شايف اليافطه دى .. ؟؟!! الحلقة الاولى

شايف اليافطه دى .. ؟؟!! الحلقة الاولى

اعداد :محمد منصور أبوكاشيك

المعمل للتحاليل الطبية

*برعاية سلسلة حلقات خد تحليلك

شيفين اليفطه دى كانت أول حاجه بتيجى فى خيال الواحد وهو فى الكلية لما حد يسأله هو أنت هتطلع أيه

بس مكانش بيعرف يرد ويقول الكلام ده عشان هو مش متأكد من كده يمكن أو مش واثق يمكن أو أي يمكن وخلاص

ولما كان حد يجبله سيرة معامل التحاليل ومكاسبها تلاقى عينيه لمعت وقلبه حيفط من صدره

بس يرجع ويصبر نفسه ويقول أصبر يا عالم أما أتخرج يكون الحال فى مصر وصل لأيه و وزراء الصحة سابولنا حاجه نشتغل فيها ولا أيه ولا أيه.

المهم:

خلصت الكلية بخير وسلامه وأصبح معاك بكالوريوس علوم فى الكيمياء أو أحد مشتقاتها

وربنا كرمك وخلصت الجيش أو كان حظك سعيد و أخدت تأجيل أو حتى غير لائق المهم خلعت (للذكور فقط)

سألت الناس اللي قبلك فى المجال ( علوم طبعا) عن الدبلومه اللي تخدها نوعها أيه ؟ وفين؟ وبكام؟ وسهله ولا صعبه؟…….الخ.

وبدأت فى الدبلومه وفى نفس الوقت فى التدريب عشان الإنجاز يعنى

خلصت الدبلومه وتمرنت كويس جدا جدا جدا (وياريت تكون اشتغلت كمان ولو لسنه فى مكان كويس )

وتكون رفعت القضية بالمرة في الفترة دى وكسبتها

وعايززززززززززززززززز تحقق حلمك فى ( معمل التحاليل الطبية )

لازم تعرف حاجات مهمة جدا

أولاً: أنت الميزانية عامله إيه ؟ ده مربط الفرس لييييييييييييييييييش

لأن لو الميزانية مفرفشه:

أختار أفخم مكان فى البلد (عشان أكيد حيكون إيجاره عالي وأنت طبعا الميزانية مفرفشه ) وياريت يكون فى وسط المدينة ولو في الإمكان قريب لأكبر تجمع دكاترة ولو في الجون يكون مع ده كله جنب مركز أشاعه ( وأنت طبعا الميزنيه مفرفشه والغالي حيكون رخيص)

طب لو الميزانية بطنها وجعاها حاول تكون قريب قدر الإمكان من كل الحاجات اللي فاتت دى

ممكن حد يسأل وهو الميزنيه حتفرق فى أيه ؟

طبعا بتفرق كتييييييييييير لأن الميزنيه المفرفشه مهما يكون الإيجار غالى وده طبعا من الالتزامات اللي حتكون عليك كل شهر مش حتفرق معاك, لكن الميزنيه اللي بطنها وجعاها حتعمل ضغط كبيييييييييييييير عليك لو الالتزامات بتاعتك كبيره لدرجة انك ممكن لا قدر الله تندم على اليوم اللي فتحت فيه المعمل وتدخل فى سكه ………………….. كلكم عارفين طبعا هي إيه السكة دى

 

المكــــــــــــــــــــــــــــان

ياريت يكون أرضى أو دور أول

عماره جديدة يكون أحسن

على الأقل 3 غرف وصاله وحمام عشان ميتلككوش في الترخيص

يطل على الشارع الرئيسي يكون خير كبير

التهوية تكون جيده

المياه والصرف مفيهمش مشاكل

غرفة المعمل بها حوض للغسيل

 

الأجهــــــــــــــــــــــــــــــــــــزه

نرجع تانى للميزانية ونقلب المواجع

لو الميزانية مفرفشه يستحسن انك تبدأ بـــــــــــــــ

 

1- جهاز عد دم (Cell counter))) وده فى فروق جامدة في الأسعار

ممكن يكون صيني ويتراوح من 40 ل 50 آلف جنيه

ممكن يكون سويدي وده بحوالي 50 آلف جنيه

ممكن يكون أمريكي sysmex وده فى حدود 90 آلف إلى 250 آلف على حسب البارمتر والإمكانيات

 

2- جهاز كيمياء الدم

ومنه أنواع كتييييير بداية من الكلروميتريك إلى الكينيتك منه تيوب وكفيت ومنه سكشن إلى الأوتوميشن

الأسعار على حسب نوع الجهاز وعدد الفلاتر والاوبشن اللي فيه

يبدأ السعر من 8 آلاف إلى 60 آلف وأكتر

 

3- جهاز البروثرومبين

من 6 إلى 10 ألاف

 

4-جهاز الإليزا

نفس الكلام اللي على جهاز الكيمياء.

 

5-جهاز العناصر

فى حدود 15 آلف

 

6-جهاز الكازا أو عد السائل المنوي بالكمبيوتر

في منه صيني في حدود 50 ألف وفى منه أمريكي فوق ال100الف

 

7-جهاز Turbedymatry وده فى حدود 10 آلاف

 

8- فرن تعقيم + حضانة + جهاز طرد مركزي دول من ألف واحد إلى 5 الآلف على حسب النوع

 

9-ميكروسكوب

معاك من الصيني 107 وده فى حدود 1100

وممكن اعلي من كده لو كان امريكى يوصل لحد 4 آلاف

 

طيب لو الميزانية بعافية شويه يبقى تختصر وكفايه قوى :

1-جهاز كيمياء فى حدود 15 آلف جنيه

2-جهاز بروثرومبين فى حدود 7 آلاف جنيه

4-حضانة + فرن + سنترفيوج كــــــــــــــــــــــــــــــل ده بألف جنيه

5-ميكروسكوب 107 صيني ب 1100

 

مع العلم :

يوجد لكل ده تقسيط ممكن تدفع 10 آلاف وتقسط الباقي

**** بس نصيحة أبعد عن القسط وغنيله ****

عشان متبقاش فى هم بالليل وذل بالنهار

 

وانتظرونا فى الحلقة القادمة مع

 

( الدعــــــــــــــــــــــــــــــايه )

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: