السلام عليكم ورحمة الله وبركاته

انا والله العظيم حزين على بيحصل ف النقابة يعنى بعد ما قلنا خلاص الحال هيبدأ يتعدل مال حسبى الله ونعم الوكيل

.

الموضوع بدأ يقلب على صراع على مناصب يا جماعه بصو على انتخابات نقابة الاطباء بغض النظر عن مين اللى فاز فيها بس لم يشوبها اى من الــ….  عموما بلاش كلام كبير وخلينا نتكلم ف التحاليل

.

المهم جروب دبلومة الميكروبيولوجى 2011  بدأ يشتغل وشكله كده هيبقى عليه حاجات حصريه

https://www.facebook.com/groups/253215588056537/

 

.

النهرده هنتكلم ف المعلومه السريعه عن تحليلين :

لسه قبل ما اجى حالا ف المعمل  دخل مريض باوروشته مكتوبين فيها وسألنى التحليلين دول بتوع ايه ؟؟

وهما الــ  ASCA   &   pANCA

.

اولا لازم نتكلم عن مرض ال التهاب الامعاء

Inflammatory Bowel Disease

وينقسم هذا المرض الى قسمين او نوعين هما :

Ulcerative Colitis  and Crohn’s Disease

.

أعراضهم جميعا عبارة عن اسهال ومغص حاد والاالام  ف البطن ويتم التشخيص المعملى لهم بــ  ASCA   &   pANCA

.

ولكن ماالفرق بين كلا من الـــ  ASCA   &   pANCA

.

اولا : الـــ  ASCA

اختصار لــAnti-Saccharomyces Cerevisiae Ab

وهو عبارة عن اجسام مضاده تتفاعل مع الــyeast  الموجوده ف طعام المريض

ويوجد ف 60 %  من مرضى الــ Crohn’s Disease

.

ثانيا : الـــ  pANCA

اختصار لــPerinuclear Anti-Neutrophilic Cytoplasmic Ab

وهو عباره عن اجسام مضاده للسيتوبلازم الموجود ف الـ Neutrophils

ويوجد ف 70 % من مرضى الــ Ulcerative Colitis

.

ويستخدمو الاثنين معا لمتابعة العلاج والتحسن من المرض

.

انا عارف ان الاداء قل خالص بس سامحونى والله غصب عنى تعب ف الشغل وتعب من اللى بيحصل دا غير انى لحد دلوقتى حتى مرحتش اشوف الدبلومه ….. وعجبى

.

قريبا ان شاء الله حلقه هى الاشهر ع الاطلاق من خد تحليلك وباقى الحلقات الحصريه من المختصر المفيد وغيرها فقط على جروب تحاليل طبية وجروب دبلومة الميكروبيولوجى 2011

.

منتظر التشجيع

.

السلام عليكم ورحمة الله وبركاته

السلام عليكم ورحمة الله وبركاته

.

.

من الان وصاعدا سنتحدث بصبغة المسئول … من غير شعر ولا ضحك ولا هزار وعرض وطول….هنتكلم وناقش ونجادل ونفهم ونستمع لمن ينادى ويقول…هنشترك ف النقابه هنصوت على الصالح والنافع والمعقول … اصل لكل شىء اصل وضايع وهالك اللى ملوش ف الاصول … واهو اى كلام فاضى معقول .

.

.

بعد نجاح الحلقة التامنه من سلسلة حلقات خد تحليلك بنقول  لــ   إمــــو :  ” جو اون مان وربنا يزيدك ”

وبعد الشكر والعرفان  ف العلن وف  الكتمان للادمن بتوع الجروب اللى خاضو على انشاءها حروب والحمد لله اصبحت من اكثر الجروبات ف التحاليل انتشارا وابهرت بما لديها من مواهب الناس ابهارا وف التحاليل الطبيه ابحرت ابحارا … اذدهارا .. جهارا … نهارا … بلحا ورمانا … وهنهيص …!!

.

.

النهرده هنقول معلومة ع السريع :

.

الالتهاب الكبدى ” أ ” Hepatitis A

1. فترة الحضانه :

تتراوح من 2-6 اسابيع

2. الاعراض :

كاعراض الاصابة بنزلات البرد بالضبط خاصة بين طلبة المدارس والاماكن التى لا تطبق قواعد الصحه السليمه

3. نقل العدوى :

ينتقل الفيروس عن طريق البراز الى فم الشخص السليم من خلال الطعام الملوث او الشرب او الملابس وممكن كمان الذباب ينقله من البراز الى الطعام وهكذا .

4. التشخيص المعملى :

عن طريق 1. تقدير الاجسام المضاده اللى هما IgG   &  IgM

2. قياس انزيمات الكبد S.GPT  &  S.GOT

بس تعالو هنا افهمو الاول اللعبه :

ما الفرق بين كلا مما يلى :

HAV total  &  HAV IgG   &  HAV  IgM

.

.

1.  HAV total

ده بيقيس الاجسام المضاده كلها اذن لا يفرق بين الاصابه والمناعه

2.  HAV IgG

ده بقى بيقيس المناعه للمرض ف الجسم وقد تستمر ايجابية لمدة 6  اسابيع  الى 6  اشهر

3.    HAV  IgM

اما البرنس ده ف بيقيس الاصابه دلوقتى يعنى المضادات المتكونه حديثا للمرض

.

.

يارب اكون افدت واوجزت

.

.

حد بقى يشرحلنا فيروس  G

.

سبحانك يارب

 

.

 

.

 

الفنين عاملين منشورات وبيوزعوها على بعض ف النقابه بمطالب الى حد ما مشروعه

 

.

 

.

 

كل اللى يضايق البند العاشر من البيان او المنشور وده بيقول :

 

حماية المهنه من الدخلاء والمتطفلين

 

ولما تناقش من لا يستحق المناقشه يرد ويقول:

 

انتو بتدرسو كيمياء يعنى تحضرو المحاليل بس ؟؟

 

.

 

.

 

فعلا سبحانك ربى لا اله الا انت لك فى ذلك حكمه لا يعلمها الا انت

 

.

 

لحد امتى بس هتستمر المهزله دى والبلد دى هتفضل ماشيه عكس

 

.

 

حسبنا الله ونعم الوكيل

 

.

 

انا عارف انى غميتكم بكلامى

 

.

 

المهم انا النهرده هقدملكو معلومه سريعه ومهمه

 

.

 

وهى عن فيرس سى

 

.

 

بصى كده وطرطأولى صوابعكو لو جالك حد ف المعمل وبيقولك انا عاوز اطمن عندى فيروس سى ولا نو ؟؟

 

هتعدل كده البالطو وتركز ولو شعرك واقع على عينك زى حالاتى لمه كده وخليك مهندم وبص ف عنيه ديركت وقوله هنبدأ بتحليل

 

HCV-AB

 

وده بيبين اذا كان عندك اجسام مضاده للفيرس ولا لاء؟؟

 

هيدفع الراجل فلوس وتسحبله العينه طبعا بالفاكوتينر لان خلاص زمن السرنجات خلاص انتهى

 

والنتيجه بكره ان شاء الله

 

تانى يوم الراجل جه يستلم التقرير طبعا انت من كتر الناس نسيته جالك وقالك يادكتور انا اللى…..طبعا هياكل دماغك ويحكيلك اللى حصل كله عشان يفكرك طبعا انت كالدكاتره المحترفين هتقاطعه اه ا ه افتكرت امر خير ؟؟

 

هيقولك شوفلى التقرير

 

هتبص ف التقرير هتلاقى للاسف النتيجه ايجابى او ريأكتف

 

.

 

ع طول وش هتبص ف عنيه برضه وتقوله بالحرف ” طاب هو التقرير اللى قدامى بيقول ان حضرتك عندك اجسام مضاده للفيروس.

 

المريض : وده معناه ايه يا دكتور؟؟؟؟؟

 

ده معناه ان ممكن يكون عندنا اجسام مضاده بس والفيرس خامل او لا قدر الله نسبة الفيروس نشطه

 

المريض : طاب وانا اعرف ازاى اذا كان نشط ولا مش نشط

 

هتقوله : لازم نعمل تحليل بى سى ارعشان نعرف نحدد كمية الفيروس

 

المريض : طاب ماشى يادكتور نعمله

 

هتسحبله العينه وبعد كام يوم المشهد هيتكرر ويجيبلك التقرير من الريسيبشن ويجيلك اه يا دكتور طمنى

 

هتلاقى كمية الفيروس عاليه

 

هتقوله بقى واللى فيها تجيبه بس باسلوب لبق كده وبراحه ؟؟؟

 

.

 

.

 

يادكتور عبد الله لو لتكرر معاك الموقف ده قولى هتعرف المريض ازاى ؟؟

 

.

 

.

 

طاب هيبدأ يسالك المريض ممكن اخد علاج يادكتور ولا لاء تقوله اللى هيحدد كده تحليل :

 

HCV-genotype

 

لان هناك سلالات من الفيروس ينفع معاها العلاج وسلالات لاء

 

.

 

طاب لو قلنا ان الراجل الطبيب بتاعه حط له كورس انترفيرون

 

.

 

طبعا لازم يتابع معانا اومال هنكسب ازاى اولا قبل العلاج لازم يتطمن على كلا من :

 

Thyroid Gland and CBC

 

بعد العلاج ب 3 شهور هيعيد المريض تحليل البى سى ار اذا قل العدد عن قبل العلاج بمعدل صفرين نكمل ف العلاج لو لم يقل يوقف العلاج

 

.

 

طاب لو قلنا قل بصفرين يبقى بعد تلات شهور كمان يعمل تحليل اسمه

 

HCV PCR by TMA

 

وده تحليل دقيق قوى بيقيس بداية من 5-10 وحدات للفيروس

 

والنتيجه بتبقى + او سلبى

 

طاب لو اعطى ايجابى نكمل العلاج طاب لو اعطلى سلبى برضه نكمل العلاج

 

.

 

حد يقولى طالما طلع ايجابى اكمل ليه ؟؟؟ هقولك عشان يدعم وظايف الكبد

 

.

 

بعد مرور 6 شهور كمان هنعمل نفس التحليل لو ايجابى كده مفيش فايده بقى وربك هو الشافى اما لو سلبى تانى هستنى 6 شهور واعيد التحليل تانى لو طلع ايجابى اذن ربنا يشفيه لو سلبى اقدر اقول للراجل مبروك وانا واثق من نفسى

 

.

 

واللى مش فاهم يقولى لان انا عارف ان مستوايا نزل اليومين دول لانى بمر بازمه عاطفيه مدمرانى

 

يوووووه

 

اقصد بوعكه صحيه

 

مع تحياتى :

 

د. امين جمال امين

مساء الخير على احلى شباب وشابات الدكاتره منكم والدكتورات

 

.

 

.

 

كلنا بنتعامل مع تحليل

 

.

 

Semen Analysis

 

.

 

لو كانت الاجابه نعم : فأيه بقى هى شروط او احتياطات التحليل واللى يقول حاجه يقول ليه ؟؟

 

.

 

ف نهاية كل تحليل عامله دكتور محترم فى معمل محترم على ميكروسكوب محترم ولمريض مطبق الشروط ومحترم

 

.

 

بنشوف الكومنت فى نهاية التحليل وعشان تفسر الكومنت وتبقى واقف على ارض صلبه لو اتسألت او عشان تكتبه لو انت بتعمل التحليل لازم تركز ف اللى جاى:

 

.

 

1.Hypospermia :

 

ودى معناها ان حجم العينه اقل من الطبيعى اللى هو : من 1-6 مل

 

2.Hyperspermia :

 

وطبعا مش محتاج ان اقول ان دى معناها ان حجم العينه اكبر من الطبيعى

 

3.Oligozoospermia :

 

قله حجم الحيوانات المنويه عن الطبيعى اللى هو ؟؟؟

 

سامع التلميذه الشاطره اللى اسمها روضة الجنه بتقول انه اقل من 20 مليون ف المل

 

4.cryptozoospermia :

 

ف الحاله دى بيكون عدد الحيوانات المنويهاقل من مليون ف المل

 

5.Azoospermia :

 

ودى معناها انه لايوجد اى حيوانات منويه بس الكومنت ده لا يكتب الا بعد فحص تلات عينات متتاليه للمريض… واللى مش فاهم الجزء ده يقوله وانا اشرحه اكتر

 

6.Polyzoospermia :

 

طبعا بيكون فيه زياده كبيره ف الحيوانات المنويه عن 250 مليون ف المل

 

7.Asthenozoospermia :

 

ودى معناها ان الحركه الكليه اقل من %40

 

8. Teratozoospermia :

 

معناها ان نسبة الاشكال المشوهه اكبر من 50 ف الميه

 

9.Necrozoospermia :

 

ودى معناها قلة او عدم وجود حيوانات منويه حيه حتى بعد اختبار ال

 

Sperm Vitality.

 

.

 

تمــــــــــــارين

 

س1 : ماهو وكيف يتم اختبار ال سبيرم فيتاليتى ؟؟؟

 

س2 : يعنى ايه المصطلح ده :

 

Oligo-Astheno-Terato-zoospermia ???

 

.

 

انتظرو المزيد ف سلسلة المختصر المفيد قريبا وحصريا مع الاصلى مش التقليد