الحلقة 8 : من سلسلة حلقات المختصر المفيد من غير تعقيد ..!!

الحلقة 8 : من سلسلة حلقات المختصر المفيد من غير تعقيد ..!!

بسم الله الرحمن الرحيم

والصلاة والسلام على أشرف المرسلين سيدنا محمد على آله وصحبه وسلم

.

رمضان كريم أوصيكم ونفسى بإغتنام الفرصه فى هذا الشهر الكريم فلنتوب إلى الله جميعا ونتقيه وندعوه أن يتقبل ويثبت قلوبنا على التوبه فهو التواب الرحيم .

.

الموضوع طويل وسهل جدا والمعلومات بسيطه لابعد الحدود للتذكير فقط ولكن الحكاية محتاجه تركيز شديد عشان الاسئلة .

.

النهرده هنتكلم بدون اى تحضير يعنى هقول اللى انا اعرفه من غير مااستعين بأى مرجع وهعتبرها  مراجعه وفتح باب نقاش وتجميع لمجموعة تحاليل فيها اللى بيتكرر كتير وفيها اللى قليل لما بيعدى علينا .

.

 

اولا : تحليل البراز

 

Stool  EX.

الغرض من التحليل :

الكشف عن حالة الهضم  ووجود صديد او الاصابه بطفيليات كالحيوانات الاوليه او الديدان 

يساعد فى تشخيص حالات كثيره ومتنوعه منها النحافه او المغص او الانتفاخات ….. الخ

 

نتيجة التحليل :

بتكون عبارة عن تقرير به

1. نتيجة الفحص بالعين المجرده والتى تشمل اللون والقوام …. الخ

2.نتيجة الفحص الميكروسكوبى والتى تشمل الصديد والبويضات وانواع الطعام الغير مهضوم … الخ

وشرحنا قبل كدا وبالتفصيل كل مايخص تحليل البراز من الالف للياء هنا :

https://www.facebook.com/groups/Medical.analysise/doc/342753669099575/

 

.

 

2- تحليل مزرعة البراز

 

Stool C/S

الغرض من التحليل :

الكشف عن اى نوع من انواع البكتريا الذى قد يتسبب فى وجود اضطرابات معويه او غيرها كما انه فى حالة وجود كمية صديد فى العينه ومايترتب على التحليل من معرفة نوع المضادات الحيويه الفعاله ف علاج الحاله . 

 

نتيجة التحليل :

بتكون نوع البكتريا التى تم الكشف عنها مع انواع المضادات الحيويه مرتبه حسب الاكثر حساسيه فالمتوسط فالمقاومه له البكتريا

 

نبذه عن خطوات العمل المبدئيه :

ستجدونها على اللينك التالى مع باقى انواع المزارع ” د. أحمد عبد الله ” https://www.facebook.com/groups/Medical.analysise/doc/374435035931438/

.

 

 

3- تحليل الدم المختفى فى البراز

 

Occult blood in stool

الغرض من التحليل : 

الكشف عن الدم المختفى ف البراز ذو اللون الطبيعى والناتج عن التهابات قد تكون من القناه الهضميه العليا او السفلى  ويساعد فى التشخيص والاكتشاف المبكر لسرطان القولون مما يساعد على التخلص من المرض بإجراء جراحه سريعه واستئصاله قبل إنتشاره .

 

إحتياطات التحليل :

يمتنع المريض لمدة 48ساعة عن تناول جميع أنواع اللحوم الحمراء أو الكبدة أو الفجل أو أدوية الروماتيزم أو أدوية تحتوي على الاسبرين أو فيتامين ج أو الكورتيزون أو الحديد كما لا يسمح بأخذ ملينات

 

نتيجة التحليل :

تظهر نتيجة التحليل فى تقرير على هيئة اما ايجابى  او سلبى فقط .

المهم : اننا نخلى بالنا ان التحليل ده ساعات بيتكتب بالاختصار ده :

FOBT

وياريت بقا حد يقولنا دا اختصار ايه ؟؟ وعاوز وجه جديد لو سمحتو ؟؟ مش بتوع كل مره .. !!

.

 

4- فيروس الروتا

 

Rota Virus Ag

الغرض من التحليل :

فيروس الروتا هو الفيروس المسبب للاسهال فى معظم حالاته ف الاطفال من سن 3 شهور وحتى سن سنتين 

ويتمركز فى الـ GIT  للطفل ويؤدى الى جفاف حاد وقد يؤدى لوفاة الطفل .

 

طريقة الوقاية :

طريقة الوقايه تتلخص ف نظافة الطفل الشخصيه واهتمام امه بيه والبعد عن الاكل الملوث وتنظيف الاسطح التى قد تلامس براز الطفل جيدا .. يعنى الام ثم الام ثم الام .. ثم الاب بقا ف اخر مرحلة يدفع فلوس لو الابن لاقدر الله اتصاب .

 

نتيجة التحليل :

برضه ايجابى او سلبى فقط يعنى فيه او مفيش .

.

 

5- المواد (السكريات) الاختزاليه

 

Reducing suger in stool

الغرض من التحليل :

الكشف عن سوء او عدم امتصاص السكريات  بالجسم خاصة فى حالة الـ Lactose intolerance  الذى يمكن ان ينتج عن الاصابات الفيروسيه للامعاء 

 

نتيجة التحليل :

يااما ايجابى  يااما سلبى :: والايجابى معناه ان هناك سكريات لم يمتصها الجسم كـ

Glucose, Glactose , Fructose ,lactose… etc

.

 

6- تحليل الكالبروتيكتين

 

Calprotectin in stool

الغرض من التحليل :

يساعد ف تشخيص التهابات الامعاء كــ IBD   او GIT  ومدى تقدم المرض ويساعد ايضا فى تحديد العلاج او طلب تحاليل اخرى مكمله . 

 

احتياطات التحليل :

برجاء الامتناع عن اى ادويه  NSAIDS بمده من 24 – 48 ساعه .

 

نتيجة التحليل :

المعدل الطبيعى من 0 الى 50 مجم/ ل  .

.

 

7- الميكروب الحلزونى

 

H-Pylori Ag in stool

الغرض من التحليل :

الكشف عن الاصابة الحاليه بالميكروب الحلزونى الذى يسبب الالام مبرحه ف  المعده والامعاء وقىء مستمر 

 

نتيجة التحليل :

ايجابى او سلبى  فقط

وللمزيد من المعلومات عن الميكروب الحلزونى برجاء الدخول على الرابط التالى :

https://www.facebook.com/groups/Medical.analysise/doc/255171057857837/

.

 

 

8- تحليل الـ

M2-PK Quick (schebo test)

الغرض من التحليل :

من ادق التحاليل للكشف عن سرطان الامعاء والاورام المعويه 

detects intestinal polyps or tumors that are not bleeding

high sensitive for colorectal adenoma and carcinoma

واللى يميز التحليل ده كمان انه حساس جدا ولا يعطى نتيجه false positive  ابدا .

 

نتيجة التحليل :

النتيجه بتكون على هيئة ايجابى او سلبى فقط  وعلى فكره ياجماعه التحليل ده غالى بحوالى 500 جنيه .

.

 

9. تحليل الـ

Cryptosporidium Parvum Oocysts

 الغرض من التحليل :

الكشف عن طفيل ف القناه الهضميه يسبب اسهال شديد ةقد يتسبب فى قىء وغثيان والام ف البطن 

ومن الممكن ان يصل الى الرئتين فيسبب

Respiratory cryptosporidiosis

او يصل الى الكبد فيسبب

Hepatitis

او يصل الى الحويصله المراريه فيسبب

cholecytitis

 

طريقة العدوى :

عن طريق الطعام الملوث  وذلك عن طريق الفم الى ان تكتمل دورة الحياه .

 

ملحوظه هامه :

1.هذا النوع من الطفيليات ضعيف جدا بالنسبه للاشخاص العاديين ولكنه يسبب مشاكل لمرضى نقص المناعه . 2. التحليل ده نادر جدا جدا وانا بقالى سنتين اهو ف التحاليل عمره ماورد عليا بصراحه .

 

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: