يوم في معملي

بعد السلام عليكم والتحيه والتصفيق الحاد للعوده الحميده ليا ولمعملي الصغنون واللي مكنش لينا نفس اوي للشغل بسبب الاحداث اللي حصلت

وايماننا مني ومن معملي النونو اللي يعني مش بيفيد اوي في الجروب لان الناس هنا ماشاء الله عليهم جهابزه تحاليل

بس اهو نعتبرها الفقره الترفيهيه

 

تحليل PT

هو تحليل البرثرومبين تايم وطبعا مش هندخل في الناحيه العلميه

احنا متفقين ان يومياتي ف معملي الصغنون هتبقي الشغل بتاعي بس عشان كمان لو انا بعمل حاجه غلط

تصلح ونستفيد كلنا

استعني علي الشقي بالله

احم احم احم

 

لما بيجيلي البيشنت عايز يعمل التحليل ده بعمل ايه

برحب بيه كالعاده والابتسامه من وداني دي لوداني دي وخد بالك متبينش سنانك عشان ميقولش عليك …….ا

 

اخدت بياناته وحاسبت علي التحليل  وكتبت في الكشكول

دخلت المعمل وجهزت امبوبه عليها مانع تجلط وهو بيكون

صوديوم سيترات

200 مايكرون

وسحبت من البيشنت العينه تقريبا 2 سم او 2ونص وفضيتها علي الامبوبه لحد ماوصلت ل 2 ميلي واستغنيت عن الباقي

لان نسبه الانتيكواجيولنت للهول بلاض 9 الي 1 يعني

200 مايكرون اللي 1800 مايكرون

عملت ميكس وانا واقفه

ودخلت المعمل تاني عشان ابدء الشغل

فصلت العينه علطول

واخدت البلازما لوحدها في امبوبه

واخدت امبوبتين من المحلول بتاع الشغل

كل واحده فيها 200مايكرون

والتلاته حطيتهم في احضانه لمده

ربع او نص ساعه

انا عن نفسي بحطها تلت ساعه

والشغل بقي اللي جاي بسرعه وتركيز وكان جنب اللمبه عشان انا نظري شيش فيش

 

الشغل بقي

بخرج البلازما واخد منها 100 مايكرون

واحطها علي واحده من الانبوبتين

واشغل الاستوب وواتش بسرعه يعني في نفس لحظه الخلط ويفضل يكون حد معاك عشان مجرد الخلط يضغط علي الساعه

بمسكه في ايدي اول 10ثواني

وابدء اشوفه في الاضاءه الكويسه وانا مستمره بالخلط يعني اقلب الانبوبه بزاويه بميل يعني

لحد ماشوف اول تجلط يبقي هو دا الزمن اللي اقول عنده ستوب

يبقي عندي ال بروثرومبين تايم جاهز

 

اخد بالي اني دخلت البلازما تاني الحضانه بمجرد ماخدت منها

 

بعد ماخلص اعمل الخطوات دي تاني في الانبوبه التانيه للتاكيد مش اكتر

اروح المكتب بي واكمل الشغل

انا معايا ال pt

فاضل ال INR

ودا بجيبه من الجدول اللي جاي مع العلبه

بشوف الاول الميه في الميه عندي كام يعني اول مابدءت الشغل كان النسبه النهايئه كام؟

مش فاهمه صح انا كمان مش فاهمه

بصوا

اول مابجيب العلبه بتاع التحليل ده  بجيب عينه من واحد سليم ومعندوش اي مشاكل من اي نوع واحد ماشاء الله صحه تمام

واعمله التحليل والتايم بتاعه يكون هو الميه في الميه بتاعي

في الجدول بقي هلاقي صفوف اول واحد هو الميه في الميه

اشوف التايم بتاعي فين في اول جدول بتاع الشخص السليم

ويبقي الINR بتاعه هو بدايه الصف عندي

ويبقي هو دا الصف اللي هشتغل منه باقي التحاليل

عينه النهارده بقي اشوفها في نفس الصف بتاعي اللي بشتغل منه اللي الميه في الميه بتاعه التايم بتاع الشخص السليم

 

يبقي انا جبت من الجدول الاكتيفيتي واي ان ار

بمعلوميه التايم

 

 

يارب اكون فسرت كويس

 

معلومه مهمه وانا بفصل يفضل افصل علي سرعه نص السرعه العاديه يعني لو بفصل عند 4000 يبقي افصل عند 2000 او 2500 ودا عشان  اسباب نفسي اعرفها هي متعلقه بالتكوين الجلطه وكده والميكانزم اعتقد ذلك بس مش متاكده منه

 

واكتب الريبورت واسلمه للبيشنت

وشكراوشكرا

كانت معكم ومعها كشكول الشغل

انا وبس

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: