Kidney Functions

 

Renal Functions

or

Kidney Functions

او وظائف الكلى

ودى ياسيدى بتشمل كذا تحليل

زى ال Urea وال Creatinine وكمان ال Uric Acid

بس ؟!!!

لا طبعا ده اللى بيعرفه أغلب الناس لكن فى حاجات تانى تابعه لتحاليل وظائف الكلى

زى ال Creatinine Clearence وحاجات تانى كده بنقول عليها المعادن أو الأملاح أو ال Electrolytes

طب وايه المعادن ولا الاملاح دى

دى عبارة عن الصوديوم والبوتاسيوم والماغنيسيوم والكلوريد والفسفور

تقريبا كده هى دى تحاليل وظايف الكلى

لا ده انت ناسى اهم تحليل واللى كتير مش بيعتبره من وظايف الكلى

تحليل البول Urine Analysis

 

يعنى كده نقدر نقول ان تحاليل وظائف الكلى تتلخص فى الآتى :-

Urine Analyis

Urea

Creatinine

Uric Acid

Creatinie Clearence

Na

K

P

Mg

Cl

 

**************************************

طيب نبدأ نقول نبذة عن أهميه تحليل البول ومش حابب إنى اتكلم كتير عنه لأن له توبيك منفصل بس انا حبيت انوه عنه كوظيفة من وظائف الكلى

Urine Analysis

يفضل أن تكون عينة البول فى الصباح الباكر لأنها تكون مركزة وتحتوى على كل العناصر الموجودة فى بول المريض ولذا فإن اجراء التحليل سيكون سهل فى اكتشاف ما يعانى منه المريض

ثانيا العينه لا يمر عليها وقت طويل حتى لا يحدث لها أى تخمر وتغيرات كيميائية مثل زيادة نسبة البكتيريا – إن كانت موجوده – أو وجودها إن لم تكن موجوده وهو ما قد يؤثر على نتيجة التحليل أو اختفاء بعض المكونات زى الكاستات Castes

طيب احنا بناخد العينه وبنحط فيها الستريب ونشوف البى اتش وهل فى بروتين ولا لأ وسكر جلوكوز واسيتون او كيتون وبيليروبين و بمعنى ادق الفحص الكيميائى ولو فى بروتين بنسخن على لهب بنزن ونشوف حصلت عكارة نقدرها اد ايه ونحط على العكارة حمض الخليك الثلجى لو زالت يبقى مفيش لو استمرت بدون تغيير بنكتب نسبة البروتين او الزلال أو الأبيومين اد ايه

 

وبنحدد لون البول ولو مثلا طلع اللون أصفر غامق أو شاكين ف وجود بيليروبين بنعمل اختبار تانى

بناخد شوية من البول فى انبوبة ويفضل بعد التدوير فى السنتريفيوج ونحط نقطه او نقطتين على جدار الانبوبة من اليود

لو لقينا حلقه خضرة يبقى وجود بيليروبين وان لم يحدث تغيير فلا يوجد

 

وبنحدد ال PH وبناء عليه بيظهر تحت الميكروسكوب بعض الكريستالات مثلا فى الوسط الحمضى غير القلوى

 

كمان بنحدد الكثافه النوعيه لأن ده مهم جدا جدا فى تحديد حالة الكلى من وجود مثلا بعض الحصوات او ان المريض عنده او داخل فى فشل كلوى او حالة جفاف مثلا وفى بعض الزملا بيكتب اى حاجه والسلام ودى كاااااارثه لأنه بيفضل الشريط ذو ال 3 مكونات

Ph – Protein – Glucose !!!!!!!!

وعموما نحن فى الفحص الميكروسكوبى نقوم بالبحث عن الصديد وكرات الدم الحمراء والاملاح والبكتريا والخلايا الطلائيا والكاستات والطفيليات

انا حابب أكتفى بكده عشان اسمح لزميلى اللى هيتكلم عن تحليل البول واكمل باقى التحاليل

*****************************

اليوريا أو البولينا Urea

فى ناس بتعتبر إن تحليل اليوريا أهم تحليل فى تحاليل وظائف الكلى لكن مخطأ جدا لأن الكشف عن الكرياتينين أهم وتصفية الكرياتينين أهم من الكرياتينين

اليوريا يكونها الكبد وتنزل الى الدم ومنها الى الكلى ويتم استخلاصها واخراجها الى البول

وتعتبر الناتج النهائى لعملية التمثيل الغذائى أو الأيض للبروتين

ونسبتها الطبيعيه من 15 ل 45 وبعض الزملا يقولون أن نسبة اليوريا تتناسب تناسب طردى مع الكرياتينين واضرب نسبة الكرياتينين ف 50 هتديك اليوريا من غير ماتعمل التحليل وهو خطأ شاائع غير حقيقى

لأن هناك بعض الحالات التى تزيد فيها نسبة الكرياتينين وممكن تكون 5 أو 6 مثلا ونلاقى اليوريا عادى!

أو العكس أو نلاقى الاتنين فى زياده مطرده

 

وتزيد نسبة اليوريا فى حالات وجود أى مرض من أمراض الكلى كالفشل الكلوى وانسداد المسالك البولية لوجود حصوات أو بعض الأورام السرطانيه

وتقل نسبة اليوريا فى حالة الفشل الكبدى والتهاب نفرونات الكلى وسوء التغذية وخصوصا قلة التغذية بالبروتينات وضعف الصحه لعامه

 

لعمل التحليل ما هو المطلوب ؟

مطلوب سحب 1 ل 2 سم من دم المريض بدون أى موانع للتجلط ويجل على المريض الامتناع عن أكل وجبات غنية بالبرويتينات قبل اجراء التحليل لأنها قد تعطى نتيجة غير حقيقية للمريض

ويتم قياس التحليل لعينة سيرم

 

 

 

**************************

الكرياتينين Creatinine

الكرياتينين هو احد أهم وظائف الكلى وهو عبارة عن ماده سامه تنتج عن تحويل الكرياتينين فوسفات الموجود فى العضلات الى كرياتينين وانطلاق طاقه ATP

ويتم التخلص من الكرياتينين عن طريق الكلى فى البول

ويتم الكشف على سلامة الكلى من معرفة نسبة الكرياتينين فى الدم أو البول

 

وكلما زادت نسبة الكرياتينين فى الدم كلما كانت دلاله على اما فشل كلوى أو وجود حصوة فى الحالب أو جفاف أو عدم اخراج البول من المريض

 

ويمكننا استخلاص علاقة بين نسبة اليوريا والكرياتينين فى الدم ومنها يتضح أنه لا توجد علاقه ثابته بين النسبتين

 

– فى حالة زيادة الكرياتينين أكثر من 5 مثلا واليوريا أكثر من 110 فإنه يستلزم عمل تحليل لمعرفة نسبة الصوديوم والبوتاسيوم لمعرفة ما اذا كان المريض مريض فشل كلوى ويحتاج لغسيل أم لا

 

– فى حالة زيادة اليوريا زياده مثلا 70 او 80 والكرياتيني طبيعى فإن ذلك يدل على ان المريض اما كان صائما لفترة طويلة او انه اكل وجبة مليئة بالبروتينات

 

– فى حالة زيادة الكرياتينين زياده عاليه وثبات او وجود نسبة اليوريا فى الطبيعى فإن المريض قد يعانى من وجود حصوة فى المسالك البولية او انسداد او ارتجاع فى الحالب

او نتيجة عن تعاطى كمية كبيرة من الأمينو عن طريق الحقن أو البروتينات للاعبى كمال الأجسام

 

والنسبة الطبيبعيه للكرياتيني هى مابين 0.4 الى 1.5

وتحليل الكرياتين من التحاليل الطارئة لمرضى الاورام لأنه يزيد فى وجود بعض الأورام السرطانيه

 

 

*****************************

Creatinine In Urine

وهو يتم قياس نسبة الكرياتين فى البول للتأكد من سلامة الكلي وانه للا يوجد جفاف او ارتجاع للبول او مشاكل فى الكلى

وفيه يتم تجميع عينة بول لمدة 24 ساعه ومن خلالها يتم قياس الكرياتينين ف البول

وكيفية التجميع كلآتى

يبدأ التجميع فى الصباح ويتم بالتخلص من اول عينة فى الصباح ويتم التجميع من ثانى عينه ويتم تدوين بداية الوقت الذى تم في التجميع ويتم تجميع البول فى زجاجة نظيفه لنفس التوقيت فى اليوم التالى ويتم حفظ العينة فى الثلاجه وبعد الانتهاء من التجميع يتم ارسال العينه للمعمل فى نفس الوقت

 

وكيفية عمل التحليل هى كالتالى

يتم حساب حجم العينه الكلى وتدوينه

نضع 1 مل بول من العينه المجمعه + 49 مل ماء مقطر ويتم عمل ميكس جيدا ونتعامل مع الخليط كأنه عينة سيرم عادى جدا ونأخذ منه 100 كيكرون على الرياجنت بتاع الكرياتيني ونقيس وندون النتيجه

ومنها يتم حساب الكرياتينين فى البول

بمعادله هتلاقوها مكتوبه فى البامفليت لكل كيتس

*******************************

Creatinine Clearence تصفية الكرياتينين

*****************************

وهو أحد أهم التحاليل لتوضيح سلامة الكلى وفيه يتم تجميع بول 24 ساعه كما هو مبين سابقامع عينة سيرم ويتم حساب حجم البول ويتم عمل تحليل كرياتيني فى البول وكرياتيني فى الدمويتم حساب تصفية الكرياتيني كالآتى( Creatinine in Urine * Urine Volume ) / ( Creatinine in serum * 24 * 60 )حيث ان 24 هى عدد الساعات مضروبة فى 60 دقيقة  لمعرفة التركيز لكل دقيقه

********************************

Uric Acid  حمض البوليكاو مايعرف باسم ” داء الملوك ” أو النقرس أو ال “Gout ” وهو عبارة عن زياده فى أملاح حمض البوليك فى الدم نتيجة الافراط فى اكل اللحوم الحمراء وخاصة الحمام والبط وأيضا البقوليات كالفول والطعميه والفاصوليا والبنيات كالشاى والكولا والقهوة والكابوتشينو والكاكاو كل ذلك يؤدى لزيادة اليوريك فى الدموتكون الأعراض عبارة عن ألم فى العظام والمفاصل وألم أو شكشكة فى كعب القدمأو الاصبع الكبير للقدم وخصوصا بعد الاستيقاظويفضل الصيام قبل اجراء التحليل وهو غير شرط لذلكوعلاجه عن طريق أقراص أو فوارات على حسب النسبةوهناك قد نلاحظ وجود نسبة عاليه من حمض اليوريك بالنسبة للأطفال المصابين باللوكيميا ونسبته فى الرجال من 2 ل 7 ملجم ونسبته للسيدات من 2 ل

6 ملجم

 

 

 

********************************

Electrolytes المعادن أو الأملاح

نروع على الاكلترولايتس وهى من وظائف الكلى ولكن ليها موضزع لوحده وعشان كده هاكتفى بالتنويه والاشارة عن حاجات بسيطة بما اننا بنتكلم عن وظايف الكلى

 

المعادن او الاملاح تعتبر من وظائف الكلى وهى تنقسم الى

Na – K – Cl – Mg – P – Ca ionized

 

وعلى رأى المثل اللى بيقول

خش يالمح انت وهو . الصوديوم بينظم بره وجوه🙂

 

😀

 

يعنى ايه

يعنى ان من وظايف الاملاح دى هى عمل اتزان للمعادن داخل وخارج الخلايا والصوديوم يعتبر أكبر كاتيون فى ال Extracellular fluid

Na is the principle cation of the extracellular fluid

ودايما بيكون مرتبط بالكلور وبنلاقيه غالبا فى ملح الطعام NaCl وممكن نلاقيه فى اللحوم والخضروات

ودور الصويوم هو تنظيم ال Acid – Base Balance داخل الخلايا

 

والبوتاسيوم كمان يعتبر عكس الصوديوم يعنى صوديوم برة بوتاسيوم جوه

K is the principle cation of the intracellular fluid

 

زياده الصوديوم بنلاقيها فى حالات الجفاف الشديد او حالات غيبوبة السكر او تناول كمية كبيرة من الغذاء المحتوى على الصوديوم وخصوصا الملح

ونقص الصوديوم نجده فى حالات الاسهال الشديد وغزارة البول فى مرضى السكر وامراض الكلى

وللصوديوم دور مهم فى جعل البول حمضيا

أما البوتاسيوم فنجده فى اللحوم والخضروات والفواكه وخصوصا الليمون والبرتقال والموز

 

ودائما نجد أن تحليل الصوديوم يتضمن البوتاسيوم معا وهو يتم قياسهما على نفس الجهاز ونفس الطريقة ويفضل عينة السيرم ولكن عينة البلازما لا مانع منها شريطة أن تكون المادة المانعه للتجلط هيبارين لا يحتوى على ايا منهما

ولهما دور مهم فى زياده ونقصل حمضية وقلوية الدم وأيضا لهما دور مهم جدا فى تحديد مااذا ان المريض

الذى يعانى من فشل كلوى هل يحتاج لغسيل كلوى ام لا

 

أما الماغنيسيوم والكلوريد فلهما أيضا من الأهميه فى عملية التنظيم الأيونى للخلايا والجسم وترتبط نسبتهما بنسبة المياه داخل وخارج الخلايا

Cl is the main anion of extracellular fluid

ونكتفى بهذا القدر من توضيح ماهية المعادن ودورها فى وظائف الكلى حتى يتسنى لزميلتى العزيزة د. هبه الشرح الوافى عن ال Electrolytes

وأتأسف لها على الدخول فى هذا الجزء

 

الجهاز الذى يتم عليه قياس ال

Na – k – Cl – Ca ionized

يعمل على الكتروداتا خاصه بكل تحليل على حده ويتم تركيبها على حسب الحاجه

وهذه صورة لبعض الاجهزة الخاصه بتحاليل ال

Na – k – Cl – Ca ionized

 

 

 

Done by Dr. Ahmed Wagih

2 تعليقان

  1. مجهووووووود رائع

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: