بيولوجيا الأورام ودلالات الأورام

بســم الله الرحـمن الرحـيم

 اللهم صلِ وسلم وبارك على خير خلق الله

 

وبعد

 

أول موضوعات الموسوعة شهر يناير

 

ويـــــــــارب اكون وفقت فيه …مرفق ليه ملف لدكتور تامر الدسوقى

 

 

بيولوجيا الأورام ودلالات الأورام

 

  …بدايــــــــــــــــــة

 

 

الموضوع عباره عن نبذه عن بيولوجيا الاورام ودلالات الاورام

لان الموضوع كبير ومتشعب فأخذنا نقط بسيطه ونبذه عن كل نقطه

 

ويشتمل الموضوع على..

 

ما هو السرطان ولماذا سمي بهذا الاسم

.

كيف يتكون

 

خطورته

 

انواع السرطان

 

الفرق بين الورم الحميد والورم الخبيث

 

الفرق بين الخليه السرطانيه والخليه الطبيعية

 

تشخيصه

 

العلاج

 

نبذة عن دلالات الأورام

 

مصطلحات خاصة بالسرطان

 

 

===============================..

السرطان

سمي بهذا الاسم لانه في انتشاره وتكون الاوعيه المحيطه به يشبه سرطان البحر

 

والسرطان هو مرض ينشأ من انقسامات متعدده وغير متحكم بها وغير طبيعيه تحدث للخلايا نتيجة لتغيرات تحدث بها ..

==============================

 

 

Cancer biology

 

في بيولوجيا الاورام

اول نقطه هنتكلم فيها ازاى بيتكون السرطان

 

على مرحلتين

 

ايه اللى بيحصل في الخليه يجعل الخليه تبقى خليه سرطانيه

 

ازاى الخليه السرطانيه تتنتشر لانسجه اخرى وتسبب السرطان الخبيث

 

 

اولا الخليه والاحداث اللى بتحصل فيها

 

فيه عندنا جين في الخليه اسمه protooncogen

الجين ده مسئول عن التحكم في عدد الانقسامات التى تتم في الخليه

نتيجه للتأثر ببعض العوامل المسرطنه بينشط ويكون لينا oncogen

 

ومنه اتخذ اسم علم الاورام .. اللى هو  oncology

 

لما بيحصل تحور فيه ويكون oncogen فده يؤدى الى انه بيفقد وظيفته التحكمية ويحصل انقسام الخليه بشكل عشوائى وغير متحكم فيه وبالتالى يكون السرطان

 

دى البدايه

ان الخليه بدل ما ماكانت بتنقسم بطريقه معينه وعدد معين … بقت عامله زي الدومينو المرصوص ورا بعضه .. مجرد واحده تنقسم مابتعرفش توقف اللى بعدها ..

 

وفيه عوامل كتير بتحصل في الجسم تؤدي لانتشار الخليه السرطاني او الخليه اللى حصل فيها تحور

 

 

منها ..

الجزء اللى حصل فيه تحور من الجين يتنقل لأماكن اخرى على نفس الجين او جين آخر .. وبالتالى يسرع من عملية التحور وانتاج خلايا سرطانيه .. العمليه دى بنسميها transposition  والجزء اللى انتقل من الجين اسمه transposon

 

ان عمليات معينة في الجسم او جينات كانت مهتمها الحفاظ على الخليه  او التخلص من الخليه لو حصل فيها خلل تتوقف فبالتالى السرطان ينتشر بسرعه

 

من ضمنها ..

1-      جين اسمه trumur suppressor gene

الجين ده بطبيعته ان يوقف عمل الخليه السرطانيه ويعمل على عدم تكاثرها وانتشارها …

لو الجين ده حصل فيه خلل .. بالتالى الخلايا السرطانيه هتتكاثر وتنتشر

 

كلام باستفاضه شويه عن عمل الجين ده او نوع منه

http://www.facebook.com/groups/medicalanalysisgroup/permalink/343484825759529/?comment_id=344647002309978&offset=0&total_comments=60

 

2-      تراكم التحور  mutation

لو جين واحد تحور ممكن مايأثرش ويتلاشى اثره بعدة عوامل وممكن يتصلح

لكن تراكم التغيرات اللى بتحصل للخليه بيؤدى لانتشار السرطان

وعشان كده ناس كبيره في السن بتكون عرضه للاصابه بالسرطان نتيجه لتراكم الخلايا الهرمة التالفه والمحتويه على تغيرات متراكمة في الجينات

 

3-      عملية الموت المبرمج للخلايا  apoptosis

العملية دى بتحصل طبيعى في الجسم

ان الخليه لما تكبر في السن او يحصل فيها اى نوع من التلف وماينفعش يتصلح بتروح ماشيه في خطوات الموت المبرمج .. فيه عدة عوامل في الخليه تساعدها على كده بحيث تتخلص من نفسها لاسباب

منها انها لا تنشر التلف اللى حصل لخلايا اخرى

وعشان تحافظ على ثبات الخلايا في الجسم لان الجسم شغال انقسامات في اماكن اخرى .. زى فكرة الموت والحياه ..

وعشان تمنع تراكم الخلايا التالفه في الجسم

شرح تفاصيل اكثر عن عملية الـ apoptosis

http://www.facebook.com/groups/medicalanalysisgroup/346843548756990/?notif_t=like

 

كمان عندنا حاجه اسمها  

 

repair enzyme

ده انزيم مسئول عن تصليح الخلل اللى بيحصل في الخليه

زى مثلا فقد نيوكليوتيد اثناء عمليه التضاعف او النسخ او وضع نيوكيوتيد في غير موضعها

لو الانزيم ده حصل فيه خلل .. بالتالى وظيفته هتفقد والخلل اللى في الخليه مش هيتصلح وتنقسم الخليه بهذا الخلل وتتكاثر

========================= 

 

 

معلومة جانبية عن الخليه

يوجد في نهاية الكروموسوم الطبيعى تتابع من النيوكيوتيدات يسمى  telomere

هذا الجزء يحتوى على الشفره الخاصه بانقسام الخليه ونموها وتنظيمها بحيث كل دورة انقسام للخليه ينقطع جزء من التيلومير .. وهكذا حتى تنتهى دورات الانقسام في الخليه وينتهى التيلومير وتموت بعدها الخليه ..

ومن وظائف ال telomere  ايضا انه يمنع التصاق الكروموسوم بكروموسوم آخر ..

ومع زيادة عدد دورات الانقسام في الخليه ينقص طول ال_ telomere  و يصبح الحمض النووى DNA  اقصر ويستمر في القصر حتى ينتهى ال telomere … فتلتصق النهايات الكروموسوميه ببعضها البعض وتموت الخليه …

اما الخليه السرطانيه لكى تتجنب هذه النهايه

تقوم بزياده في تصنيع انزيم يسمى telomerase

هذا الانزيم يساعد على اطاله جزء telomere  وبالتالى يزيد من عدد دورات انقسام الخليه …

 

===================

 

 

اسباب حدوث السرطان ..

يعنى ايه العوامل الخارجيه اللى بتحفز الخليه انها تتحور وتتحول لخليه سرطانيه ..

 

–        التعرض لمواد مشعه او مواد كيميائية مسرطنه

–         الاصابه بانواع من الفيروسات مثل الفيروسات الكبديه او فيروس HPV (human papillomavirus )

–         التعرض لمادة مسرطنه عن طريق الشم او الاكل او اللمس او ماشابه مثل التدخين – عوادم السيارات – الطعام المسرطن

–          الاصابه ببعض الميكروبات مثل الجرثومه الحلزونيه التى قد تؤدي إلى الاصابه بسرطان المعدة – او الاصابه بالبلهارسيا

–          وللاسف .. ممكن العلاج الكيماوى نفسه يكون سبب في تكون سرطان جديد لانه ماده كيميائيه وممكن تسبب خلل في الخليه و DNA

–          اسباب وراثيه … زي طفره في الخلايا الجنسيه للاب او الام .. وانتقلت بدورها للجنين ….

 

وغيرها من الاسباب منها معروف ومنها غير معروف ..

=============================..

 

الفرق بين الورم الحميد والورم الخبيث

الورم الحميد benign tumor..

خلايا اصلها من انسجة الجسم العاديه تتكاثر بمعدل بطئ .. وبتكون غير مضره للجسم

لا تنتشر لأماكن أخرى من الجسم

شكل الخليه مثل شكل الخليه العادية ولا تسبب تلف للانسجه الأخرى

كل تأثيرها يقتصر على الضغط على الأعضاء او الانسجه المحيطه

..

الورم الخبيث malignant tumor

معدل نمو الخلايا سريع

ينتشر لأماكن اخرى من الجسم

شكل الخليه مختلف تمام عن الخليه الاصليه

ممكن انه يسبب تلف للانسجه المحيطه

مميت ..

 

ملحوظه .. الورم الخبيث بيبدأ بورم حميد في البدايه ثم يتحول إلى ورم خبيث

==========================

 

الفرق بين الخليه العاديه والخليه السرطانيه

 

الخليه العاديه

شكلها مستوى

متناسقه بجانب بعضها وملتصقه

تنقسم بطريقه منظمه وفيها تحكم

وحيدة النواه ونواتها متسقها

الكروماتين متناسق

 

الخليه السرطانيه

غير متساويه في الشكل الخارجى

تفتقد الالتصاق .. لا يوجد روابط قويه بينها وبين الخليه المجاوره

تفتقد الاشاره التحكميه التى توقفها عند الانقسام

النواه منقسمه وشكلها غير متسق

الكروماتين متكدس condensed

معظم المعلومات الوراثيه فيها مفقوده

تعتبر خليه غير ناضجه immature

مستوى السرطان في الجسم ممكن يتحدد من شكل الخليه

 

يعنى كل ما كانت الخليه غير محدده الملامح وغير طبيعيه undifferentiated  كل ما كان مستوى السرطان في الجسم عالى

 

==============================

خطورة السرطان

في عدة نقط اهمها

انقسام الخلايا بطريقه لانهائية .. فده بيكون كتل نسيجيه تسبب خلل في تركيب الجسم

ان الخلايا والانسجه السرطانيه بتكون اوعيه دمويه حولها عشان تمدها بالغذاء والاكسجين .. وده بينسميه angiogenesis    … طبعا ده بيكون على حساب الانسجه الرئيسيه .. زائد كمان يزود من صعوبه استئصال الورم لان الاوعيه بتكون متخلله النسيج السرطانى وغير السرطانى ..

 

ان بيحصل تلف في الانسجه المحيطه نتيجه لتوغل وانتشار الخلايا والانسجه السرطانيه ..

 

 

 

أنواع السرطان

 

سرطان الرئة

سرطان الكبد

سرطان الكلى

سرطان المثانة

سرطان المعدة

سرطان القولون

سرطان المرئ

سرطان الثدي

سرطان الرحم

سرطان المبيض

سرطان البروستاتا

سرطان المخ

سرطان العظم

سرطان الدم

سرطان الغده الدرقية

وانواع أخرى

 

اخطرهم

سرطان الرئة

سرطان المخ

سرطان الدم

 

اكثرهم انتشارا

سرطان القولون

سرطان الثدي

=========================== 

 

التشخيص

بيكون عن طريق

–         دلالات الأورام .. ودى بيكون ليها شروط وحدود معينه وهنعرف امتى نعتمد عليها وفائدتها وعيوبها

 

–         الاشعه

Mammograms .. لتشخيص سرطان الثدي

–         الموجات فوق صوتيه ultrasound

–         المنظار

–         الاشعه المقطعيه

 

فحص الخلايا والانسجة  Biopsy

 

وفيه انواع معينه من السرطان ليها تشخيصات خاصه بيها

زي سرطان البروستاتا ممكن فحص لالتهاب البروستاتا

 

وزي سرطان الدم بيحتاج صورة دم كامله مع عينه من نخاع العظم .

 

وفيه تكنيك حديث اسمه microarray

وده عن طريقه بيتعمل مسح للجينات الموجوده في الخليه ومعرفة اذا كان فيها خلل .. وبالتالى ده يفيد في التشخيص المبكر لتجنب تفاقم المرض

 

وفيه تكنيك اسمه IMMUNOPHENOTYPING

 

ممكن نقرا عنه هنا

http://www.facebook.com/groups/medicalanalysisgroup/doc/339505679490777/

 

================================

الاعراض المصاحبه لمرض السرطان

فيه اعراض عامه مثل

التهاب وارتفاع في درجة الحراره مزمنة لا تتأثر بالمضادات الحيويه

وممكن نتعرف عليها من تحليل سرعة الترسيب نلاقيه الساعه الاولى تعدى 80 او 100

تعب عام وضعف جسدى

 

نزيف من الفم او الانف او من عنق الرحم اذا كان سرطان الرحم

آلام في المنطقه المصابه بالسرطان مثل صداع مزمن وشديد في حالة سرطان المخ

آلام في المعدة وحرقان كما في سرطان المعده والقولون

انتفاخ في بعض الأماكن

 

===========================

العلاج

استئصال الورم ان امكن ..

زرع نخاع او خلايا جزعية Stem cell transplant كما في سرطان الدم

والشائع هو العلاج الكيماوى او الاشعاع Chemotherapy and Radiotherapy

كلاهم يؤثر على الخلايا السرطانيه وغير السرطانيه

ولهم اعراض جانبيه  وتأثيرات سلبيه

منها

العلاج الكيماوي

ممكن ان يسبب العقم

عدم القدره على الهضم بصوره طبيعيه

يؤثر على الجهاز المناعي وكفاءته

سقوط الشعر

 

وفيه تقنيه حديثه اسمها cryoablation

او علاج السرطان بتجميد الخلايا السرطانيه وتدميرها

حتى لا تتكاثر وتنتشر

وده بيتم حاليا في الصين والولايات المتحده  .. وجايز في اماكن أخرى ..

ووجد ان التقنيه دى آمنة وناجحه خاصة في الاورام الحميده والخبيثه في بدايتها

اما السرطان الحالات المتأخره بتكون صعبه لان المرض بيكون انتشر في معظم العضو او الجسم وممكن تدمير الخلايا السرطانيه يدمر العضو والجسم كله ..

في الصين تم تطبيقها على سرطان الرئة – الكبد – الكلى

 

اللى عايز يعرف عنها اكتر ممكن هنا

 

http://www.cancertherapychina.com/index.php?option=com_content&view=article&id=93&Itemid=42

============================

الوقايه

عدم التعرض للاشعاعات النوويه

عدم التدخين

عدم التعرض بكثره لعوادم السيارات

البعد عن المواد الكميائيه والمسرطنه

تقوية الجهاز المناعى للجسم

العلاج المبكر لاى التهاب او اى ميكروب او طفيل مثل الجرثومه الحلزونيه او البلهارسيا

 

 

=============================

دلالات الأورام ..tumor markers

 

دى مادة بتفزر في الجسم كدلاله على وجود ورم

وجد ان الماده دى اما بتفرز من الجسم نفسه لمقاومة السرطان او بتفرز من الخلايا المسرطنه

فيه بعض خلايا السرطان تقاوم العلاج الكيماوى اللى بنسميه drug resistance

ويمكن ده اللى بيجعل السرطان ينتشر رغم العلاج .. لان مجرد خليه واحده تقاوم العلاج ممكن تتكاثر مره تانيه وتنتشر

وده من ضمن الابحاث القائمه .. هو مش بس ايجاد علاج كيماوى وانما يكون علاج مؤثر يتفادى عيوب العلاجات السابقه ويؤثر على جميع الخلايا السرطانيه ..

 

ليها مزايا وليها عيوب

مزايا

1-      التخصص … ان معظمها بيكون متخصص لنوع معين من الاورام

2-      تبين مدى استجابة المريض للعلاج وليها علاقه بمدى تفاقم المرض

3-      سهل قياسها .. عن طريق سحب عينة دم او عينة بول

4-      ممكن بيها نتعرف على المرض في بداية مراحله early detection of cancer

5-      الى حد ما رخيصه الثمن

 

العيوب ..

1-      لا نستطيع بها ان نحدد نوع الورم اذا كان حميد او خبيث

2-      بعض منها بيكون غير متخصص

3-   بعض انواع السرطان ليس لها دلالات أورام …

4- في بعض الحالات يصعب استخدامها في التشخيص المبكر

 

انواع من دلالات الأورام

 

CEA

Carcinoembrionic antigen

 

===============

PSA

Prostate-Specific Antigen

ده بروتين بيفرز من غدة البروستاتا prostate gland

موجود منه نسبة طبيعية في الدم للرجال وبيعلى في حالات السرطان وفي حالات اخرى زى اضطرابات تصيب البروستاتا ( التهاب او اى امراض او بعض الحالات غير مرضيه )

ارتفاع نسبته ممكن يدل على وجود سرطان في البروستاتا او انتشاره لامكان اخرى ..

 

 

في المعمل

احنا بنقيس نوعين

Total

Free

الشق الحر .. الغير مرتبط ببروتين

 

ووجد ان كلما زادت نسبة الجزء الحر منه كلما كان احتماليه الاصابه بالسرطان اقل ..

 

تفاصيل اكثر اتبع الرابط التالى ..

http://www.facebook.com/groups/medicalanalysisgroup/permalink/343484825759529/?comment_id=345648332209845&offset=0&total_comments=60

 

 

Cancer Antigen 15.3 (CA 15.3)

Cancer Antigen 125 (CA 125)

Alpha-Fetoprotein (AFP)

 

 

ولمزيد من المعلومات التفصيلية عن دلالات الاورام ملف د/ تامر الدسوقى

http://www.facebook.com/groups/medicalanalysisgroup/doc/343403785767633/

 

ملف دكتوره هبه عاطف

http://www.facebook.com/groups/medicalanalysisgroup/doc/343198055788206

 

 

مصطلحات

مصطلحات طبيه عن السرطان ممكن تقابلنا

Oncology

 

علم الأورام

Branch of medicine deals with cancer

 

Carcinogenic

المادة التى تسبب السرطان

Substance  that cause cancer

Neoplasm

هي كتلة الخلايا الناتجة من حدوث السرطان

ومنها مصطلح neoplasia

هو انقسام غير طبيعى للخلايا

 

Angiogenesis

تكون اوعيه دمويه حول الكتله السرطانيه وتشعبها

 

Invasion

هو اختراق الخلايا السرطانيه الحيز التى تشغله

Metastasis

انتقال الخليه السرطانيه لأماكن اخرى من الجسم عن طريق الدم او الليمف

VEGF

Vascular endothelial growth factor

VPF

Vascular permeability factor

عوامل تساعد على انتشار وتوغل الاوعيه الدمويه حول الخلايا السرطانيه .. وتساعد على نفاذيه الاوعيه

 

================================

لينكات خاصه بالسرطان في الجروب

http://www.facebook.com/groups/medicalanalysisgroup/doc/341205385987473/

 

http://www.facebook.com/groups/medicalanalysisgroup/doc/340453889395956/

 

http://www.facebook.com/groups/medicalanalysisgroup/doc/339505679490777/

http://www.facebook.com/groups/medicalanalysisgroup/doc/339914726116539/

 

http://www.facebook.com/groups/medicalanalysisgroup/doc/340456526062359/

http://www.facebook.com/photo.php?fbid=10200391868106116&set=o.339488576159154&type=3

 

http://www.facebook.com/groups/medicalanalysisgroup/doc/339915069449838/

 

 

 

 

وده لينك رااائع فيه شرح لبيولوجيا السرطان بالتفصيل وبالصور والفيدوهات

وبجد مبسط ومرتب وسهل  وعجبنى جداااا

 

http://www.insidecancer.org/

وجزاكم الله خير

One response

  1. جزاكم الله كل خير

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: