كلام من القلب…. خفيف على القلب

كلام من القلب…. خفيف على القلب

من قبل Dr-Amin Gamal Amin‏ في تحاليل طبية‏ ·

السلام عليكم ورحمة الله وبركاته

اخوانى وأخواتى العلميين الكرام نظرا لما نشر على الصفحات الالكترونيه من قرارات وكلام لبعض الجرائد واصبح امانى واوهام

عن امكانية منح التراخيص والمزاوله بدون  اللجوء الى قضايا ومماطله ومطاوله عمال على بطال استنزفت منا الوقت والمال فى ظل فساد حكومه سابقه ووزراء رجال اعمال  من الواضح ان القضاء عليهم من المحال كل ما يهمهم هو مراعاة مصالحهم الشخصيه وكأنها ثوابت كونيه بغض النظر عمن سواهم والحكومه معاهم وسنداهم.

.

.

اعزائى العلميين  الثائرات منكم والثائرين لابد من معرفة انه اذا تم هذا القرار واعلن واصدر اصدار  سيؤثر على مصالح عمالقة او مافيا التحاليل الطبيه اللى من خيرها متهنيه ف مصر كمعمل س و معمل  ص ….. الخ

ومن هذا المنطلق فانها حرب حياه او موت  والاقوى والاكثر تاثيرا هو من سيسمع له صوت …… اظن مفهوم طبعا

وحد يدينى عقله كده ويسرح معايا شويه واسمعو الحدوته ديه  لو ان العلمين خدو حقوقهم بعد 3 او 4 او 5 سنين هيكون فيه حد من الكيميائيين  معاه 2 ماجستير و3 دكتوراه ف البيو وف الميكرو ومعاه تلات اربع ملايين  كده عالماشى فتح سلسلة معامل مشهورين وسماها ” معامــــــــل الدرج ”    او “معامـــــــــــل المنصهر ”

ومش هيشغل فيها غير اخصائى مختبر كيميائيين ف شارع كبير وف برج عالى او هيساوى اللى معاه ماجستير ف البيو مع اللى معاه ماجستير ف الكلينيكال والرخيص هيبقى غالى

يبقى ساعتها مين هيتأثر…..؟؟؟

حد يرد  ……؟؟؟

انا ارد

بسم الله الرحمن الرحيم

الاجابه

معمل س و ص

على النقيض:

ياجماعه مينفعش اى حد يبقى اخصائى وخلاص؟؟

حد يقولى ليه يا برنسيس ؟ ؟

انا اقولك:

لما يبقى شخص ف ادارة معمل س و ص بيشغل خريج جيولوجيا او حشرات سبيشيال او حيوان مع انه ينفع ف البارا …؟؟؟ او نبات او رياضه او فيزيا او علوم بحار او علوم ذره وانشطار

وفعلا ده مينفعش يشتغل ف التحاليل لانه ببساطه مدرسهاش وللاسف ميفهماش … نفس الشخص ده ميعرفش يفرق بين دول وحد دارس بيو او ميكرو مثلا ومعاه دبلومه او ماجستير احيانا  …. بصراحه لازم نوقف ممع نفسنا ونفكر ف اللى بيحصلنا ونشوف ايه ف صالحنا وايه ضددنا..!!!

طبعا انا بتكلم على معامل س و ص…… انتو معايا ولا تهتو منى….؟؟

والله انا عن نفسى شايف انه لازم العمل خأخصائى تحاليل يقتصر على خريج الكيميا والبيو والميكرو فقط ويشترط حصوله على دبلومه او ماجستير علشان يفتح معمل

.

.

ويبقى فيه حاجه اسمها اخصاءى طبى وغير طبى زى اوروبا والدول المتقدمه…

.

.

وكمان يبقى فيه تفتيش على معامل س وص ونجبرهم انهم يحطو كل واحد ف مكانه الصح ومش يعاملو الناس كلها كأنهم مبيفهموش حاجه….. اظن برضه مفهوم.

.

.

بالنسبه للوقفه

اناهروح ان شاء الله علشان يبقى عملت اللى على والباقى على الله له الاراده واليه عاقبة الامر ومنتهاه

وانتظرو الكثير بس لما اكون فايق كده ورايق وفاضى ومش مضايق

مع تحياتى :

أخصائى تحاليل طبيه مع ايقاف التنفيذ

لحين اشعـــــــــــــــــار آخر

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: