(*1*) سعر كيميائى التحاليل الطبية (*1*)

  • Price list of Chemists:

     

    سعر الكيميائى ف معمل البرج = 700 جنيه فقط لاغير

    .

    وكانت 450 وزودوها بعد الثوره لما الناس وقفت الشغل والواقعه المعروفه اياها

    ..!!

     

    بيقولو من اول السنه هيزودو المرتبات بس لحد دلوقتى محدش متأكد هناك وبيقولو انها هتبقى ف حدود 970 ج

    .

    سعر الكيميائى ف معمل المختبر = 600 جنيه فقط لا غير

     

    وكانت 350 وزودتها رئيس مجلس الاداره عطفا من عندها …!!!

    .

    سعر الكيميائى ف رويال لاب وكايرو لاب = 450 جنيه فقط لاغير

    .

    سعر الكيميائى ف ساريدار = 500 جنيه فقط لا غير

    .

    سعر الكيميائى ف الفا لاب = 500 جنيه فقط لاغير

    .

     

    ملحوظه هامه (1):

    الكيميائى ده هو خريج كلية العلوم ان شالله حتى يكون معاه الف دبلومة وخمسمية ماجستير و مية دكتوراه = كيميائى

    .

    ملحوظه هامه (2):

    الشغل من 7-10 ساعات وهتنزل ع الاقل جمعتين نابتشيات ف الشهر

    مش هتبقى حاجه ولا تترقى لو قعدت مليون سنه لانك كيميائى !!!

    .

    .

    اللى زاد وغطى بقى :

    عملو سعر كمان للكيميائيين بره مصر كالاتى :

    .

    ف دول الخليج مثلا السعوديه :

    كلنا عارفين انها بتقسم الشغل اخصائى وفنى ومن يطبق عليه شروط الاخصائى من خريج العلوم بيبقى اخصائى ومرتبه بيبقى من 6000 الى 7000 ريال

    .

    فمعمل البرج والمختبر لم يرضيهم كده :

    فتحو بقى فروع ف السعوديه وف السودان وخدو ناس من عندهم وصدروهم ” كيميائيين ” للعمل ف البرج والمختبر ف فروع السعوديه والسودان وخلو مرتباتهم تقريبا نصف مرتبات مايعادلهم هناك ….!!

    .

    يعنى كالتالى :

    ف السعوديه خلو مرتب الكيميائى 2500 ريال مهما تكون مؤهلاته

    ف السودان خلو مرتب الكيميائى 500 دولار فقط لا غير مهما تكون مؤهلاته

    .

    وبدأو يعرفو الناس هناك بقى ان الكيميائيين سعرهم كده وتدوهم ليه اكتر من كده

    وطبعا انتو اكيد فاهمين مين اللى بيكتب كده مش كده ؟؟؟

     

    وبكده سعر الكيميائيين المصريين هيقل هناك لان انت سعرك كده ف بلدك اديك انا اكتر ليه ؟؟

    .

    .

    وف نهايه النقابه بتاعتنا نايمه تقريبا او ميته مش متأكد ومطلوب منى ادافع عن نفسى لوحدى

    .

    وسبحان الله ف نفس الوقت ادعم نقابتى وادفع اشتراك ؟؟؟

     

    .

    انا اسف لا هدفع اشتراك ولا هدافع عن نفسى

    .

    مع تحياتى :

    ولا بلاش اسماء خلينا ناكل عيش احسن .

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: