الحلقة 7 : من سلسلة حلقات خد تحليلك…!!!

السلام عليكم ورحمة الله وبركاته

.

كيفكم ياشباب كيفكم يا انسات كيف المدامات الحوامل منهم والمرضعات

 

عاملين طالعين نازلين نهاتى ونقول ننجز ونروح نشترك ف النقابه عشان ننتخب حد يدافع ويهاجم ويلعب فيرود او راس حربه ف الماتش الصعب اللى بنلعبه :

مش عاوز اقول بيت الشعر اللى بيقول مش عارف ايه كده ولكن لا حياة لمن تنادى.

.

طبعا كلكو منتظرين الاشعار الفن اللحن الامتاع الاقناع ف الحوار والان وبعد طول انتظار نقدم لكم الحلقة التامنه من سلسلة حلقات خد تحليلك.. اقوى السلاسل الموجوده الان على الشبكه الإسبايداريه الجامده المنتشره المتنوعه فقط وحصريا على جروب تحاليل طبية.

.

طبعا كلنا عارفين ان اكتر تحليل بيجى المعامل هو تحليل صورة الدم الكامله ولما سديكى وحبيبى عبد الله الجامد بتاع البودى جارد والعتال شرح واتكلم وزعق وقال ان الدم يتكون من كرات حمراء وخلايا بيضاء وصفايح دمويه وقد صدق عندما تكلم ونطق مع ان اسلوبه ع غير العاده كان فكسان وشكله ف اليوم ده كان تعبان وانا ساعتها قولتله احذر يامان انت كده مش زى زمان.

.

شرحنا كتير واتكلمنا كتير لكن سر المهنه يقتصر على التكرار بالفهم وستجد ان المعلومه ثابته ولن يصيبها اى انهيار.

.

هنتكلم النهرده عن الانيميا وكأنك لم تراها من قبل من ناحية تفسير النتايج والمتابعه كأنك طبيب بالظبط :

.

هقول ان طبقا لتفسير تحليل صورة الدم الكامله هلاقى ان فيه تلات انواع رئيسيه من الانيما وهما :

1. Normocytic Anaemia

ناتجه عن نقص ف الهيموجلوبين ولكن ال MCV طبيعيه

حد طبعا هيقولى وضح لو سمحت معنى ال ام سى فى :

اكيد الام سى فى دى مش ام السى فى اللى احنا بنعمله ونقدم بيه على شغل وكده لاء دى عباره عن متوسط حجم كرات الدم الحمراء…..اشطه …!!!

.

ف الحاله دى بنعمل للمريض Reticulocytic count

.

واشوف بقى النتيجه :

1. لو Retico. C. مرتفعه عن المدى الطبيعى

اذن اما فيه تكسير لكرات الدم الحمرا او كان فيه نزيف عند المريض قريب…. لحد هنا تمام ؟؟؟ تمام .

.

يبقى هخلى المريض يعمل التحاليل دى :

Coombs , G6DP , Hb electro. and Bilirubin T & D

ليه بقى البليروبن ؟؟؟؟

لانه ناتج عن تكسير كرات الدم الحمراء …. اوك ؟؟؟

.

2. لو ال Retic. C. منخفضه عن المدى الطبيعى

اذن السبب اما مرض بالكبد او الكلى او الغده الدرقية

..

يبقى هنخلى المريض يعمل التحاليل دى :

KF , LF , and thyroid function

.

3. لو ال Retic. C. فى المدى الطبيعى

اذن المشكله ممكن تكون ف نخاع العظام اللى بيكون كرات الدم الحمرا

يبقى هخلى المريض يعمل التحاليل دى :

Bone Marrow examination

 

ركزو كده فيما سبق عرفنا ان احنا معانا تلات حالات ف حالة لو كان الهيموجلوبين ناقص وال MCV طبيعى

.

.

2.Microcytic anaemia

ناتجه عن نقص ف الهيموجلوبين ونقص فى ال MCV

فى الحاله دى هنعمل للمريض تحليلين وهما Iron and TIBC

 

واشوف بقى النتيجه :

1. اذا كان الحديد مرتفع :

يجب اجراء تحليل Bone marrow عشان نكشف عن مرض اسمه Refractory Anaemia وده نوع من الانيميا لايستجيب للعلاج

.

2. اذا كان الحديد منخفض :

هعمل ف الحاله دى حاجتين : Ferritin and B. Marrow iron staining

واشوف النتيجه :

– لو النتيجه بتاعت الفيريتين طبيعيه او عاليه … اذن : نوع الانيميا : chronic disease anaemia

– لو النتيجه بتاعت الفيريتين منخفضه … اذن : نوع الانيميا : Iron deficiency anaemia

.

3. لو كان الحديد طبيعى :

هعمل ف الحاله دى تحليل :Hb electrophoresis

ليه بقى ؟؟؟ عشان اشوف الاشكال الغير طبيعيه من الهيموجلوبين واشخص ع اساسها الانيميات ونوعها .

.

يبقى احنا كده عرفنا ان فيه تلات حاجات برضه ف حاله لو كانالهيموجلوبين ناقص وال MCV ناقص.

.

.

ناتج عن نقص ف الهيموجلوبين وزياده فى ايه ؟؟؟؟؟ فى ال MCV

ف الحاله دى لازم اعمل للمريض B. Marrow ليه بقى ؟؟؟؟؟

عشان ادور على وجود الخلايا ال Megaloblasts

.

واشوف بقى النتيجه :

1. وجود الميجالوبلاست :

وف الحاله دى بنسمى الانيميا : Megaloblastic anaemia

وهى انيميا الخلايا الكبيره وناتجه عن نقص ال Vit. B12 and Folic acid

طبعا بطبيعة الحال لازم اشوف نسبة الحاجات دى ف الدم اد ايه بتحليل :

Vit B12 & Folic acid

ودى بتبقى عينات سيرم عاديه وموجوده ف المعامل الكبيره تقريبا بس ….!!!

.

2. عدم وجود الميجالوبلاست :

ف الحاله دى بتبقى ناتجه عن زياده ف ال Reticulocytes وهى الخلايا الام لكرات الدم الحمراء

وهنا بقى بخلىالمريض يعمل :

Retic. Count and Haemolytic profile

.

والسؤال هنا بقى هو ايه ال هيموببببببنبتك بروفايل ده ؟؟؟؟؟؟؟

عاوزين وجوه جديده تشارك وتجاوب!!!!!!!!!

.

يبقى كده عرفنا ان فيه حاجتين لو كان الهيموجلوبين ناقص وال MCV عالى .

طاب حد مركز قوى بقى وسمارت اخر حاجه هيقولى يا إمـــــو : ماانت قولت ان الزياده ف ال Retics دليل على ان نوع الانيميا نورمو سايتيك ؟؟؟

لا … خلى بالك فيه فرق لما ترتفع ال Retics ويكون ال MCV طبيعى ولما يكون عالى .

.

وهسيب التوضيح اكتر ف الحته دى لاستاذى الدكتور : محمد خيرى .

.

وياريت ندردش بقى كلنا كده ف القوانين دى :

Reading x 36.77 = ……gm. X 6.9 = ……Hb% .

Ht = Hb(gm) x 3.3 = ……%

RBC’s = [ Hb(%) / 2 ] x 100,000

MCV = [ Ht / RBC’s ] x 10 = ……Fl (femto liter)

MCH = [ Hb(gm) / RBC’s ] x 10 = ….Pg (Pico grams)

الخلايا الشبكية Reticulocytes =

(مجموع عدد الخلايا الموجودة فى الفيلم لعشرة حقول/مجموع عدد كرات الدم الحمراء لعشرة حقول) * 100 = ….%

 

.

وبكده عرفنا نفسر مبدئيا تقرير سى بى سى من غير تعقيدات وف النهايه اختم معكم بــ :

 

نـهاية إقــدام العقول عِقالُ وآخر سعى العالــمين ضلال

ولم نستفد من بحثنا طول عمرنا سوى أن جمعنا فيه قيل وقالوا

وكم من جبال قد على شرفاتها رجالٌ … فبادوا والجبالُ …جبالُ

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: