1- أليس فى بلاد العجائب ( CRYOGLOBULINE)

1- أليس فى بلاد العجائب ( CRYOGLOBULINE)

المؤلف Dr-Doaa Ali‏ في تحاليل طبية

السلام عليكم ورحمة الله وبركاته

 

من يدّعى جمع العلوم فإنه ….يختار إفكاً ماله إقرار

إن العلوم كما البلاد جميعها ….تحوى العجائب. دونها الأعمار

أصبحتُ فى تلك البلاد وعمقها….(أليسٌ) تهاجر تنتقى الأخبار

وأعود ظمأً للعلوم كأننى….ما ذُقتُ غيثاً يملأ الانهار

 

 

بعد سندريللا والجنيه …ومعامل الاشكيف الدوليه

لقيت انى لو انتظرت الى ان تأتى الجنيه …هاكون مش عملت اللى عليا …,ولا روحت وجيت وشفت بعنية ….ولا سافرت وهاجرت فى عالم الغيبية

ولذلك ….

قررت أن أصبح (أليس) …اجوب العلوم بصحبة أرنوبى (كشكولى ..ولاب توبى )… وأبحث بنفسى

…(.عن الاشياء والتفسيرات المخفيه …وكانت هذه اول رحلاتى ك(أليس

العلمية

 

وكانت اول رحلة ليا فى بلاد العجائب فى بلاد ( البروتينات الجسدية)

 

ولقيت هناك من سكان البلاد ده بروتين عجيب اسمه

CRYOGLOBULINE

 

دخلت بيته عشان اتعرف عليه اكتر…لقيت فى الاول تعريف بيه عشان الزوار مش يحتاروا

لقيته بيتكلم عن نفسه فى تعريفه بيقول ::

 

 

1- abnormal immunoglobulin(IgG- IgM-IgA) يعنى نوع من البروتينات المناعية

 

2- precipetate at lower tempratutre

 

ايه ايه ايه ؟؟؟؟…بيترسب مع انخفاض درجة الحرارة !!!!؟؟؟؟؟…يعنى مش ارتفاعها امممممم

كملت قراية

3- my concentration is expressed as percent

انه بيعبر عن تركيزه فى صورة نسبة

4-contain immunoglobulines that initiate an inflammatory reaction similar to

antigen-antibody complexes

 

استغربت وقلت احاول استخبى واشوف هو ايه الضرر منه

 

سمعته بيتكلم وبيقول :

when I precipitate I cause slow the flow of blood and block small blood vessels

قلت فى سرى .اااااااااه عشان كده بيقولوا انه مش مفروض يتواجد بنسبة كبيرة

 

قلت طيب اشوف كده ايه الاعراض اللى بيسببها يعنى :

1-bruising: capillaries and sometimes venules are damaged by trauma,

2- rashes:

3- joint pain

4- weakness,

5-Raynaud’s phenomenon,

الحالة ده من اعراضها

 

– pain

 

– paleness

 

– bluing

 

– numbness and tingling : abnormal sensations that can occur anywhere in your body

 

– coldness in the fingers with exposure to cold

6- can cause tissue damage that leads to skin ulcers and in severe cases to gangrene.

 

7- can activate the immune system, leading to the deposit of immune complexes in tissues,

and cause inflammation, bleeding, and clotting that can affect circulation in organs such as the kidneys and liver.

 

اتحركت من غير ما حد يشفنى وحبيت اعرف بيتسحب عادى كده يعنى ولا ايه؟؟؟

لقيت حاجات عجيبة جدا

…سرنجات فى انكيوباتور فى درجة 37 ….وكمان انابيب فاضية…برضو فى درجة الحرارة دى

فاسألت هو ليه كده???

.

..راح البروتين جاى من ورايا وقالى .:

لانى باترسب مع انخفاض درجة الحرارة …فاعشان تحافظى عليا لازم تخلى كل الانابيب والسرنجة كمان فى درجة حرارة 37 قبل السحب

قلت له طب وبعدين ؟؟؟

 

قالى طبعا انابيب جافة عشان انا مش باحب موانع التجلط لانها بتخلى الجو برد وممكن اترسب

 

 

قلت له ولما اجى اسنتر عشان اخد السيرم اعمل ايه؟؟

قالى ايه ؟؟ايه؟؟ انتى عاوزة ترسبينى ؟؟؟…تسنترى ايه ؟؟؟لالالالالالالا مستحيل

 

قلت له : خلاص انا باسأل بس طب عرفنى الصح من غير زعيق عشان انا باعيط بسرعة ..وحساسة ..ومش كنت عاوزة ارسبك ولا حاجة

 

قالى طيب هاقولك تعملى ايه ؟؟

 

بعد السحب تحطى الانابيب بسرعة جدا فى درجة الحرارة 37 تانى …وتسيبيها على قد ما تفصل لوحدها

عارفة يعنى لما تنسى عينة …وتيجى وانتى مروحة تفتحى الانكيوباتور تلاقيها تقومى تقولى : يالهوووووووووووى ده انا نسيت العينة تفصيليها من غير تدوير ؟؟

 

قلت له : هههههههههه اه ده بتحصل معايا كتير ..انت عرفت ازاى ؟؟

قالى كلكم بيحصل كده …المهم كده مش هاتسنترى العينة ولا حاجة

 

قلت له تمام كده

قل لى بقى ايه الريجانت والاجهزة بتاعتك عشان نعرف نسبتك ؟؟

 

قالى بصى …على قد ما انا عصبى… ونرفوز …وباترسب من اقل حاجة واى انخفاض فى درجة الحرارة

على قد مانا مش متطلب خالص …ولا مكلف للمعمل …ولا باحب اتعب الدكاترة

انا ياأليس مش فى ريجانت ولا حاجة ولا حتى اجهزة

 

طبعا انا عينى وسعت …وبصيت ببراءة ….لالالالا مش ازبهلال …اسمها براءة وقلت له ازاى؟؟

 

…قالى بصى ..فى انابيب رفيعة بتحطى فيها السيرم وتحطيها فى التلاجة وتتابعيها لمدة 3 ايام لو لقيتى راسب

ابقى انا كده موجود واترسبت…لو مش لقيتى يبقى انا كده تمام ونسبتى طبيعية

 

قلت له : بس كده !!؟؟؟

قالى اه ..بس كده

 

 

قلت له طيب هو فى تحاليل تانى ممكن تيجى معاك مثلا؟؟

::

قالى ممكن معايا

RF – ANA –

 

قلت له طيب التقرير بيتكتب ازاى ؟؟؟

قالى التقرير بتقولى

positive or negative وبس

والطبيعى طبعا انه يكون نيجاتيف

 

قلت له طيب لو انت اترسب ( بعد الشر عليك طبعا ..انا باقول لو ) الدكتور هايعمل ايه ؟؟

قالى لازم يطلب protein electrophoresis and immunofixation electrophoresis

 

عشان يعرف انهون نوع مننا موجود لاننا 3 انواع

type I _ Type II- type III

 

سكت كده وبصيت فى الارض لحد ما البرنيطة بتاعتى كانت هاتقع (فاكرينها برنيطة أليس ) كانت عندها فيونكة عسولة كده من ورا …أيوة تمام هى دى

المهم راح قالى شكلك كده عاوزة تسألى على حاجة

هزيت راسى بخجل وكسوف كده .قالى قولى مش هازعل

قلت له طيب امتى بتترسب ( بعيد الشر يعنى )؟؟؟

قالى فى حالات زى :

1-hepatitis C and HIV/AIDS1-

 

2-Kidney disease

 

3-Autoimmune diseases such as systemic lupus erythematosus, rheumatoid arthritis, and Sjögren syndrome

 

4-Diseases characterized by an increase in lymphocytes such as multiple myeloma, lymphoma and lymphoid leukemia

 

5-Disorders associated with inflammation of blood vessels (vasculitis)

 

قلت له تمام كده …معلش تعبتك معايا …يارب مش يوريك انخفاض فى درجة الحرارة ابداً ويخلى الصيف هو الفصل الرسمى عندك على طول

لسة هاخد ارنوبى وامشى قالى استنى حاجة اخيرة يا أليس

 

ساعات بتعملوا اخطاء ترسبونى وانا مش عاوز اترسب …اعرفيها وبلغيها لاصحابك العلميين عشان مش حد يرسبنى غصب عنى

واكون FALSE POSITIVE

 

قالى ساعات

مش بتحطوا السرنجة فى درجة 37

 

او بعد العينة مش تحطوا الانابيب فى نفس الدرجة-

 

او تدوروا العينة فى السنتر زى ما كنتى عاوزة تعملى يا أليس3-

 

او مش تحطونى فى التلاجة عند درجة حرارة 4 زى ما المفروض تعملوا4-

 

5- كمان بقى ساعات العينة بيكون فيها ليبيميا (LIPEMIA)

فابتكون متعكرة مش بسببى وتجيبوها فيا برضو وانا مش باكون مترسب اصلا فا لو فى ليبيد تسحبوا عينة تانى بقى

6- لو حطيتوا اى مانع تجلط مش هاسامحكم طول عمرى عشان كده هاترسبونى غصب

واكتر حاجة مؤلمة انك تتغصب على حاجة مش عاوزها

 

ربنا يكرمك يا أليس تخلوا بالكوا من المواضيع ده عشان مش ترسبونى غلط

قلت له حاضر مش تخاف هابلغهم كلهم

 

 

قالى طيب خلاص يا أليس …عاوزة تسألى عن حاجة تانى ؟؟

قلت له لا كده تمام …

واخدت ارنوبى وروحت …وعرفت الفرق بين انى اسعى للمعلومة وادور ..وبين لما كنت سندريللا واستنيت الجنية …وايدى على خدى منتظرة حد يحن عليا…..بمعلومة او كلمة علمية

 

 

وان شاء الله ..كل مرة … هاكون أليس فى بلاد عجائبها العلمية …هاجيب لكم شوية حاجات من رحلتها الغيبية

 

انتظروا أليس فى الحلقة الجاية

ومعلش طولت عليكم فى الرحلة ديه …عودا حميدا …والرسوم تدفع فورية

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: