الحلقة 8 : من سلسلة حلقات خد تحليلك …!!!

السلام عليكم ورحمة الله وبركاته

النقابه .. الانتخابات … صراع داخلى وخارجى وائتلافات ..دفع وتطاول بالكلمات ..حجز القاعات .. استهجان واستهزاء واعتصامات … قضايا مرفوعه مقريه ومسموعه.. بيان ويوميات للمعتصمين والمحتجات .. فيديو طار من قبل مما اسيفه على الجهاز … تأخر عن العمل وقلة فى الاداء بانجاز اخوان وامهات وابناء … هدم انقاض بناء.. كل مصيره الى زوال وفناء .. الحل ف العمل المشاركه وليس العويل والبكاء… ساعتها ممكن نجتاز … بجد احنا محتاجين اعجاز … وكل اللى اقدر اقوله ان :

بسم الله الرحمن الرحيم

((وَاعْتَصِمُوا بِحَبْلِ اللَّهِ جَمِيعاً وَلا تَفَرَّقُوا)).

صدق الله العظيم

.

فقط وحصريا على جروب تحاليل طبية وجروب دبلومة الميكروبيولوجى 2011

.

قريبا على جروب دبلومة الميكروبيولوجى 2011 سلسلة حلقات تحليلك ميكرو

لن تجدها ف اى مكان اخر

..

النهرده محتاج تركيز وطولة بال هنتكلم عن :

.

الاول : الـ Fibrotest  Actitest

التانى : الــ  Anti CCP IgG

.

الاول قبل مااقول اى حاجه تحيه كبير للاخوه المجاهدون العلميون المتحدون واللهم بلغنا مراتبهم واجعل لنا عزيمه مثلهم وشجاعه وقوه ولكم منى اكليل زهور بجد انتو مش حماده بالجنزبيل …!!!

.

نبدأ بالاسهل وهو الـ  Anti CCP IgG

.

اول حاجه اول ما اشوف الاختصار ده على طول اعرف انه عباره عن :

Anti Cyclic Citrullinated Peptide

اما الــ IgG  ده عباره عن نوع الجسم المضاد زى ما احنا عارفين

ماشى …. بعد ماعرفت الاختصار ؟؟؟

لازم اعرف كمان هو بيتعمل لايه بالضبط ؟؟؟

الانتى سىسى بى ده ياجماعه يستخدم للتشخيص المبكر لمرض الــ Rheumatoid Aritheritis RA

والمرض ده عباره عن مرض مناعى يؤدى الى تآكل الغضاريف

بس ياجماعه مشكلة المرض ده انه ملوش عرض معين عشان اشخصه بيه واخلص وكمان اللى عاوزكم تعرفوه ان التشخيص السريع للمرض يؤدى الى قلة Joint Damage

.

ولكن الخطير ف الموضوع الـ Toxicity   لادوية الروماتويد ؟؟؟

لذلك لابد ان لا تعطى الا للمريض فعلا

وبالمناسبه كمان الاخوه اللى بيطلعو لكل الناس انتاميبا هيستوليتيكا ف البراز … وش كده من غير فحص ؟؟

العلاج بتاعها بيأثر ع الكبد فبليز اتقو الله ف المرضى واتقنو عملكم …. وربنا يستر علينا جميعا ….!!!

.

طاب انجز يا إمـــو وقولنا فى شورت نوتس كده الانجاز :

الانجاز كالتالى :

ACCP IgG

1.جسم مضاد يوجد ف 70 % من مرضى الــRA  وله سبيسيفتى عاليه جدا للمرض تصل الى 98 %

2.يعتبر Early Marker  يعنى بيدى ايجابى ف المرضى المصابون حديثا بــ RA

3.يوجد ف 35 % من المرضى الذى لديهم   RF IgM  سلبى

4. زكمان مفيد جدا ف متابعة العلاج يعنى المريض اللى اعطى سلبى للـACCP IgG  بعد العلاج من النادر ان يدخل ف مراحل متغيره من المرض

..

التحليل ده غالى وبيتعمل ف المعامل الكبيره بس لكن الله ينور ف البروموشن عندى شغال نار لاء ريللى نار..!!

 

اذن كده احنا عرفنا ان الـ Anti CCP    بيتعمل للكشف عن الروماتويد ومتابعة العلاج وافضل واكثر حساسية من ال RF

…….

ندخل بقى ف المهم :

ركزو على اد ما تقدرو لان الكلام الجاى واعر جوى جوى..:

Fibrotest Actitest

الاول وقبل اى حاجه  الدكتور عبد الله نجيب يقولنا ماالمقصود ب الـ Fibrosis  ؟؟؟

وتانيا الدكتوره رشا تقولنا بلغة  حزنبول بتاعها مالمقصود ب الــ Cirhosis    ؟؟؟

…..

وتالتا : تشمع وتليف الكبد من المشكلات الشايعه والناتجه عن الفيروسات الكبديه ….بيس ؟؟  طبعا بيس !!!

طاب … والطريقه الوحيده كانت الــ Liver Biopsy  عشان اشخص التشمع والتليف   والطريقه دى ليها مساوىء كتير منها :

– مؤلمه جدا

-تعطى اخطاء

– مابتنفعش فى مرضى الــ Coagulation Defect

– بصو عفشه وخلاص ومن اسمها كده مش لذيذه

– وكمان عشان اكون مقنع ف كلامى الابحاث اثبتت ان حساسية الفيبرو اكتيتيست اعلى ب 7 مرات عن الـ L. Biopsy

 

المهم بقى ان الفيبرو اكتيتيست حل المشكله دى بعينة دم فقط

But now there are new method msh new 2oe bs hea al a7das .

.

طاب ايه هو الفيبروتيست وايه هو الاكتيتيست ؟؟؟؟

الـ Fibrotest

بيدينى قرار بوجود تليف او عدمه

الــ Actitest

ده بيؤكد الالتهاب الكبدى من عدمه

…………………………………………………………………

سؤال بيطرح نفسه بشده : هما عباره عن ايه ؟؟؟ بيتكونو من ايه ؟؟؟ دول ايه انجز ؟؟

خلو بالكم من المعادلات دى :

Fibrotest =  alpha 2 macroglobin+haptoglobin+Apo lipo A+GGT + Bilirubin T

…………………………………

طاب اشطه كل ده عارفينه ايه بقى حكاية الــalpha 2 Macroglobin   ؟؟؟

انا اجولك : ده عباره عن بروتين يفرز ف الكبد ويعمل كــ Proteases  واللى مش عارفه يبص كده على اى ريبورت لتحليل Protein electrophoresis   ؟؟ واللى مش عارف يعنى ايه بروتين بتبنتيزيز ده يفكه من المهنه دى ويشتغل على تكتك مربح اخر حاجه ….!!!

طاب موز الموز … والــ Haptoglbin   يا إمــو فكرنا بيه كده ؟؟؟

ده عباره عن بوتين برضه بيفرز من الكبد بس ده بيرتبط بالهيموجلوبين الحر عشان يسهل عمليه التكسير … الخ

وبالمره كمان عشان اخلص : الــ Apo lipo A   ده ياجماعه لتحديد هل انت عندك قابليه لل CVD   اللى هى اختصار لـــ  ايه ؟؟؟؟ اللى هيقول هبوسه لو ولد ولو بنت هفكر لان ماما قالتلى ماتخليش البنات تبوسك ؟؟؟؟

نرجع لموضوعنا :

…………………………………….

Actitest = fibrotest + S.GPT

يعنى كل اختبارات الفيبروتيست + انزيم ال ALT   واوعو تتلخبطو تبقى كارثه لو فيه ناس متعرفش ان الـ ALT = GPT

……………………………………………..

 

والنتيجه بيكون الريفرنس بتاعها كالتالى :

Fibrotest:

F0= no fibrosis

F1 = Minimal F.

F2 = Moderat F.

F3 = Advanced F.

F4 = Severe F.

……………………………………

Actitest:

A0 = No Activity

A1 = Minimal A.

A2 = significant A.

A3 = Severe A.

………………………………………….

حد فاهم حاجه ؟؟؟؟ اللى مش فاهم يقولى ؟؟؟

يقولى وانا هطلع عنيه لانى  طلعت عنيا وانا بشرح .

…………………………………………………….

وقولولى بقى ايه المقصود بالهرطقه العلميه دى :

Write short notes on :

1. Fibromax

2. Steato test

3. Nash test

4. Ash test

والدرجه من 20 ؟؟؟؟

هذا هو الواجب حلوه بقى ف الكومنتات  منتظر الردود والتشجيع واللايك ….

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: