الحلقة 9 : من سلسلة حلقات خد تحليلك ….!!!

الان وبعد انقطاع دام اكثر من خمس شهور

 

هنا يكمن فن العباره كلحن عذب يعزف على قيثارة..

تجعلك تشدو بعيد ا عن واقع الصعوبة وتجرع المعلومة بمراره..

فتاريخنا مليىء بأسلوب جديد مبتكر مفيد  ف  كل افكاره…

ودائما نتطلع لان نكون ف الصدارة ..

فسر التفوق دائما يأتى بكم ولكم ومن العمل والبحث عن النجاح وليس انتظاره..

فيا اصدقائى .. يا صديقاتى ..

ترقبو منا دائما الانجاز

تعلم

ثم

تعمق

وتحول من المعرفه فقط الى الابتكار والاعجاز

ولنا دائما بهذا هنا الامتياز .

.

أخوكم : أمين الهــــوارى

.

 

 

” بنسمع كتير عن التجلط والعوامل الخارجيه والداخليه بدنجان وتقليه وعاوزين نفهم بقى ايه الحوارات ديه ف اجمد سلسلة عرفتها المعامل الطبية هنا فقط ف جروب تحاليل طبية مع سليل العائله الهوارية ”

.

تجلط الدم

1. زمن التجلط

 

Clotting time

 

وده عباره عن الوقت اللازم لتجلط الدم عند تعرضه لاى سطح غريب خارج الاوعيه الدمويه .

.

بيتعمل ازاى الحزين ديه ؟؟؟؟

.

بجيب البيشنت قدامى واسحب منه ف انبوبة سيرم حوالى  2 مل دم  واول الدم ماينزل ف التيوب ابدأ اشغل ال ستوب وتش وافضل ماسك الانبوبه بين ايدى وكل 30 ثانيه اميلها واراقب هل الدم تجلط ام لسه سائل وهكذا لحد مايبطل يسيل ف الانبوبه ويبقى كده تجلط .

.

 

ساى مثلا ” ساى دى يعنى قول  عشان البرستيج بقولها يعنى انتو فاهمين ”

.

ان الدم ف الانبوبه بطل يتحرك والستوب وتش عد 5 دقايق يبقى ال

Clotting time =  5  min.

 

.

عندك عشان محدش يمسك علينا غلطه :

لازم يقاس زمن التجلط ف 37  درجه سيلزيوس

” حد يقولى ليه ؟؟؟؟؟  ”

طاب ننجز ونقول بنعمله ليه وايه فايدته ؟؟؟؟

بنعمله  قبل العمليات خاصة عند الاطفال

والزياده ف الوقت الازم للتجلط مرتبطه بفقد او نقص مكونات التجلط الاساسيه ……. اشطه ؟؟  اظن وبيس كمان؟؟؟

………………………………………………………………………………………………

2.زمن النزف

Bleeding Time

 

 

وده هو الزمن اللازم لتوقف الدم عن الخروج من جرح قياسى عندما تقفل الشعيرات بمساعدة الصفائح الدموية .

بالصعيدى كده ” النزف ديه بيقيسلى كفاءة  بت المحروق دى اللى اسمها الصفايح الدموية ف تكوين وقفل الجلطه ”

بيتعمل ازاى؟؟؟؟؟

بعقم الصباع اللى بحط فيه الدبلة وبشك باللانست شكة سريعه وكامله بشيل اول نقطه على الفلتر بيبر و بشغل الستوب وتش … واضغط على الصباع ضغطات خفيفه وحنينه كده … واشيل اى نقطه دم تطلع بالفيلتر بيبر لحد الدم ما يوقف يبقى هو ده زمن النزف .

 

انا عن  نفسى لو هعمله هخلى دكتوره تعملهولى ….. واللى يعرف ليه يقولى ؟؟؟؟؟؟؟؟؟؟؟؟؟؟؟؟؟

.

بكده احنا عرفنا زمن النزف زمن التجلط بيتعملو ليه بيتعملو ازاى …!!!

.

خد الملاحظات المهمه دى مش هتلاقيها عند حد  غير هنا عند الاصلى بس دا هوارى … لازم يكون  اصلى .

.

1. امتى يزيد زمن النزف .. طاب ماانتا قولت ان عند قلة الصفايح ؟؟

مش كده وبس كمان عندما يكون عددها طبيعى بس كفاءتها قليله  مثلا واحد بياخد اسبرين …. ركز دا انتا سبيشياليست  مش اى حاجه

!!!

2. زيادة زمن التجلط لاتعنى بالضروره زيادة النزف علما بأن زيادة النزف بتأخر التجلط ؟؟؟؟

.

حد فاهم حاجه ؟؟؟؟؟؟؟؟؟

.

يعنى ممكن ان ينزف الجرح مره اخرى  بعد التوقف نتيجة تحلل الصفايح .

 

……………………………………………………………………………………………….

3. زمن البروثرومبين

 

Prothrombin time

 

بصو هو الموضوع كبير بس انا هحاول اختصر

:

1. بيستخدم للكشف عن الاضطرابات المكتسبه او الوراثية  لمسارات عوامل التجلط الخارجية…   من غير ما ادخل ف تفاصيل .

2.يستخدم لمتابعة كفاءة العلاج الذى يأخذ عن طريق الفم ونقص فيتامين K  المرتبط بامراض الكبد.

.

 

العينه تسحب على سيترات  يعنى ” سيترات بلازما ”

.طاب لو انت هتعمل لبيشنت التحليل ده لازم تسأله عن العلاج والجرعه وهل زود او قلل فيها ثابته ولا متقطعه … لان الحاجات دى بتأثر ف النتيجه ونورمال الطبيعى غير اللى بياخد علاج .

.

طاب بيتكتب ازاى ف الروشته ؟؟؟

بيتكتب ممكن كده :

PT , INR , PC

وهرفعلكو تقرير ان شاء الله وهنتناقش ف تفسيره  بس استنو عليا لحسن بمر بأزمة عاطفية السنتين دول مواتوارانى حبتين .

.

من اهم علاجات السيوله الماريفان والبلافيكس هتقابلهم كتير ياريت تعرف تنطقهم كويس عشان لما تتكلم مع بيشنت فاهم ميكتشفش انك كيميائى ..يوووووووه  اقصد مش طبيب ..يوووووه اقصد مش شاطر يعنى !!!!

 

………………………………………………………………………………………………..

4. الزمن الجزئى للثرومبوبلاستين

 

Partial thromboplastin

1.يستخدم للقياس الاضرابات المكتسبه او الوراثيه ف مسارات التجلط الداخلية .

2. يستخدم لمتابعة مرضى الكبد ولمتابعة العلاج بالهيبارين  و…الخ.

 

.

برضه عينه سيترات ونفس الاسئله للبيشنت .

.

بيزيد لما يحصل نقص ف احد العوامل اللى مش هندخل ف تفاصيلها دلوقتى .

.

وبرضه ان شاء الله هرفعلكو تقرير ونتناقش فيه ونعلم بعضتشينا .

.

بيتكتب ازاى ف الاورشته :  PTT

.

 

طاب تمام فيه حاجه تانى لازم نعرفها عن  تجلط الدم

اه طبعا فيه تحاليل تانى كتير بس انا قلت الاكثر شعبية زى ما بيقولو  والتحاليل دى زى :

……………………………………………………………………………………

Thrombin time

 

وده بستخدم لمعرفة الاضطراب ف تحويل الفيبرينوجين الى فيبرين.

.

وكمان الحاجات دى اللى هيتكلم عنها  كلا من :

1. للدكتور ياسر احمد طه :

Fibrinogen Assay

………………………………………….

2. للدكتور عبد الله نجيب :

 

Factor assay

…………………………………………..

3. للدكتور سيد :

 

Lupus Anticoagulant

………………………………………………

4.للدكتور خالد مجدى :

 

Activated Protein C Resistance

………………………………………………..

 

5. للدكتور كيمست رشا  :

Protein C  &  Protein S

……………………………………………………………..

 

وكمان قبل ما انسى فيه طرق تانى  للعملى بتاع النزف والتجلط غير اللى انا قلتها .

………………………………………………………………………

الاسئلة :

انا قولت لازم الجرح لقياس النزف يكون قياسى … بماذا اقصد ؟؟؟

…………………………………………………………………………

وف النهاية :

هل أستفدت شىء من  هذه الحلقة ام لا ؟؟

الاجابة ف كومنت بنعم او لا ؟؟؟

.

انتظرو المزيد بإذن الله .

 

.

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: