الحلقة 10 : من سلسلة حلقات خد تحليلك…!!

السلام عليكم ورحمة الله وبركاته

ثم بعد :

بعد التحيه والسلام … وكل الحلو من الكلام .. للجدد منكم والقدام .. اللى قاعدين ورا واللى قاعدين قدام .. النشطاء فى الجروب والكسلانين منكم والنيام ..وبعد ما مر علينا هنا اكثر من عام … قدمنا فيه حلقات حوالى ؟؟؟ مش فاكر كام …  ضحكنا .. استفدنا … اتعلمنا … عيشنا واقع المعلومة البسيطه … فهمنا .. ناقشنا … ابتسمنا … تركنا الحفظ واصبحت عقولنا نشيطه

الان من هنا … جروب تحاليل طبية

جروب الجالية المصرية بالسعودية

بالاشتراك مع :

دبلومة ميكروبيولوجى جامعة المنوفية

وبعض الجروبات الاخرى المعلنه والمستخبيه

.

نقدم لكم :

.

النهرده انا جايبلكم تحليل كتير مننا بيضايق منه وبيبقى مش طايق يعمله لكن :

ده شغلنا واكل عيشنا وقوت يومنا  وغطانا من الحاجه وسترنا وضلنا سيبو اللى ف ايديكو وتعالو اسمعونى هنا .

Stool Analysis

اول حاجه نرش معطر جوى  ولو عندنا ماسك نلبسه  ناخد نفس جامد ونكتمه … فلنبدأ

جاتلك عينة سجلت البيانات حطيت الباركود اديت العلبه للبيشنت  جاب العينه  هتشتغلها

:

اولا : مراعاه الاتى :

1. يفضل ان تكون العينه ف وعاء نظيف من المعمل

2. لايتاخر الفحص عن ساعه من اعطاء العينه

لماذا ؟؟؟

ج. لان كلا من :

E. histolytica trophozoite

G. Lamblia Trophozoite

تتحلل بسرعه ف درجة حرارة الغرفه

كله تمام يبقى افتح العينه وابص عليها بعينى كالاتى :

1. Naked eyes Exam.

1. colour

اللون اللى انت شايفه والشائع  هو البنى –  البنى المحمر – الخ بلاش تأليف عشان خطرى خصوصا البنات تقولك دا بينك ولا تقولك فحلقى ولا تقولك مووف  .. وجعتو قلبنا .. الله يسامحكو بقى .

2.odour

الرائحه دائما بتكون  Offensive

بعص المعامل بتكتبها stooly

3.Consistency

Formed –  semiformed – loose  – soft – watery  .

وده مهم جدا وهقولوكو ليه دلوقتى :  ……….!!!

4.Blood

يوجد بكثره فى حالات الشرخ الشرجى او البواسير

5.Mucous

ركزو معاى بقى لان الجزء ده مهم جدا

اولا : اذا كانت العينه بها مخاط وفى نفس الوقت قوامها

loose  or  watery

اذن :

هناك انتاميبا هيستولوتيكا

تانيا : وجود مخاط  والعينه

L or  W

مع وجود دم

اذن هناك كمان

Pus & RBCs

ثالتا : وجود مخاط  والعينه

L  or  W

مع وجود دم

وعدم وجود

E .  histolytica

اذن : عدوى بالاميبا او عدوى بالبكتريا

وهنا بقى السؤال للمتفوقين ازاى افرق بين الاصابه بالاميبا والاصابه بالبكتريا ؟؟؟

واللى هيجاوب السؤال  ليه جائزه ..؟؟؟

.

6.Pus cell 

تكتب Nil  مالم تكن واضحه امامى فيكتب العدد من كذا لكذا … بيس ؟؟  اظن بيس ؟؟

7.Fats

انا عن نفسى ماقابلتنيش قبل كده وتكتب  برضه Nil

8.Worms

وهى الدوده الكامله اللهم احفظنا لما تنزل ف العينه  واهمها :

Entobious , Taenia , and Ascaris

9.Undigestive Food

وهو الاكل الغير مهضوم فى  العينه  وترى بالعين المجرده .

لحد هنا كله تمام بالعين المجرده

ومتنسوش سؤالنا كان عن :

التفرقه بين العدوى بالاميبا والبكتريا ؟؟

وكمان ماهى : Peri – Anal  Swab

ومالفرق بينها وبين Rectal Swab.

.

.

الجزء التانى الفحص الميكروسكوبى :

2.Microscopic Examin.

ببساطه فيه طريقتين لتحضير العينه على حسب قوامها  عشان كده لو تفتكرو قولتلكم ان القوام مهم ؟؟؟؟

اولا :

Direct smear examin.

تستخدم فقط ف حالات العينات ال L  or  W

وهى عباره عن جزء من العينه + 10 % يود  والتقليب ثم وضع الكفر ثم  الفحص .

Sedimentation Method :

تستخدم ف باقى العينات اللى قوامها ليس  L  &  W

الخطوات :

1. جزء من العينه ف انبوبه بها 10 مل فورمال سالاين

2. يرشح المخلوط ف انبوبه اخرى بواسطة شاش

3. يوضع 2 مل من ايثيل اسيتات لاذابة الدهون

4. تدور العينه ع  3000 لفه / دقيقه  لمدة 10 دقايق

5. تزال طبقة الدهون ويلقى كل الSupernatant

6. يترك اخر 500 ميكرون ف الانبوبه

7. 10 ميكرون على شريحه مع نقطة يودين 10 %

8. فحص العينه

طبعا فيه طرق تانى بس انا عن نفسى بشتغل بالطريقه دى

وزميلى وحبيبى عبد الله نجيب شرح الطرق بالتفصيل قبل كده  وقال ايه العيوب والمميزات بتاعت كل واحده

باختصار بقى  هشوف ايه تحت الميكروسكوب :

حاجات كتير هكلمك عن الاهم منها عشان الملل :

Epithelial cells

وجودها بكثره دليل على التهابات القولون

Protozoa

بصو بقى دى محتاجه تركيز :

اولا هنقول ايه الفرق بين البروتوزوا  والبكتريا ؟؟

يالا ياروضة الجنه جاوبى ؟؟ ولا اقولك خلى د طه امين يجاوب .. واهو ابنى وممكن اغششه ؟؟؟؟

ثانيا :

هناك اربعه من البروتوزوا :

1. E. Coli

Trophozoite

لا يكتب

Cyst

بها من 5-8 انوية

2. E. histolytica

Trophozoite

لو لقيته لازم تكتبه وشكله معروف هجبهولكو دلوقتى

Cyst

بها من 1-4  انويه فقط

3.E. dispare

Trophozoite

لايكتب

Cyst

انا مقبلتهاش خالص

4. Giardia

Trophozoite

واضح قوى وله خط وسطى كده

Cyst

شبه التروفوزويت بس من غير اهداب

Cryptosporidium & rota virus

يكتب فقط ف الاطفال من 2-5 سنوات

عباره عن فطريات انتهازيه تسبب اسهال وجفاف ثم الوفاه

عند الاشخاص ذو المناعه الضعيفه

تظهر فقط ف العينه ذو القوام ال L  or W

Blastocystis hominis

لا تكتب الا ف حالة وجودها بكميات كبيره

وتكون العينه  L  or W

عدم وجود اى طفيليات اخرى

Helminthes= ova = eggs

يتم التفرقه بينهم عن طريق الحجم واللون والشكل

وهقولكم ازاى ؟؟؟

Larvae

الوحيده التى ممكن ان توجد ف  العينه Strongyloides Larvae

واللى هيقولى ازاى افرق بينها وبين الشعر تحت الميكروسكوب ليه جايزه برضه .. مفاجأه

طاب ايه حكاية التفرقه بين البويضات عن طريق الحجم واللون والشكل  ازاى يعنى ؟؟؟؟

ج. انا اقولكو ازاى :

هنقسمهم تلات اقسام حسب الحجم :

1. Big size

ودول بيبقى حجمهم كبير تحت الميكروسكوب وهما :

Faciola , schistosoma  Mansoni  .

2. Medium Size

ودول بيبقى حجمهم وسط كده اصغر من اللى فاتو  وهما :

Ascaris , Anclystoma and H nana

3. Small size

ودول حجمهم صغنطط وحاجه كده اوزى وابقى قابلنىلو عرفت تميزهم الا بالخبره :.

Taenia , Trichurus  , Entrobious

ومتنسوش سؤالنا كان عن :

1.التفرقه بين العدوى بالاميبا والبكتريا ؟؟

2.وكمان ماهى : Peri – Anal  Swab

3.ومالفرق بينها وبين Rectal Swab.

4.وكمان مالفرق بين البروتوزوا والبكتريا ؟؟

5.وكمان تكلم عن  كل نوع من البروتوزوا اللى ورد ذكرها ؟؟

وادى اطلس للصور كمان عشان متقلوش انى بخلت عليكم

:

http://www.yallatb.com/g2-Stool-Microscopic-Examination.html

 

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: