله ياسيدى تدرس سنتين تانى كيميا وبعد السنتين  لو انت بكاليريوسك نبات مثلا  هتبقا كيميا ونبات .. ويدينا ويديك طولة العمر

عادى ياعمنا نستحمل سنتين تانى بس يبقا عندى معمل ؟؟؟؟؟

لا يابرنس البرانيس خلى بالك حتى لو عملت المعادله  مع دبلومة الميكروبيولوجى  هتاخد ترخيص بالميكروبيولوجى بس :”:”:

يعنى ايه معمل ميكروبيولوجى بس دى كمان ؟؟؟؟؟؟؟

يعنى تفتح معمل عشان تعمل فيه اليورن والاستول والسيمن والمزارع وبس

ولو جاتلك وزارة الصحه ولقتك بتعمل  تحليل سكر مثلا او عندك جهاز كيميا  او اى شىء من هذا القبيل  هتقفلهولك وش …. وقفا كمان

 ياسنه سوخه ياولااااااد ” ع رأى المنايفه ”  طاب والحل ؟؟؟؟؟

حبيب هارتى الحل واضح وصريح  وهنقول مثال للتوضيح :

لو انت نبات سبيشيال او ميكرو سبيشيال او  او   او   او    اى حاجه مفهاش كيميا

وبتعمل دبلومة الميكرو  وبتدرس خميره  … الخ

 اليك الخطوات التاليه :

1.  بعد ماتخلص الدبلومة تقدم على معادلة كيميا  ف شبين برضه واهو زيتنا ف دقيقنا وهنهيص

2. بعد ماتعمل معادلة الكيميا تعمل كارنيه النقابه عشان يكتبلك اخصائى كدا ف الكارنيه وتحس انك بقيت حاجه

3. بعد ما خلصت معادلة الكيميا  اللى هى سنتين وعملت الكارنيه وكله تمام  ” دا لو فضلت حى يعنى لا قدر الله ”    تعمل دبلومة بيو  ف شبين برضه  واهو ننفعهم .. وهيص ياعم هيتشال منك الاحصاء والانجليزى وعلماء العرب

 

4. برنس انت كدا وواد مخلص واصلى اااااااخر الشارع كمان  ودرست ف الكلية اربع سنين + دبلومة ميكرو سنه +  معادلة كيميا  بقا سنتين ” دا على اساس ان بتوع الاقسام التانيه بيدرسو علم نفس  ”  حسبى الله ونعم الوكيل  .. المهم قلنا 4+1+2  = 7   وكمان دبلومة البيو سنه  يبقا 8  سنوات

 

لو لسه فيك الروح بقا هترفع القضيه  هتكسبها بعد سنه ونص على الاقل  يبقا  الحساب كام ؟؟؟

بسم الله الرحمن الرحيم     الاجابة  9   سنوات

وحصلت المعجزه  وعشت لحد ما  كسبت القضية  دا لو الاطباء ما غيروش القانون طبعا🙂

 

..تفاءل خير  ياعم المحبط  واخلص انا زهقت منك ؟؟؟؟

 

 

حاضر ياعمنا انا خلصت اهو المهم:*****  هتفتح معمل ويبقا مرخص لممارسة البيو والميكرو  …

..**يعنى ايه ؟؟؟؟

يعنى تشتغل فيه كل حاجه خاصه بالتحاليل الطبية  ماعدا الباثولوجى

ويبقا انت كدا وصلت وحققت حلمكواللى عندو اى سؤال محيره يقولهولى وادينا بنعلم بعضين

 

انتظرونا فى الحلقة الثانية غدا او بعد غدا ان شاء الله

 

امين الهوارى

 

7 تعليقات

  1. 1-انا دلوقتى لسه طالبه داخله تانيه والتخصص ادامى انى ادخل يا ميكرو بيولوجى او كيميا اسبيشيال مع اختلاف اسم الجامعه ميكرو فى اسيوط واسبيشيال كفر الشيخ ومش عارفه اختار
    2-مش فاهمه طيب يعنى لو خريج ميكرو ممكن يعمل دبلومة بايو وميعملش ميكرو والا لازم تخصص الكليه الاول ؟؟؟
    3- كيميا فيزيا ليه بردو انه يعمل دبلومة ويبقى اخصائى تحاليل ؟؟

  2. اهم شئ حااليا ولحدما يتعدل القانون انك تختارى تخصص مزدوج يعني اى حاجة وكيمياااا ،، او انك تدخلى قسم بيوكيمسترى من الاول لكن الخااااص ابتعدي عنه ، حيوان او نباتاو ميكرو خااص لان دا هيجبرك تعملى معادلة كيميا ودي مكلفة وصعبة كمااان

    قسم كيميا وفيزيا فعلا يقدر يعمل دبلومة ويرخص اخصاائي دلوقتي

  3. ايه الاحباط الرائع ده طيب هو انا لوحبيت اشتغل بتخصص الميكرو بس انا المفروض اشتغل ايه والواقع المأسوى ايه ممكن حضرتك توضح لان لوعملت كل ده يبقى لا انا حتجوز ولا حعمل ايه حاجه بكليه المنحوسه اللى انا فيها دى ربنا يبركلك!

  4. انا كميا ميكر وكنت عاوزه اسال عن الدبلومه علشان فى ناس قلتلى انى كميا ميكر ملهمش دبلومه الدبلومه مب كميا حيويه هل الكلام ده صح ولا لا وهل لى احقيه بفتح معمل باسمى والترخيص بتاع المعمل بردو باسمى ياريت تردو على انا سالت قبل كده ومحدش رد على وهل دبومة الاسماعليه احسن ولا عين شمس ياريت تفهمونى كل حاجه الواحد حااطط امله على كده

  5. مهاب البغدادى | رد

    اى طالب معاه كلية العلوم قسم كيمياء مزدوج حتى لو قسم كيمياء وجرجير اهم حاجة يكون فى الشهادة كيمياء ليهم دبلومة الكيماء الحيوية الطبية اللى هى دبولمة التحاليل

  6. انا كيميا/ميكرو بيولوجي ..1_عايزا اعمل دبلومه ف الميكروبيولوجي وان شاء الله في شبين بس عرفت انهم مش هيقبلو للي من خارج الجامعه فهل دا صحيح ؟؟..ولو مش ينفع اي الكليات افضل اني اعمل الدبلومه فيها بعد شبين مع العلم اني عايزا اتعلم مش بدور علي السهل بدور ع الافضليه ….شكرا .

  7. انا خريجة جيولوجيا خاص وعايزه اشتغل فى التحاليل معلش انا عارفه ان عقلى كان طايش ساعتها لما دخلت القسم المنحوس دا بس أهو اللى حصل بقى ممكن تفيدونى

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: