الحلقة 6: من سلسلة حلقات خد تحليلك …. !!!

السلام عليكم ورحمة الله وبركاته

.

.

نقدم لكم بدون اشعار عشان محدش يتنرفز وينهار المره دى هندخل ع طول ف الحوار

.

اخر موضوع كان عن الهربس زوسر وسقاره عجب كل الناس ومحققش بصراحه نجاح كبير عموما مش مهم وانا مضايق لانى متعود ع النجاح ماشى اهو كله تغيير ومش عاوز انجح ع طول لا اتغر واطير بس المره دى عاوز كومنتات ولايك بعدد اللى كانو يوم 28 ف التحرير او اللى كانو على اسطح البيوت بيقتلو المتظاهرين طاب لو محصلش ممكن اعمل جروب لوحدى وابقى انا العضو الوحيد اللى فيه والادمن كمان وهقرا المواضيع بتاعتى واكتب كومننت لنفسى .

حد فاهم حاجه ؟؟؟؟

طاب خد دى :

.

زعلت قوى لما قولتلها حماده بالجنزبيل ولما سألت يعنى ايه فانا مرديتش فهمت بقى لما شرحتلها وشتمتنى ع الانبوكس الخاص وكل الناس شافته فانا لما اتضايقت مزعلتش فزعقتلها بقى وانا ساكت بصوت واطى ورديت وقالت فيا كلام تقشعر له الابدان وترتس ليه مش فاهم وعارف لانى مضايقها عموما انا مردتش عليها وع رأى المثل خير رد ع السفيه البسكويت… بس ياريت يكون بالفانيلليا لانى بحب الشوكولاته

.

شغلنا يابنى أغنية فيفتى سينت كاندى شوب ” وتكون فيديو كليب خلينا نهيص ” ونعرف نشرح بمزاج

.قاعد ف المعمل كده غرقان لشوشتك ف الشغل وجالك حد كده من بره ماسك معدته وبيمدلك اوروشته مكتوب على ضهرها تحليل وبيقولك عاوز اعمل التحليل ده ياابو الدكاتر هتقوله تمام مفيش مشكله نعمله هيبصلك كده قبل ما يبدأ يسأل ويشوف انت هتجاوبه ولا ايه ؟؟

طبعا انت شاب وسيم جيلك كرافتتك بالطيهك … من الاخر ايمج..

قلبه هيطمن ويبدأ بقى هى ايه يادكتور القرحه المعديه دى ؟؟

فتنطلق انتى بقى :

Peptic Ulcer

القرحه المعديه او الهضميه

هى مرض ناتج عن الاصابه ب بكتريا ال H. Pylori ويسمى المرض ب Peptic Ulcer وهى شائعه جدا ف البلاد الناميه وقد يتطور المرض الى سرطان المعده او الامعاء

امتى الطبيب يطلب التحليل ده ؟؟؟

لما المريض يعانى من الام شديده ف المعده مع فقدان ملحوظ ف الوزن بدون سبب واضح مع غثيان وقىء بس خلى بالك الام المعده هنا بتبقى قويه ومستمره عشان مش اى الم ف المعده نقول انها

.

ازاى ممكن تتم العدوى بالمرض ده ؟؟

تتم العدوى بالمرض ده عن طريق الطعام الملوث بالبراز او افرازات اللعاب او الترجيع للمريض المصاب بالبكتريا

.

طاب العلاج بقى بيكون بايه ؟؟؟

بيكون بمجموعة مضادات حيويه للتخلص من البكتريا .

.

طاب هو كل الناس اللى بتتعالج بتخف ؟؟؟

والله الخففان بيد المولى سبحانه وتعالى لكن ده ميمنعش ان فيه ناس خفت وفيه ناس حصل عندها مناعه للمضادات وهنهيص

.

طاب ننجز بقى ونقول الجزء اللى يهمنا احنا ف الموضوع ؟؟؟

اوك ” وى ول ساى بت بى بيشنت بوى ” …. اللى يهنا بقى :

التشخيص المعملى للمرض Lab. Diagnosis

بيتم التشخيص المعملى عن طريق الاتى :

1. H. Pylori Ag in Stool

2. H. Pylori Ab. In Serum

3.Biopsy of the stomach

4.Breath test

5. Urease test

.

حد فاهم حاجه ؟؟؟؟ بصو ياشباب ممكن تجيلك اوروشته موجود فيها اى حاجه من دى بس الاشهر اول اتنين:

طاب نبدأ كده ف كل واحده ونشوف الدنيا هتمشى ازاى ؟؟؟؟

.

1. H. Pylori Ag in Stool

دى عباره عن عينة براز للمريض عادى خالص وبنكشف فيها عن الانتيجن بتاع البكتريا .

2. H. Pylori Ab. In Serum

دى عينة سيرم بنكشف فيها عن الاجسام المضاده اللى افرزت ف الجسم كرد فعل للاصابه بالبكتريا .

3.Biopsy of the stomach

ودى عينه بتتاخد من المعده وتفحص تحت الميكروسكوب او تزرع عشان نكتشف وجود البكتريا من عدمه

4.Breath test

وده اللى انا اعرفه عنه ببساطه كده ان المريض بياخد سائل يحتوى على ماده radioactive لو البكتريا موجوده ف الجسم بتبدأ تكسر الماده دى الى radioactivity labeled CO2 gas وعن طريق تجميع هواء الزفير يمكن للمعمل ان يقرر هل البكتريا ف الجسم ام لا ؟؟؟

حد مش فاهم ؟؟؟ اللى مش فاهم يقرأ دول :

How is this breath test done?

For the test, patients swallow a capsule containing urea made from an isotope of carbon. (Isotopes of carbon occur in minuscule amounts in nature, and can be measured with special testing machines.) If H. pylori is present in the stomach, the urea is broken up and turned into carbon dioxide. The carbon dioxide is absorbed across the lining of the stomach and into the blood. It then travels in the blood to the lungs where it is excreted in the breath. Samples of exhaled breath are collected, and the isotopic carbon in the exhaled carbon dioxide is measured.

والتحليل ده موجود ف البرج بس مش عارف بصراحه ف المختبر ولا لاء ؟؟؟ عموما بكره اسال ان شاء الله ؟؟

التحليل الممل ده ليه احتياطات اهمها :

الامتناع عن المضادات الحيويه قبلها باربع اسابيع

والامتناع عن اى اكل او شرب قبل التحليل بساعتين

.

5. Urease test

التحليل ده عباره عن انزيم تفرزه البكتريا لكى تتكيف مع المعيشه ف الوسط الحمضى ويمكن تقديره ف عينة النسيج المأخوذه من المعده.

.

طاب انا عاوز اعمل متابعه بعد ماخدت العلاج ؟؟ اعمل تحليل ايه ؟؟

هنركز ف تحليلين للمتابعه هما ال Stool Ag & Breath test

.

سؤال اخرانى ” يعنى اخير باللهجه الصعيدى ” هل كل اللى عندهم H. Pylori عندهم Peptic Ulcer

طبعا لا مش كل اللى عندهم بيبقى عندهم … لان فيه ناس المرض مش بيطور عندها لكده والمضادات بتقضى عليه .

.

كده بيس البيس ونكومنت بقى وخلى فيه احاسيس

 

One response

  1. شكرا جداا لحضرتك
    عاوزه اسأل امتى اعمل تحليل المتابعه
    بعد قد ايه من نهاية العلاج

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: