Category Archives: مسلسل تفاعلات الدم

مع مسلسل ” تفاعلات الدم”Serological reactions

اصدقائي الاعزاء

Ladies & gentlemen

 

 

انا هتناول بازن الله نقطة تثير جدل واسع عند الباحثين عن المعرفة..

الكل منا يسعي لمحاولة البحث عن الذات..ووفقنا الله جميعا الي ما يحبه ويرضاه

 

فاذا نظرنا الي وضعنا الحالي..من وجهة نظرنا..سنجد اننا كخريجي كليات العلوم بنطالب بحقنا..ولا يضيع حق وراءه مطالب…فمنا من التحق بوظيفة…وهناك الكثيير من يبحث عن الفرصه…ولكن لما الحزن؟

ابشر

فقد قال الله سبحانه وتعالي ف حديثه القدسي

“وعزتي وجلالي لارزقن من لا حيلة له حتي يتعجب له اصحاب الحيل”

 

….

ندخل ف الموضوع

هتكلم عن نقطة ف تفاعلات الدم من ناحية المناعه

 

وهي

interaction between antibody(Ab) and antigen(Ag)

 

 

 

Reaction between Ab and Ag are called serological reactions as Ab are found inside serum in the blood.

Ab are formed as response to antigen presence.

 

Antigen أي ماده غريبة تدخل جسم الانسان

 Any foreign substance inter the blood circulate of any vertebrate,

This substance may be

a)      organic or inorganic

b)      living or nonliving

c)      soluble or insoluble,

which stimulate formation of antibodies (globulins)

 

Antibody (immunoglobulin)   بروتين يفرزه الجسم لمواجهة أي ماده غريبة موجودة به

Special type of protein produce inside the blood circulates of vertebrate as a result of presence of antigen.

 

note

 

الجسم المضاد لا يتفاعل مع أي انتيجين بل يتفاعل مع الانتجين المولد له…نظرية القفل والمفتاح

وبالتالي هنا يوجد تخصصية

specifity

 

وهذه تعتمد ع المجموعه الوظيفيه

epitops

الموجودة ع الجسم المضاد)Ab(

 

as you say;

“specifity depends on shape of epitops on Ab as there’re

a compatibility between Ag & Ab’.

 

note that I say a compatibility. I will Explain that point..

 

 

محدش فينا..سأل نفسه سؤال ليه مع كل تحليل بنستخدم كميات مختلفه من السيرم يعني مرة فيه تحليل بنستخدم 10 ميكرون سيرم وتحليل اخر 25 ميكرون سيرم وتحليل تالت 100 ميكرون سيرم..والخ الخ ( ع رأي ثلاثي اضواء المسرح)…وهذا السؤال وجه لاحد دكاترة الطب ف التحاليل.. الجهابزة زي ما بيقولوا..وكان رده

“ع حسب البامفليت المرفق مع كيماويات الشركة المصنعه..”

وكنت موجود ف الوقت ده..والشخص اللي كان بيسأل..لم يقتنع باجابة الدكتور…وقال

“دا كلام يتقال لواحد ماشي ف الشارع لكن انا عاوز اجابة علمية تقنعني ”

وانا قمت بالرد ع صاحب السؤال بعد مغادرة الدكتور..وقام بمصافحتي كثيرا..لغاية لما ايدي وجعتني..

♥صحته جامده ♥

 

 

انا منتظر منكم الرد ع هذا السؤال…ونكمل الحلقه القادمه من المسلسل…

انتظروناااااااااااااااااااااااااااااا…

 

المايسترو عبدالله ♥

بيولوجي مان..

Advertisements

تفاعلات الدم …الحلقة الثانية

اصدقائي الاعزاء…

ladies & gentlemen

 

 

زي ما قلت قبل اكده ان انا مازلت مبتدئ وهافضل مبتدئ…لان

طلب العلم فريضه ع كل مسلم ومسلمة

والعلم نور

وفوق كل ذي علم عليم..

 

والواحد مننا لا يتباهي بعلمه…واذا نظرنا حولنا سنجد ان هناك كم ضخم جدن من العلوم السهلة الاكتساب دون ان ندري..ولكن فقط تحتاج الي من يمعن فيها..ويعطيها ولو قدر بسيط جدا من الاهتمام.والتركيز.

..

 

كان سؤالي ف الحلقه الاولي من مسلسلي الجديد..”تفاعلات الدم”

serological reactions

ليه بنستخدم كميات مختلفه من السيرم..مع كل تحليل؟

 

وقبل كده ع نفس الجروب كنت وضعت سؤال

“ليه لا يتم الوثوق ف الكيتز السريع لمعظم التحليل.

وكانت الاجابه كالتالي

انها غير دقيقه ونتائجها فيها تداخل وشوية كلام اكده.. بنسمعه من اللي قبلنا وبنردده من دون ما نتاكد ولا حتي شوفنا حاجه بعيوننا..

 

ويقولك الغالي تمنه فيه..

اوك..انا مع الجميع ف كلامهم ده…لكن محدش فينا سأل نفسه ف يوم..ميكانيكية تفاعل الكيتز دي ايه…

او حتي لما بيعمل فصيلة لشخص ما…ليه تم تجلط الدم…بالطريقه دي؟

او حتي تحاليل اللاتيكس

زي..

ASO

RF

SLE

CRP

والخ الخ..

.

لاننا للاسف اتعلمنا نضع دي ع دي تقوم تعطي لنا دي..وبس خلاااص ولو طلعت ابنورمال ممكن تعيدها او لا …كده بقينا زي الفنيين.

 

ايه ياسيدي الفاضل الكلام الكبير ده…ايه اللي انت بتقوله ده…؟!!!

اقولك انا:من حقي..اعرف انا شغال ازاي…ايه اللي هيفرق بيني وبين الفني.

 

 

لو لاحظنا سنجد ان الشخص المثقف…بنرتاح ف الكلام معاه…سواء كنت انا متعلم او غير متعلم…

 

قد يهيأ للكثير مننا ان انا بعدت عن التحليل الطبية.(.لكن لااا…انا موجود ف صلب التحليل ذات نفسه….لما افهم انا شغال ازاي وليه التحليل ده مطلوب للحالة دي…بسيطه هاقدر اعرف طريقة الشغل.).

 

 

يالا ندخل ف صلب الموضوع…

للاجابه ع الاسئلة السابقه..ركزوا معايا ف الكلام اللي هتكلم فيه

 

 

 

هتكلم عن نقطة اسمها

ظاهرة التمنطق

“Zone Phenomenon”

 

قلت ف الحلقه السابقه ان

 

“الجسم المضاد لا يتفاعل مع أي انتيجين بل يتفاعل مع الانتيجين المولد”

وان هنا فيه تخصصيه…وليس ذلك فقط لااا توافق بينهما مثل نظرية القفل والمفتاح

compatibility

 

 

وبالتالي

“reaction between Ag & Ab occur and be visible in certain concentrations(conc) of Ag & Ab”

 

يعني زي ما تقول

“high conc of Ag or Ab ————à no visible reaction occur..”

 

 

يبقي ازن التفاعل لا يعتمد ع الكمية…هناك نسبه وتناسب…

ازن لا يحدث تفاعل ف حالة اذا كان هناك تركيزات عاليه سواء من الانتيجين او الجسم المضاد…

يعني لو عندي تركيز منخفض من الجسم المضاد وكمية كبيرة من الانتيجين…قد لا يحدث تفاعل…

 

مثال

 

 

نفرض ان لدينا عدد من الانابيب

serial dilution of Ab have conc of

10-1 , 10-2, 10-3 ,10-4 , 10-5

then

add the same conc of Ag..and abserve..

 

Observation

 

 

 

 

سنجد انه

لم يحدث تفاعل ف الانبوبة الاولي

10-1

ولا ف الانبوبة الخامسه

10-5

 

Comment

 

 

1)      in case of low amount of Ab and high amount of Ag

*compatibility occur first

*small aggregation formed

*invisible ppt –à i.e : invisible reaction

 

 

 

2)      in case of high amount of Ab & low amount of Ag.

*compatibility occur first.

*small aggregates formed as there are free Ab

*invisible ppt –à i.e : invisible reaction.

 

 

3)      in zone phenomenon

8 Ab with 4 Ag

no. of receptors = no of Ab

*compatibility occur

* then binding giving scattering or lattice form

* large aggregates formed

*visible ppt ——à i.e  visible reaction

 

بس خلاااااص…كوفايه

 

اذا عرف السبب بطل العجب..

 

.انتظرونااااااااااااااااااااااااااااااا…

 

ومتعة الاثارة والتشويق..

 

المايسترو عبدالله

بيولوجي مان

الحلقة 4.من مسلسنا “تفاعلات الدم”

ونكمل حلقات مسلسنا.

serological reactions

تفاعلات الدم

 

بدانا ف الحلقه الثاله وتكلمنا عن الدم..ومكوناته…

وعرفنا بعض الحقائق وكذلك وظائف الدم وسالنا سؤال وقلنا

pH of blood is slightly basic. Why?

 

وتلقيت اجابه فقط من الدكتورة اسماء سلامة..جزاها الله كل خيرا..وكانت اجابتها كالتالي..

 

If the pH of your blood falls below 7.35, the result is a condition called acidosis, a state that leads to central nervous system depression. Severe acidosis – where blood pH falls below 7.00 – can lead to a coma and even death.

 

وفيما معناه…ان لو كانت

pH

للدم حامضيه كانت سببت مشاكل للجهاز العصبي المركزي وممكن تؤدي الي غيبوبة ولا قدر الله الي حدوث وفاة

ودا من كرم ربنا علينا..ورحمته

..ود/روضة الجنه عشان ما تزعلش وتقول ان فيه وسائط…هي محددتش وسائط ميديا ولا جريدة الوسيط….تركت الباب مفتوح للاختيار…

 

وهي دي الدوقروماطيه..وقالت ان الدم ممكن يكون ايزوتونيك وان الوسط الحمضي مناسب لنمو الفايروسات والبكتيريا…

 

وزي ما انتوا عارفين ان البكتيريا  محبه للمحتوي المائي..وبتموت فيه…ومن كرم ربنا علينا انه جعل الوسط قاعدي قليلا..

 

وزي ما احنا عارفين ان الامعاء بتحتوي ع بكتيريا نطلق عليها

 

normal flora

 

..فهي تساعد ف عملية الهضم…ولكن تكون شرسه عندما توجد بكتيريا اخري غريبه يحدث معركة…وتلاقي الواحد حاسس بمغص وتلبك معوي..هم نازلين ف بعض ضرب  وفيه طحن جوه واحنا نتشال ونتهبد ف الارضيه..بس نستاهل ما هو احنا اللي سمحنا لهم بكده…

 

وكنت منتظر من الجميع ان يشارك بالاجابه

ولكن فيه اللي قرا الموضوع وعجبه طريقة الكلام…

وعمل لايك عشان يرفع من روحي المعنوية

يعني زي اللي اااداك رنه او  مسدايه ع السريع…

lord of the rings….ملك الرنات

وفيه اللي قرا والسلام وفيه اللي عمل لايك وكومنت..عشان يديلي

Support…

والله جزاكم الله خيرا..

واحب اضيف الي اجابة الدكتورة اسماء…الاجابه التاليه

وعليكم بالترجمه

*(Blood pH is regulated to stay within the narrow range of 7.35 to 7.45, making it slightly alkaline. Blood that has a pH below 7.35 is too acidic, whereas blood pH above 7.45 is too alkaline. Blood pH, partial pressure of oxygen (pO2), partial pressure of carbon dioxide (pCO2), and HCO3 are carefully regulated by a number of homeostatic mechanisms, which exert their influence principally through the respiratory system and the urinary system in order to control the acid-base balance and respiration. An Arterial blood gas will measure these. Plasma also circulates hormones transmitting their messages to various tissues. The list of normal reference ranges for various blood electrolytes is extensive.

 

also;

Bones are especially affected by blood pH as they tend to be used as a mineral source for pH buffering. Consuming a high ratio of animal protein to vegetable protein is implicated in bone loss in women).

وايضا

*(Enzymes are substances that speed up chemical reactions in the body. Most enzymes have a specific pH range in which they function best. Most enzymes in blood must be working best at an alkaline reaction. Thus, the body maintains an alkaline pH.

ومحدش كلف خاطره وبحث ودور ف دودل..

اوك….نكمل موضوعنا..

 

بصولي بقي…محدش يبص يمين ولا شمال..

.بصوا ع السنبورة..وشايفك ياللي بتتكلم

 

مكونات الدم

يعتبر الدم

connective tissue

فهويتكون من

1/البلازما…سائل رائق اللون

2/العناصر المكونة للدم الي جانب الصفائح الدموية

س/سؤال..ماهي العناصر المكونة للدم دي؟

اقولك

1/كرات الدم الحمراء  RBCs

2/كرات الدم البيضاء…WBCs

3/ الصفائح الدموية

نبذه عالسريع عقبال لما اشوف الشاي بالقرنفلي زي ما قال الاصمعي

 

كرات الدم البيضاء*

WBCs or Leukocytes

تنقسم الي

1/ granulocytes

ولها تلات بنات شربتات

واسمائهم كالاتي…

neutrophils,

eosinophils

and

basophils

 

2/ agranulocytes

ولها بنتين حلوين قمامييير

اسمهم

lymphocytes and

monocytes

 

*يتم فصل مكونات الدم عن طريق طريقة تدويخ العينه وخليها تجيب اللي ف جعبتها

اسمها ايه؟ شاطرين.

.centrifugation..

ويتم الفصل ع أي اساس

ها..حد يعرف؟…سامع واحد بيقولي بصوت واطي منخفض عن طريق الكثافه

density

اقوله ممتاز..

 

ازاي تسحب عينه دم

*تقوم واخد طرف الجلابية..علميا يسمي بالطو لونه ابيض ده عارفينه..وتمسكها باسنانك

 

وبعدين تمسك ذراع المريض..المجني عليه… ومتبت فيها اوعي تسيبها دا مصدقنا مسكناها

*..

 

*وتربطها بحبل يسمي  علميا تورنكيه

tourniquet

 

*وتلبس جورب ف ايدك…اسمه العلمي ..جوانتي

gloves

 

*وتقوم جايب قطعة قماش علميا تسمي قطنة طبية

تكون مبلولة كحول 90% او 80%

اللي موجود مش ازمة يعني..عشان تمسح بها المكان اللي هتسحب منه

قال يعني للتعقيم وبيقولوا تخدير موضعي وكلام كتير…والذي منه

 

*وبعدين تقوم جايب خرطوم السحب .علميا يقصد به السرنجه او سن الفراشه…وحاجات كتيير…بص فكك أي حاجه بتسحب والسلام..

 

وتقوم ماسكها بايدك اليمين بعد ان تستشعر الوريد..سواء خفي او ظاهر..واديله الحقنه بسرعه…*

محدش ينسي ويقوم يدخل السرنجه بالغطا…لتعرونا وتسوءوا سمعتنا بين الاوساط الرياضيه..مش ناقصين كلام..

انزع غطا السرنجة ومحدش يضعه ف فمه..

مش مصاصه…بطلوا العادة السيئة دي انتوا كبرتوا

 

*تقوم تنزعه بايدك الشمال وتفضل ماسكه اوعي ترميه..وبعدين تمسك القطنه ف ايدك الشمال..وتغرز السن بتاع الابره باتجاه الوريد بميل او بزاوية 45 درجة..وتقوم تسحب عينة الدم…حسب المطلوب منك واللازم لاجراء التحاليل..

 

وتضع عينة الدم ف الانبوبة التي تحتوي ع مادة التجلط او لا تحتوي

..

*وتكتب عليها بيانات المريض…اسمه وسنه واسم التحليل ولو حبيت عنوان المريضة..لو كانت امورة كده..

..

*وشوف لو فيه توصيات من المريض زي مثلا يقولك…اتوصي شوية بالتحليل…ع اساس اننا بنشتري فول وطعمية…اسمع وانت ساكت وقول حاتر…

 

ركزوا معايا

بالنسبه للمريض اللي جاي ويقولك انا عاوز اتصور…يعني صورة دم كامله..

CBC or CBP

تقوم تسحب عينة دم بمقدار او تقريبا 1 سم دم وتضعها ف انبوبة اختبار تحتوي ع نقطة اديتا او 50 ميكرون من الاديتا

وتخضها كويس…اجعزها يعني…

mix well

 

كده جهزناها للشغل بتاعنا…طب هنعمل ايه

هنجهزها..للعد سواء عد كرات الدم البيضاء

او كرات الدم الحمراء

او الصفائح

وتعمل منها هيموجلوبين..تشوف الانيميا …

 

وتعمل الهيماتوكريت وذلك بوضع عينة الدم ف انبوبة الهيماتوكريت المدرجة..وتعمل تدويخ يعني سنترفيوج للعينه وتشوف الرقم اللي عنده ترسبت كرات الدم الحمراء…

 

وتعمل فيلم الدم …

differential

 

تقوم جايب…يعني هتفضل قاعد لازما تتحرك..

تجيب شريحه عادية زجاجيه دي عارفينها وبعدين.تضع بالقرب من طرفها نقطة دم..وبعدين تاتي بشريحه اخري او كفر

cover

بتاع الشريحه

,

وتقوم وضعه ليس ع نقطة الدم..بل ملامسا لها من جهة الجزء الفارغ او الطويل او الباقي من الشريحة*

 

*وبعدين اول ما تضع الكفر او الشريحه الاخري وذلك بميل ايضا وتفضل ماسكها بايدك وتسحبها للخلف قليلا بحيث ان تنتشر نقطة الدم بخلف الشريحه

 

ثم بخفه ورشاقه وحركة جميله منك اكده..تسحبها للامام مباشرة ..*

وتضعها تجف قليلا ثم تغمرها بصبغة ليشمان..وتصعها تتصبغ قليلا …

ولو حبيت تضع نقطة

cider oil..

 

ماشي زي ما تحب لو محبيتش اوك…روح بقي ضعها تحت الميكروسكوب وابدا التميييز ..والعد لانواع واشكال كرات الدم..

 

كل ده لو مكنش عندك جهاز لصورة الدم اوتوماتيك

ده احنا بنتعذب تعذيب…

 

لما بنعمل تدويخ لعينة الدم او سنترفيوج…الدم بينفصل الي

1/ بلازما وتمثل 55% ولانها اقل ف الكثافه فانها تظهر اعلي العينه ويليها..

2/كرات الدم البيضاء وتمثل تقريبا نسبة حوالي 5% ثم

 

3/ كرات الدم الحمراء والتي تكون الاعلي ف الكثافة ولذلك نجدها ف قاع الانبوبة..,وتمثل 45%..وهذه النسبه تمثل الهيماتوكريت…

 

الفرق بين السيرم والبلازما؟

السيرم ناتج من عملية السنترفيوج ف عدم وجود مانع تجلط

البلازما ..تنتج ف وجود مانع التجلط

 

وكوفايه عليكم بكده انهارده لاننا طولنا حبيتين…

وسؤال الحلقه..

س1/ هل تعتبر الصفائح الدموية..خلايا..؟

س2/ما هو التاثيرات  الغير مرغوبه فيها التي قد تسببه الاديتا ع عينة الدم وذلك ع حسب وجهة نظرك؟

س3/ما هو رائك…اكمل بنفس طريقة الشرح ام اغيرها…؟

 

ولكم مني جزيل الشكر

Regards;

A.N_________Abdulla7 Nageib

الحلقة 5 من مسلسل تفاعلات الدم

انتباه

attention plz

ايها الاخوة الاعضاء

هابدا مقالي اليوم..

ع غير العادة ب

 

إِذَا أَهُمــك أُمِر غَيــرّك، فــأَعْلــــم بِأَنــك ذُو طِبــع أُصِّيــــل

 

وَإِذَا رَأَيــت فِي غِيــرّك جَمــــالَا ، فَاعِلــم بِأَن دَاخِلَك جَمِيــــل

 

وَإِذَا حــافِظــت عَلــى الْأَخــــوَّة،فَأُعِلــم بِأَن لَك عَلــى مَنَابــــر الَنــوَر زُمّيــــل

 

وَإِذَا رَاعِيــــت مَعــرُوْف غَيــــرّك ، فَأُعِلــــــم بِأَنــــك لُلـــوَفــاء خِلِّيــــــل

من القائل..ها ..حد يعرف؟

انه الشيخ الشعراوي رحمه الله..

 

فالإحسان هو أن تصون وجه السائل من ماء المذلة.

. إبراهيم طوقان

 

والله الناس دي بتتكلم كلام زي الفل..فلابد من حفظ ماء الوجه للطرف الاخر

 

الظاهر ان الناس دي كانت بتعاني من فاتورة المياه وتدعو الي الاقتصاد وان المشكله دي من قديم الازل يعني من الساعه 7 الصبح اول ما صحيت من النوم ومالقيتش الفطور ..قمت متغدي وامري لله وضحيت بالعشا من اجل الاخرين..

 

ف الحلقه السابقه من مسلسل تفاعلات الدم

تكلمنا عن عينة الدم..وازاي تسحب عينه..وخطوات بالتفصيل..الموضوع عايز جرأة…نظرة ثاقبه. ..وتضحية..

 

 

وقلنا لما نفصل عينة الدم ايه اللي بينتج ونسبته اد ايه..صح ولا لااا؟

سامع واحد بيقول لااا..؟

هارد عليه واقوله…اطلع بره يا………….؟

هنا مافيش مجال للمعارضه…

.انا رجل دوقروماطي…وبتيح حرية الرأي والتعبير والانشاء للاخرين..

.

.ورد الفضل ياصاحب الفضل

 

قلت لما بنفصل عينة الدم…قصدي بندوخها…بتخرج لنا ما ف جعبتها ..وبتعطي

لون احمر مترسب ف قاع الانبوبة يسمي كرات الدم الحمراء ودي نسبتها لا تتعدي

42 % ل 45 %

ودي ايضا تمثل نسبة الهيماتوكريت….

 

فوقه مباشرة طبقة لا تتعدي 5 ل 8 % وهي كريات الدم البيضاء اللي بتشتغل بودي جارد بتحمينا من الاعداء

ثم تاتي الي السيرم او البلازما حسب وجود زي ما قلنا مادة مانع التجلط لو فيه مانع تجلط يبقي الناتج بلازما ولو مافيش يبقي سيرم…ودي بتمثل باقي النسبه حوالي 55 %…تقريبا…

حد ف يوم من الايام استفاد من المعلومة دي..ولا عدت عليكوا مرور الكرام لو حد استفاد منها بشئ ياريت يقولنا…؟

 

 ,وسالنا سؤال وقلنا..

هل تعتبر الصفائح الدموية ..خلاايا؟

 

د/ أمين وقال

“اذا كان ع الصفايح دى مفهاش انويه زى كرات الدم البيضا ف دمك.”

 

وردت د/رشا..وقالت

“بيقولك الصفائح الدموية مش خلايا انما هى اجزاء مفلطحة من السيتوبلازم وشكلها غير منتظم ولا تحتوى على نواة او عضيات”

 

مش عارف مين صراحة المقصود ب “بيقولك”

بس اكيد ناس كويسين..عاوزين مصلحتي..اشكرهم جمعاااء..

 

ورد د/احمد حسين وقال..

“الصفايح ليست خلاية وكذلك ال

rbcs

عشان مفيهاش نواه”

 

ورد د/مهند وقال..

“الخلايا هى التى يوجد بيها نواه

والصفائح المويه لا توجد بيها انويه اذا فهيا ليست خليه

 

اجابات اكثر من ممتازة..

اختلفت طريقة الردود لكن كلها ادت لنفس الغرض..

وكل الطووووق تؤدي الي وووما””

 

جميل اوي..التفاعل ده..واشكرهم جمعااااااء…جمعااااء

 

طب ما هي موانع التجلط دي..

.

هي مواد كيميائية تضاف الي عينة الدم لجعلها ف صورتها الطبيعيه تقريبا الصورة السائلة..

وبالتالي افضل مانع تجلط هيبقي…هو اللي يمنع التجلط وف نفس الوقت لا يسبب ضرر للخلايا.يبقي اقل ضررا ع الخلايا…

وطبعا بتختلف موانع التجلط من تحليل لاخر…حسب المطلوب..

 

س سؤال رفيع لانه مش بياكل كتيير…

ما هي انواع موانع التجلط دي؟

 

ارد عليه واقول…اتغذي كويس…صحتك بالدنيا.

 

موانع التجلط هي..

1-EDTA(ethylene si amine –tetra acetic acid)

2/Heparein

3/Ammonium and Potassium oxalate mixture

4/Sodium citrate

5/Sodium floride (NAF) and potassium oxalate mixture

 

هتكلم عن الاديتا

EDTA

 

الاديتا هم 3 توائم

1/Na2EDTA(disodium)  ……..dry form

2/K2EDTA(dipotassium)…….dry form

3/K3EDTA(tripotassium)……liquid form

 

tripotassium EDTA

بتسبب تخفيف للعينه وايضا بتسبب مشاكل ف حجم كريات الدم الحمراء عند التركيزات العاليه منها..ولذلك يستخدم

dipotassium EDTA

 

فالاديتا تقوم بازالة الكالسيوم من الدم من اجل عدم تجلط الدم…ولذلك هي من افضل موانع التجلط المعروفه..

 

وكنت سألت سؤال حلزوني وقلت..

ما هي التاثيرات  الغير مرغوبه فيها التي قد تسببه الاديتا ع عينة الدم وذلك ع حسب وجهة نظرك؟

وكان الرد كالتالي

 

د/أمين

“عيوب الايديتا

ف بعض الحالات هتلاقى ان الصفايح الدمويه مع خلايا النيتروفيل وممكن تلخبطك…

وكمان بيقولو بس انا مشفتش بصراحه انها ممكن تخلى خيوط ف العينه ع الشريحه وهى خيوط الفيبرينوجين

وكمان لازم فرد الفيلم يتم ف موعد اقصاه تلات ساعات لان الخلايا شكلها بيتغير .

ده من وجهة نظرى يا عبدو”

 

د/احمد حسين

“الاديتا لو زادت كميتها بتاثر على النتايج”

 

د/مهند

“ماده الاديتا بتاثر فى فرد الفلم مش بتخلى الفلم مفرود كويس يعنى تلاى الفرد فيه حته فى وسط الفلم كده فارغه او فى الجمب فارغه والافضل انك لما تسحب عينه الدم تفردلها فلم من الاول ومش هتخصر حاجه يعنى على ما الفم ينشف انت هتكون خلصت العد والهيموجلوبين ولو محتاجه اصبغه مش محتاجه خلاص مفيش مشكله”

 

وللاجابه ع هذا السؤال..لابد ان نتعرض لعيوب الاديتا وهي

 

  • Disadvantages:
    • 1) Excessive concentrations of EDTA will cause shrinkage of RBC’s and erroneous PCV, MCV and MCHC results. Thus, it is important to fill vacutainer tubes with the required quantity of blood. Hemoglobin concentration is not affectedالاديتا بذلك هتغير المحتوي المائي لكرات الدم الحمراء…وبالتالي هتغيرلي ف النتائج
    • 2) Despite the suitability of EDTA, after several hours bovine lymphocytes may develop vacuoles and tend to resemble monocytes; also, not all the vacuoles in the monocytes may be genuine.

ولذلك فيلم الدم لابد ان يتم ف زمن قدره 2 ل 3ساعات.

    • 3) EDTA interferes with blood chemistry tests as follows:
      • a) falsely decreases alkaline phosphatase by binding Mg++.
      • b) decreases the C02 combining power of blood.
      • c) interferes with Jaffe reaction for creatinine test.
      • d) alters Na+, K+ and Ca++ concentrations in plasma.

الاجابه بتاعتي هي..

 

بالنسبه لكرات الدم الحمراء سنجد ان الاديتا سوف تؤثر ع شكلها وع محتواها المائي وتؤثر ايضا ع اغشيتها.ولذلك فيلم الدم يجب ان يتم ف زمن قدره 2- 3 ساعات.ولذلك يجب ان نراعي كمية الاديتا المضافه الي عينة الدم وايضا..نقوم بقلب العينه اكثر من مرة لحدوث الميكس الجيد للعينه بالاديتا..

 

Effect of EDTA on Red Blood Cells (RBCs):

 

High quality blood smears can be made from the EDTA tube as long as they are made within 2-3 hours

In high concentrations, EDTA causes red cells to shrink because of hypertonicity of the plasma with increased ionic concentration and may create artifacts that make RBC morphology difficult to interpret. An excess of EDTA affects both erythrocytes and leukocytes, causing membrane damage.

 

بالنسبه لتأثير الاديتا ع الصفائح الدموية

هو لازما صفائح..افرض مافيش ..ايه ظروفكم مع الورق…يمشي ولا لااا…

طويب

 

سنجد ان الاديتا من الاساس..ستحد من نشاط الصفائح الدموية وذلك من خلال انها تمنع اتصالها بجدار انبوبة العينه..وذلك عن طريق انها تزيل الكالسيوم اللي بسرع من حدوث عملية التجلط

….

عدم الميكس الجيد للعينة بالاديتا او التاخر ف عملية الميكس يؤدي الي تكوين خيوط الفيبرينوجين..وتجلط الدم..

 

الطريقه الغير جيده ف الحصول ع العينه ممكن تؤدي الي تكوين عوامل التجلط وتقلل من عدد الصفائح الدموية.

 

ممكن تتجلط العينه ف وجود الاديتا بسبب ان كمية الاديتا كانت غير كافيه..او ان ذوبان الاديتا بالعينه غير جيد ودا بتحدث غالبا ف

disodiumEDTA

 

note…=take care..= attention ..= خد بالك

 

يجب ان نراعي انه..ممكن تتجلط العينه نظرا لظروف الحالة المرضيه او نظرا للتكنيك ف ميكس العينه بالاديتا…يعني ممكن يحدث للصفائح انها تتجمع ف وجود الاديتا..

هتقولي ازاي وانا اقولك…

 

بص ياسيدي..بص قدامك ع طول…عينك ماتزوغش كده ولا كده…

واللي بيتكلم يبطل كلام..هدوء من فضلكم

..

1/ممكن يحدث تجمع للصفائح الدمويه حول كرات الدم البيضاء ف شكل طوق او حلقه الحاله دي يطلق عليها

“platelet satellitism”

نظرا لعدم الميكس الجيد للعينه وبالتالي هيقل عدد الصفائح الدموية

 

2/ممكن.يحدث تجلط للعينه ونجد ان الصفائح الدمويه تجمعت حول بعضها..ودي بتبقي نتيجة وجود

antibodies

عند المريض والتي تربتط مع الصفائح الدموية وبالتالي..ف وجود الاديتا نجد ان الانتي بادي..يتنشط ويرتبط مع الصفائح الدموية..

ويطلق ع هذه الحالةPseudothrombocytopenia

 

ايضا يدخل عامل الحرارة ف هذا الحدث ..يعني لو عينة الدم تركناها ف جو تقل درجة حرارته عن 37 درجة س.او ف درجات حرارة منخفضه ..نجد تجمعات للصفائح الدمويه

واثناء العد ..هينخفض عدد الصفائح الدموية

 

طب واحد بقي من محبي الاسئله اللي ما فهمش الحالتين دول هيقولي …

 

طب ازاي نفرق بين الحالتين السابقتين؟

 

اقوله…انت كنت نايم..وصباح الخير…ونوم العوافي…اقوم خدلك شاور او اشطف وشك بشوية ميه..وولع ع الشاي بالقرنفلي زي ما قال الاصمعي.. واعمل واحد بالنعناع للد/رشا..

الاجابه كالتالي بسيطة جدن…قولوها انتوا بقي لما اشوف كنتوا نايمين زي صاحبنا ده وتقوموا تساعدوه ف عمايل الشاي ..ولا واخدين بالكو ومركزين

 

طب نشوف بقي..تاثير الاديتا ع كريات الدم البيضاء

 

سنجد ان عدد كريات الدم البيضاء يفضل ثابت ف العينه ف حالة وجود الاديتا..حتي لو حفظنا العينه لمدة 3 ايام  ع الاقل ف درجة حرارة الغرفة

تأثير الاديتا الغير مرغوب بقي…انها بتاثرلي ع خلايا

Neutrophills and Monocytes

اكتر خليتين حساسيه ل الاديتا

 

حيث يتحوصلوا

vacuolization

وبتزيد من ساعه ل 4 ساعات ف

Monocytes

اما nuetropgills

فتحدث خلال 3ساعات ل 4 ساعات

بس كده..انتهينا خلاااااص…

 

ماتنسوش السؤال اللي ف الصفائح الدمويه..ولا تقوموا تعملوا الشاي..

وياريت لو تشاركونا بتجربه او موقف حدث لكم واستفدتوا من معلومة نسبة خلايا الدم الحمراءوالبيضاء والصفائح..بعد عملية السنترفيوج

وف النهايه..

 

اخر سؤال كان ف الحلقه السابقه…هل استمر ف الشرح بهذه الطريقه ام لااا؟

وكانت الردود تصب ف مصلحة مواصلة الدرب ماعدا شبه اعتراض

وزي ماقلت مسبقا

 

الاختلاف ف الرأي لا يفسد صينية البط

وزي ما عرفنا ان الحاج عكاشه زي ما قالتلنا د/ رشا.. بيموت ف البط ولا يهمه اذا كان معمول ف الفرن ولا مسلوق..

 

ورد الينا نبأ عاجل ..

“ان الحاج عكاشه عنده زوغطة..وجاتله شنقه…ما احنا جايبين ف سيرته

وربنا يرحمه..كان بيحب البط اوي

 

بس خلاااص…اكده

كان معكم..

عبدالله نجيب

الحلقه رقم 6 من مسلسل تفاعلات الدم

 

 

هدووووووووووووووووووء من فضلكو

طبعا كلنا لامسنا التغيير اللي طالبنا به حيث

1/تم تغيير الساعه

2/تم تغيير ارقام الموبايلات

 

3/تم تغيير ترددات القنوات

وتتواصل الانجازات…الحمدلله

نبدا جلستنا الموقرة بتكملة لموضوع حلقتنا السابقه عن موانع التجلط المستخدمه لعينات الدم

 

وعرفنا وتكلمنا عن حبيبتنا..الاديتا

انهارده بقي عشان مايحصلش غيره من باقي موانع المتجلط ويحصل اعتصامات فئوية

هنكمل موضوعنا

 

قبل ما ابدا عاوز اضيف شيئا عن الاديتا

ان الاديتا لا تستخدم ف عزل الفيروسات بالنسبه ل زراعة الانسجة والخلايا ليه بقي ؟ اقولك لانها بتكون طبقة جيلاتينيه لما تضاف للميديا الخاصه بزراعة الانسجة والخلايا وبالتالي هتأثرلي ع شكل الخلايا

 

هل يجب ان نضيف مانع تجلط لعينة الدم يعني لازم؟

اقولك ..مش شرط الا ف حالة الضرورة

 

كنت سألت وقلت ازاي اقدر افرق بين الحالتين الخاصتين بتأثير الاديتا ع الصفائح الدموية؟

وف النقطة دي قلت ان يجب ان نفرق بين الحالتين دول

1/الحالة الاولي:ان يحدث تجمع للصفائح الدموية  حول كريات الدم البيضاء وسميناها

“platelet satellitism”

نتيجة لعدم الميكس الجيد للعنية بالاديتا

 

2/الحالة التانيه: ان يحدث تجمع للصفائح الدموية حول بعضها البعض  نتيجة لتكوين جسم المريض لنوع من الانتي بادي الذي بدوره يتحد مع الاديتا ويحدث تجلط للعينه وقد تحدث ايضا ف درجات الحرارة المنخفضه وبالتالي هتأثرلي ع عدد الصفائح الدموية وسميناها باسم

“Psuedothrombocytopenia”

 

ولكي نفرق بينهما وذلك من خلال عمل فيلم الدم زي ما قال د/مهند مشكورا

وكما وضح د/وائل حسن ظاهرة

Psuedothrombocytopenia”

 

مشكورا ايضا…هذه الظاهرة تسمي ايضا باسم

Idiopathic thrombocytopenic purpura (ITP)

او immune thrombocytopenic purpura

 

ممكن تصيب الاطفال والبالغين لكن ف الاطفال تحدث لوجود عدوي فيروسي وتنتهي حتي بدون علاج اما ف البالغين فقد تكون مزمنة

وعرضها المميز انها بتكون بقع حمراء مزرقة اللون ع الاطراف وخصوصا الارجل

 

الي جانب عدم توقف النزف عند الجروح او من الانف وخلافه…اوك

وبالتالي نجد ان اعراضها متداخله مع اعراض امراض اخري ولذلك قد يطلب بعض الاطباء عد صفائح دموية مع فيلم دم

شكرا ع الاضافة العظيمة دي استاذ سرحان

 

let’s go ..

نتكمل موضوعنا

تاني مانع تجلط هو

 2/Heparein

 

مانع تجلط طبيعي موجود ف جسم الانسان وخصوصا الكبد ومنه كانت التسميه

فكلمة

hepar (In Greek)= liver (in English)

;مش حارمكو من ايتها حاجه…انتوا تؤمروا…

 

هل هو موجود ف الكبد فقط اونلي ؟…نوووووووو والف نووووووووو

موجود ايضا ف

Basophiles

Mast cells

 

هل له اسماء اخري ؟ يس زي

antithromboplastin

or antithrombin

 

موجود ف حالتين

صورة سائلة وصورة صلبه مثل

sodium, calcium, ammonium and lithium salts

وطبعن كل منهم بيتفاعل مع ايونات البلازما

حولو اوي..ننتاز ددن

 

مهامه الوظيفية ايه؟

It interferes with the formation and/or activity of thrombin and the activity of clotting factors IX, X, XI, XII.

 

بيستخدم مع أي تحليل؟ اقولك

blood pH

blood gas analysis for acid-base balance

وممكن مع

special trace element studies and some cytology

 

عيوبه  Disadvantages:

1/ يسبب تجمع لكريات الدم البضاء ويتداخل مع صبغات فيلم الدم يعني ممكن نستخدمه ف عينة الانيميا لكن ف حالة العد او فيلم الدم نوووووووووووووو وسوتماشر نوووووووووووووووو

2/ غالي اوي سعره مرتفع ددن…ده مانع تجلط طبيعي

3/ عينة الدم تتجلط ف خلال 8 -12 ساعه

 

ليز؟

اقولك كرانشي انه بيأخرلي التجلط ومش بيمنعه

 

وبالتالي لا يستخدم مع

agglutination tests,

coagulation studies (prothrombin time tests)

or plasma fibrinogen determination

 

هنا بقي عاوز اسال سؤال حلزوني ..علل

ما هي ألية عمل مادة الهيبارين؟

منتظر اجاباتكم….ومحدش يزوغ ..

 

4/ بيتداخل مع

some automated biochemical analyses of plasma.

 

وننتقل بالكيبورد للمادة التالته من موانع التجلط الا وهي

3 /Ammonium and Potassium oxalate mixture

 

الخليط ده بنسبة كام ؟

بنسبة

(3:2) زي ما قال هيلر و بول

كان موجود اوكسالات الصوديوم لكن محصلش نصيب ومعدتش بيستخدم

 

وظيفته ايه؟ بيكلبش = بيرتبط = بيتحد مع الكالسيوم ويحوله لصورة اوكسالات كالسيوم غير ذائبة

 

هل ممكن نستخدم كل ملح كمانع تجلط ع حده؟ اكولك

يس …جلاكسي..ايه المانع

 

Potassium oxalate alone is valid for immediate glucose determinations. Ammonium oxalate is used as a diluent in some methods for manually counting WBCs and platelets.

 

لكن للاسف الحولو ما يكملش

اوكسالات البوتاسيوم بتسبب لكريات الدم الحمراء انها

Shrink

اما املاح الامونيوم بتسبب لكريات الدم الحمراء انها

Swell

الخليط من الاملاح دي بيقلل حدوث ذلك خلال الساعه الاولي من سحب الدم

 

الاستخدام

يستخدم ف

hematological sedimentation studies.

 

عيوبه Disadvantages:

1/ لا يمنع تجمع الصفائح الدموية بكفاءه زي الاديتا

2/سام …خطر يعني…زي الاستاذ غسان مطر

ولذلك لا يستخدم ف عمليات نقل الدم..الا مع الحبايب اونلي

3/ لا يستخدم ف تعييين

levels of plasma potassium

alkaline phosphatase

amylase

LDH

uric acid

urea or nitrogenلانه هنا بيتداخل بطريقة ما  ف تحويل اليوريا الي امونيا

لكن

Potassium oxalate

لوحده ممكن يستخدم ف

plasma urea (BUN)

لكن بتركيز

2 mg/ml of blood

 

Lithium oxalate, but not ammonium oxalate

ممكن ايضا يستخدم ف تعيين اليوريا

 

3/ فحوصات الدم ف وجود هذا الخليط

لابد ان تتم خلال ساعه من تجميع العينه بسبب حدوث تشوهات للخلايا بعد ذلك

 

ونكتفي بهذا القدر

 

ولا تنسوا سؤال الحلقه عن ألية عمل مادة الهيبارين؟

وشوكرن جزيلا…

كان معكم محدثكم من امام الميكروفون

عبدالله نجيب

%d مدونون معجبون بهذه: