داهــــــــــــــــــــــــيـــــــــــــــــــــــــه
……داهـــــــــــــــــــيـــــــةـ …..
تغنى الشاعر نزار قبانى بكليتنا العريقة ( كلية العلوم ) قائلا::::
زيدينى علماً زيدينى ……………ياأصعب أيام سنينى
زيدينى غرقاً فى الاحماض………وفى أبخرة تعمينى
زيدينى تعباً طول اليوم …………لأرى مقبولا يعيينى
من أجلك اعددت ردائى …….البالطو الابيض لوقائى
وبرغم حماية أجزائى ……..أحرقتى جميع فساتينى
زيــــــــــــــديـــــــــــنــــــــــــى
طبعا استحالة يجى فى دماغ حد فيكم انى اقصد كليتنا بكلمة داهية
اطلاقا …أبسولوتلى..
ده يكفينى فخرا ..ان احنا الكلية الوحيدة اللى الدكاترة نزلونا يوم الجمعة عشان مش يلغوا حاجة من المنهج
وده طبعا عشان يشربونا المر ……قصدى.. العلم كاملا
وتأثيرهم واضح جليا فى لغة العلميين واختصارتهم التى تنم عن تفاؤل كبير….وأمل ..وانبساط …وسعادة غاااااااااااااااااااامرة
فاعندنا: المخفى
…وكت (ct
وكمان عندنا
داهـــــــــــــــيـــــــــــه
DHAEAS
وهى الداهية اللى انا اقصدها هنا
اسمها قبل ما العلمى يبهت عليها بتفكير عقله الباطن ..ويضع لمساته عليها كان :::
Dehydroepiandrosterone Sulfate
هانشوف مع بعض ايه هى الداهية ده
رفـــــــــــــــــــــــــــع الســــــــــــتــــــــــــــــــــــــــــــــــــــــــــــــار
المشهد ::
انا قاعدة فى المعمل ..لابسة البالطو الابيض …والقلم فى جيبى …ومظهرى على الوجه الاكمل
داخلة من الباب ام وبنتها …البنت لابسة طرحة وجايبة الطرف بتاعها على دقنها وقرب يغطى انفها كمان
زى الملثم ….اول ما شفتها افتكرت خطوط الغاز بتاعة اسرائيل وتفجيرها…المهم
الحوار::
الام : السلام عليكم …لو سمحتى فين الدكتور!!!!! ؟؟؟
انا : (شهقة صامته عميقة …وأجبت وابتسامة على شفتى …لتمنع دموع عينى(
انا دكتورة دعاء معاكى …اتفضلى يا حاجة
الام : انتى الدكتورة اللى هنا؟؟؟
انا: أه …والمصحف الشريف… انا الدكتورة ( الحلفان بغير الله لا يجوز …نقول لا اله الا الله(
الام: طيب عازوزين التحليل ده
أنا : (بافكر بصوت عالى )…الداهية ..اوك
الام : يا لهوووووووووووى يا خراشششششششششى …داهية !!!؟؟؟ هو الموضوع صعب قوى
انا : لا يا حاجة ده عشان شغله كتير بس مش تقلقى بنتك كويسة ان شاء الله
انا: (للبنت الانسة )..انتى بتشتكى من ايه يا توتة ؟؟
طبعا التوتة ..ولا عبرتنى ومش رديت …ولسان حالها يقول (انتى هاتتصحبى عليا ..ماتعملى التحليل وخلاص)
الام : لا لا لا لالا بنتى زى الفل ..ولا فى اى اعراض ولا اى شكوى غير
1- كل اللى يسمع صوتها من غير ما يكون شافها او فى التليفون يقولها يا استاذ
( Deeper voice ) …
2- ولاد اخواتها الصغيرين كل ما يشوفوها يقولوا عاوزين الكورة اللى انتى بلعتيها
(Enlargement of the Adam’s apple )
3- كل ما تمشى فى الشارع ..يعاكسوها ويقولوا :: من كتر ما فضلتوا تطلبوا المساواة بين الراجل والمرأة ..ربنا ادها لكم
(Hirsutism)…شعر كتير خاصة فى الدقن
4-ربنا موسع عليها فى قورتها شوية يعنى
(Male pattern baldness)
5 – ويعنى صحتها كويسة زيادة عن اللزوم شوية يعنى
(Muscularity )
6- Decreased breast size
بس …لكن ولا عندها اى حاجة
أنا ::: طب ما شاء الله ماهى تمام اهى …امال انتى ليه روحتى للدكتور يا حاجة!!!!!؟؟؟
الام : لا لا مش كشف ..ده عمها دكتور كبير جاى من بره …لقى عينيها دبلانة شوية قال لها اعملى التحليل ده
انا : ااااااااااااااااااااااه …عمها اللى جاى من بره …طيب اتفضلى نسحب العينة
الام::: الاول يا دكتورة عاوزة اعرف هو بتاع ايه ؟؟وليه؟؟ وامتى؟؟ وفين وازاى ؟؟
انا : والخضرا الشريفة ابدا …ما يحصل ..اجاوبك وعمها الدكتور موجود !!!؟؟؟
اسألى عمها يا حاجة
..
الام: لا ما هو بعد ما قالها على التحليل …شد مع ابوها شوية ومش بنكلمه
واسكتى فى الاخر طلع مش عمها
انا: امممممممم..اهى ده بقى مشكلة تشابه الاسماء فى مصر
عموما ….هاقولك يا حاجة
(وطبعا لازم عشان تقنع المريض انك الدكتور ..تتعمد ترطم بكام كلمة انجليزى ..فى النص كده …وده اللى انا عملته
التحليل ده اصلا ايه يا حاجة ؟؟
ده عبارة عن هرمون من الاندروجينز زى
testosterone
وبنستخدمه عشان ::
1-evaluate adrenal function
وكمان بقى
2-distinguish androgen-secreting conditions that are caused by the adrenal glands from those that originate in the ovaries or testes.
3-diagnose tumors in the cortex of the adrenal gland (adrenocortical tumors)
4- diagnose adrenal cancers
5-diagnose congenital adrenal hyperplasia or adult-onset adrenal hyperplasia
6- to separate these conditions from ovarian tumors and cancers.
7- فى حالات العقم
تمام يا حاجة ؟؟؟؟
…(.طبعا الحاجة …مش فاهمة حاجة … وفى حالة ازبهلال تام ….وتكاد لا ترى قدام )
امتى الدكتور بيقول للمريض محتاج تروح فى داهيه ؟؟؟
لما ياحاجة يكون عنده اعراض زى اللى عند (التوتة) بنتك كده
امتى الداهية بتكون كبيرة (ربنا يكفينا شر الدواهى:
)
1-an adrenocortical tumor
2- adrenal cancer
3- adrenal hyperplasia
امتى الداهية بتكون قليلة وبسيطة؟؟؟
1-adrenal dysfunction
2- hypopituitarism
والحالة ده بتكون نتيجة ::
decreased levels of the pituitary hormones that regulate the production and secretion of adrenal hormones.
بس خلى بالك يا حاجة الهرمون ده بيكون عالى طبيعى فى الاولاد والبنات المواليد …وبعدين بيقل ويوصل للطبيعى عادى ….ده خلقة ربنا مش مرضى يعنى
هل محتاجين وقت معين عشان نودى المريض فى داهية ؟؟؟
لا طبعن يا حاجة الهرمون نسبته ثابته طول اليوم …فاتقدروا تروحوا فى داهية فى اى وقت عادى
بس ياحاجة خلاص هو ده التحليل ببساطة
فوجئت بالحاجة ..فاتحة فاها …ومسافة مابين السماء والارض بين شفتاها ….وتكاد ان تجحظ عيناها …فهزت رأسها حتى التوى قفاها
كده الحاجة تأكدت انى دكتورة فعلا
بس كده …ودخلت التوتة ….وسحبنا عينة سيرم صغنطوطة…..يارب الدكاترة يكونوا مبسوطين …والدكتورات تكون مبسوطة ….
..
وتوتة ..وتوتة…فرغت الحدوتة …حلوة ولا ملتوتة ؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
symptoms كـــيـــلاس عـــمـــو جــوجل
السلام عليكم ورحمة الله وبركاته
..أيها ..الاخصائيين ..والاخصائيات …المجتهدين والمجتهدات
…الموجودين فى معاملهم والموجودات ….
الاول احنا…لازم نقر ونعترف بفضل صاحب الفضل بعد ربنا طبعاً … منها :
1- جمعنا …او عرفنا على جروب التحاليل
2- اى حد بيسأله فى حاجة مش بيبخل عليه
3- بيجيب لك كل حاجة عن اللى بتدور عليه (صور – فيديوهات – مقالات)
5- انا فعلا مش اتعرفت على نفسى …وانى ممكن اكون مفيدة (مش قوى يعنى)
غير بسببه
هـــــــــــــــــــــــــــــو
.
.
.
.
.
عـــــمــــو جــــــــوجـــــــل
فاشكرا لك ….يا عمو جوجل
اقولكم بقى موقف حصل لى…والحقيقة اظهر لى …وخلانى فهمت ….والحل وصل لى
انا كنت قاعدة فى المعمل …زى ما كل يوم باعمل …وفجأة ببص بتأمل …لقيت حد متململ
ببص لقيت واحد لابس بدلة وكرافت ومن الناس اللى بتكون متقززة دى
اللى تدخل المعمل ايدها فى جيبها وعينها بتتجو فى ارجاء المكان كأنه مش قد المقام يعنى
المهم الناس دول انا اول ما باشوف حد منهم كل العروق الصعيدى بتتعصب …لقيته كمان بيقولى لو سمحت عاوز اعمل
urine analysis
قت فى نفسى ..يييييييييييييييييه مش كفاية من الناس دول …لا كمان حافظ كلمتين انجليزى هايزهقنى بيهم
قلت طيب صبرك عليا
انا: هاتيجيب
sample هنا
هو: لا هاخد ال
cup
وبعدين طب والله لاخليك تراجع الانجليزى بتاعك
روحت رزعاه بسؤال :ايه هى
symptoms??
طبعا عشان يقولى ايه؟؟
اقوم مطرقعة طرقوعتين بالابهام والوسطى ..وكأنى بافتكر اسمها بالعربى …واتمنظر عليه واقول له ايوة ( اعراض)
انا بس خلصت حرف الاس …الى فى اخر الكلمة ….ولقيت سيل عارم من المصطلحات
polyurea- ,,,,urea- ………ect
بس الحمد لله اطمنت على نفسى كنت باسمع كلمة
rea
فى الاخر وعرفت انهم خاصين بالبول
اتاريه ايه بقى
.
.
::
طلع دكتور ….
ويادوب هو خرج …وقفل الباب اصل احنا بنقفل الباب عشان الامن الهمام فى مصر طبعا
.وانا جريت على عمو جوجل …الحقنى يا عمو جوجل
حكيت له اللى حصل ..
راح بص بجنب عينه …قلت له انا مش ناسية والله بس هم مش ادونا كل ده فى الكيلاس
قالى طيب بصى
وبدأ يجيب لى مصطلحات الاعراض لبعض الامراض المشهورة زى
1- diabetes : السكر
– polyurea : يعنى واخد السكة للتواليت رايح جاى
– glucosuria : وجود سكر فى البول
– nocturia : بيقوم فى عز الليل من النوم يدخل الحمام
– polydipsia: يعنى بوقة فى الحنفية على طول(عطش)
– weight loss : خاسس وهفتان
– fatigue : حيله مهدود
-Blurred vision: مشاكل فى الابصار
– frequent vaginal infections :
– yeast infections
-Dry mouth: ريقه ناشف
-Slow-healing sores or cuts: بياخد وقت على بال ما يخف وخصوصا الجروح
-Itching skin, especially in the groin or vaginal area :
حكة فى الجلد وبعض المناطق
Urinary tract infections:
– Dyserea : الم خلال عملية اليوريناشن
– polyurea : يعنى واخد السكة للتواليت رايح جاى
– nocturia : بيقوم فى عز الليل من النوم يدخل الحمام
– Urgency : احساس كل شوية انه عاوز تواليت ومش فى يورين
– Hesitanc y :الاحساس انه بيعمل بصعوبة او زى ما بنقول نقتطين ويخرج وشوية ويرجع يعمل كمان نقطتين
– Hematurea : وجود كرات دم حمرا او دم فى البول
(bloody urine) -Abdominal pain
لسة هامشى من عند عمو جوجل …راح مزعق وصوته وصل لكوكب زوحل ….
انتى مش بتسألى فى الكيلاس ….ولا جايبة معاكى كراس ….وكمان جبتى لى وجع الراس
دول شوية مصطلحات ….عشان الموقف اللى فات …مش يحصل تانى ليكى …ولا تعتادى السكات
-Proteinurea : وجود بروتين فى اليورين
– crystallinurea : وجود كريستالات فى اليورين
-pyurea : وجود صديد فى البول
– obesity : زيادة فى الوزن
– hypotension : انخفاض ضغط
– Hypertension : ارتفاع ضغط
– Alopecia : سقوط او فقد الشعر
– Angioedema : توم فى اللسان او انتفاخ
– AMNESIA : فقد الذاكرة
– Aphasia (Apraxia): صعوبة فى الكلام او النطق – Arthralgia: الم فى المفاصل
ولقيته رزع البرورز …فى وشى من غير كلام …ولما فتحت تانى …قالى ارحمينى هانام …ومرة تانى هايبقى …لينا كتير كلام
انا كتير بيتصل بيا دكاترة ..يتناقشوا فى نتيجة او حالة مريض …احب نكون فى نفس المستوى للنقاش
ان شاء الله القاموس ده هايكون متجدد .وهايتقسم الى كل مرض واعراضه عموما مع تفسير المصطلحات
.. عشان نكون عارفين اسماء الحالات واسماءها الطبيه
ده بداية للموضوع وان شاء الله هاياخد شكل اكثر تنظيما
يارب يكون موضوع مفيد ….انا عارفة انه مش شديد ….بس حصل بالتحديد …فالقيت انه مهم
وان شاء الله ربنا يكتب لى عمر مديد …لحد ما يكمل بكل جديد …ولو مت ويارب اموت شهيد … تكملوه على روحى اكيد
بنات الشعر تتغنى ب…CBC COMMENT
بينما كنت فى المعمل أمشى
بين العينات ولا وقت ٍ لرمش ِ
أتت بنات الشعر تريد ان تنكشنى
فنظرت لها شزرا وضيقا
وقلت لها أما لكى ان تهشى????
فكركرت بنات الشعر ضاحكة
وأتت أمامى فديرت وشى
فهمست إلي لعلى ألين
وأترك مجهرى وأذهب لعشى
فصحت بصوتى دليل انزعاجى
الآن دعينى وفيلم الديرنشى
فبدأت تناجى بقول جميل
وقالت سأتلو ..وعلى الله تغشى
وهو الاتى ::
لديكم بنى الانسان ….فى الدم حيث كان …كرات دم حمرا …وليها اسم كمانئ
erythrocytes
اذا عددها زاد ….عن نورمال المعتاد …نكتب
( eryhtrocytosis ) اما بغير عناد …فى قلة الاعداد …نكتب
(erythropenia(
وهنا …ندهت عليها …وكنت هابوس ايديها ….بلاش الفصحى ديه ….العلمى مالوش
فيها ….خلينا انجليش احسن …. قالت لى طب هاحاول … اهم حاجة ينفع ….وكلامى يبقى واصل ..
I will say ..in english ..any way ….about (Mcv) (mean corpuscular volume)
when more than ..the normal u can..say bekol aman (macrocytosis )
if less than ..the normal ..u can..say (microcytosis )
now will see (MCH) Mean corpusle hemoglobin
if u read…the result be tahdeed …less than normal.. so u need to write mn gdeed (hypochromia) while if read …more content Hadded …u (dont) write (hyperchromia)
وهنا ….فاجاتنى احدى البنات …وأتت من سكات …وقالت فى ثبات
I will cry …or may die….if I dont talk … so can I?
I only know …plateletes ..u know ..its other name (thrombocytes )…
if it decrease …we will say (thrombocytopenia)
if it increase …. we will say (thrombocytosis)
now I talked …so will go
وجائتنى اخرى ….تريد الكلام ….فازعقت فيهم….وجريوا أوام ….ولكن فى
قلبى …وجعنى الخصام …بنات شعرى هن …حبايبى القدام فاسيبت الشريحة …وعاد الوئام …وقالت ده اخر كلامنا ….تمام ؟؟؟!!!
زا لاست سيلز آر ….وبجد مش هزار …وايت بى سيز ….وده ليها حوار….وليها سم تانى ….بنقوله ليل نهار
leucocytes
وكمان ليها انواع …هانقولها باختصار
neutrophils (segmented + staf)
lymphocytes monocytes eosinophils basophils
زا توتال إف كتير ….والعدد كان كبير …هانقول عشان
خطير leucocytosis
ولكن لما يقل …فى العد راح يشل ….والفيلم يكون ممل ….هانقول
leucopenia
نتكلم ع الانواع ….من غير تفصيل وبتاع ….فى حالة لو زيادة ….ديه كل الانواع :
lymphocytosis – monocytosis – basophilia – neutrophilia – eosinophilia
اما لو قليل …من غير يقال وقيل …مش كل نوع فيهم …بنكون انه قليل …ولكن هم 2 …هايكونوا فى التعديل
lymphopenia neutropenia
وده كلام طفيف …..فى التعليق خفيف ….بنجيبه م الارقام ….ويكون ريبورت
ظريف حبيت اجيب كلام ….يكون سهل وتمام … عشانكوا لما تقروا ….تحسوا بانسجام
ولكن ده اللى صار ….حوار بنات كتار …وفيهم اللى فصحى …وعامى باختصار ….وكمان الانجليزى ….فكان سلطة خضار
يارب المعنى يوصل ….ومش حد يحتار
الادمـــــــــــــــــن (الــــــمــــــايــــستـــرو )
الادمـــــــــــــــــــــــــن
جلست يوماً اتصفح البوستات ….فى صفحتى وفى جميع الوول
ووجدت اشعارا بأن رسالة ً ….أتت إلي وتحمل المجهول
فوجدت قولاً للكريم بيُسره ….بأن نتائجى فى الكنترول
خبرٌ جميلٌ على الابواب يأتى ….وتوب سكريت تحار به العقول
وجاء القول انى الان (ادمن) ….بخير جماعة ٍ..ماذا أقول!؟
لما فكرت …وشغلت الايماجينيشن …واستعنت ببنات الاشعار ….وصبيان الافكار …لربط الواقع المحتار …بما نفهمه من الحوار
.وجدت ان الجسد المختار ….ليحمل ارواحنا الابرار …فى رحلته من الدنيا …الى فردوس الاخيار (ان شاء الله عز وجل )
به ادمنز تنظم الادوار ….وجروبات تختص بالاسرار ….وميمبرز تترجم الحوار …
body book also have the same system like face book
ومن اشهر الادمنز.المسيطرين …واللى خبرة فى ادارة الجروبات ….وتعديل الكومنتات ….وتنقية البوستات …ليكون الجسم فى الاخر …يستاهل الملايين من اللايكات
pituitary gland (master gland)
الــــــمــــــــايــــــســــــترو
..الادمن ده عنده 3 اكونت جامدين ….كل اكونت عامل بيه جروبات مضبوطين …وكلمته مسموعة من كل الميمبرز الموجودين
الاكونتات هم :
1- adenohypophysis (pars distlais)…anterior lobe
2- pars intermediate (intermediate lobe)
3- neurohypophysis (posterior lobe)
كل اكونت منهم عامل جروب او كتر
1- adenohypophysis
وده عامل شوية جروبات …بتأثر فى كتير من الحاجات ….وتشغل مختلف الوظيفات
منهم
A- somatotrphes:
وده كل بوستاتها تخص ….
growth hromones
B- Lactotrophes
وده مختصة بالكلام فى مواضيع الرضاعة و هرمون اللبن
prolactin
c- gonadotrophes
وده المواضيع بتاعتها عن الهرمونات الجنسية
FSH – LH
D- Thyrotrophes
وده دايما بتتكلم عن الثيرويد
TSH
E- Corticotrophs
وده بتناقش قضايا الهرمون العميل )ACTH
فاكرينه ؟؟؟؟؟؟
ايوة تمام …بتاع المحقق اللى زى البالونة ….صح كده
والاكونت ده من الاكونتات المهمة …. لانه مسيطر بكل ذمة ….وبيعمل تنظيم لبوستات تحتل فى الاهمية قمة
اما الاكونت التانى
pars intermediate
وده مش بيدخل بيه كتير الا فى جروب واحد اسمه
Melanotrophs
وده بيتكلم عن الالوان…… للبشرة أيا كان…صنع ربنا المنان…ولو الابيض هو الكسبان …فالاسمر سماره جنان
MSH
الاكونت التالت بتاعه ….
.
neurohypophysis
الاكونت ده بيدخل بيه جروبات عديدة … منها
ADH : Antidiuretic hormone
oxytocin
واعضاء البدى بوك ….بيقروا هذه البوستات ….فى جميع المجالات ….وينفذوها بكل ثبات
لو الادمن مقريف ….او بدأ فى بوستاته يخرف……بيبعت رسايل من غير ما يعرف ….والبدى عليها يتعرف ….والميمبرز مش تتكيف
…والبدى كله يهنج….ويحتاج يعمل ريفرش عند طبيب …. او حتى فى مستوصف
ازاى بقى الادمن ده ممكن يهنج ؟؟او يقريف ؟؟؟
من اهم اسباب اسباب قريفة الادمن ده …لما يكون فى تيومر (ورم )
…وده بيخليه
1- produce excessive amounts of a specific pituitary hormone
crowd out the production of other hormones,
او كمان
2-compress surrounding tissues
او ممكن قوى
3-cause headaches, visual disturbances, loss of vision
فقد الرؤية !!!!!؟؟؟؟؟….انا سامعة ناس بتقول واضح انك انتى اللى مهنجة ومقريفة مش الادمن بتاعك ..ايه الى جاب الرؤية للموضوع ده
هاقوله …هو انا مهنجة مش هاكذب… ورموش عنيا نفسها تاخد بعض بالحضن ومش عارفة …..بس انا لسة مش هيست قوى
واقولك ايه العلاقة …اصل الحكاية ايه : :
Blood vessels and the optic nerves are in close proximity to the pituitary gland
اوم ايه :
. Pressure from a tumor cause visual problems
من الحاجات كمان اللى بتخليه مقريف جدا ومش ليه مزاج يعمل اى كومنت
inherited genetic mutations, be congenital, be due to trauma
or an impaired blood supply
يا خبر ابيض …طب وده بييجى من ايه ؟؟؟؟
due to surgical or radiation treatment of a previous pituitary disorder,
او كمان
due to a malignant tumor
بس الحق يقال ..وده امانة ..الموضوع التانى ده بتاع الماليجنانت ..نادرا لما بيحصل
ايه بقى التهييس اللى بيحصل فى البدى بوك ….لو الادمن قريف ..؟؟؟
بص يا سيدى ::
Growth Hormone Deficiency: from a variety of causes in children it causes delayed growth and short stature
; in adults it can lead to muscular weakness, fatigue, decreased bone mass, and obesity
طب ايه اللى ممكن يقل مزاجه ::
Hypopituitarism: from a variety of causes including tumors, trauma,
decreased pituitary blood supply, infection, sarcoidosis,
an autoimmune process, radiation, surgical removal of the pituitary
, or a side effect of pituitary surgery; results in a general decrease in pituitary hormone production.
امممممممممممممم…..ده باين عليه عصبى قوى
طب ولو كان رايق جدا زيادة عن اللزوم لدرجة الرخامة من كتر الروقان …بيعمل ايه ؟؟؟
بيزودها قوى …وبيعمل حاجة اسمها :
Hyperprolactinemia: a pituitary tumor that secretes prolactin or
a tumor that prevents the regulation of prolactin production;
can cause galactorrhea and amenorrhea, and in men decreased sex drive and impotence.
طب وبيعمل ايه لو الجنونة طلعت …انا عارفة انه مش بيحصل كتير انه يوصل لاخره او يبقى اوفر جدا جدا ؟؟
بس نعرف تحسباً يعنى
هو بيعمل شوية حاجات جامده كرد فعل ليه منها
1- Acromegaly and Gigantism
يخلى فى عملاق او قزم
2-Cushing’s Disease:
وده لمايزود
ACTH
فايسبب
excess exposure to the adrenal gland hormone cortisol
فايعمل
upper body obesity, a rounded face, thin skin, pink streaks on the abdomen,
muscular weakness, osteoporosis, high blood sugar, and high blood pressure.
3- Diabetes Insipidus: decreased production of ADH by the hypothalamus;
patient’s kidneys don’t conserve water and concentrate urine;
patient is thirsty and has frequent, dilute urination.
4-Pituitary Infarction: restricted blood supply to the pituitary gland; may cause gland tissue damage
and lead to hypopituitarism.
طبعا واضح من الكلام …انه ادمن همام ….له كتير من المهام ….وبيعملها باهتمام …..لكن لما يقرف …ويبقى مش تمام ….بيهييس النظام ….ويعمل بلوك لكلمة تمام …
ربنا يكرم كل الادمنين والادمنات….الجهابزة منهم والجهابزات
سلامو عليكم بقى
ومعلش طولت عليكم …بس سهرانة لوحدى وكنت عاوزة ……افطفط مع حد عن اللى جوايا ….
ســــنـــدريــلــلا …والجــنــيــه …فى التـــحـــالـــيـــل الطـــبــيــه (ANA)
كان يا ماكان …يادكاترة يا كرام …ولا يحلى الكلام …الا بذكر النبى عليه الصلاة والسلام
كان فى عهد التعليم الهمام …حيث المناهج نظرى تمام ….والعملى مالوش علاقة بالشغل العام …
والطالب يتخرج خبرته زيـــــــرو تمام……ويبدأ يدور على تدريب والسلام ….فايإما يقع تحت ايد دكتور علام ….يديه خبره تمام …او دكتور مش عارف اى كلام
كان مرة فى بونية ….اسمها سندريللا……حلمت بكلية ….دخلت علوم عين شمس …والرغبة منفية
درست نبات .حيوان …وكيميا عضوية …وفيزيا ورياضة …وكمان تحليلية …وقضيت المدة …وبنفس مرضية
راحت على معمل …تتعلم التحاليل …عشان تكون خبره …ع الشغل مكفيه
وف يوم اتاها مريض …بروشيته مخفية …وفيها.اسم غريب….والصدمة ده قوية .. ……
ANA
…تنحت للورقة …ودماغها ملهية ….ده يبقى تحليل ايه ….يا وقعة بنية …سمعت بعيد همسات …ببتنادى بروية …بصى عليا هناك …بصيت مكان الصوت
لقيتها جنيه … صغيرة وكمان …بالبالطو محمية … قعدت على كتفه …وبضحكة ودية …قالت ماتتخضيش …انا اصلى جنيه.. تخصصى تحاليل
واسمى علميه
ضربت بعصاها السحرية …..على دماغ المريض بحنية …..فنام فى لحظة وقتيه
وقالت راح اشرح لك فى دقيقة ضوئية…….بدأت تشرح لسندريللا التحليل ده ايه فى هدوء وروية
قالت الجنية : ده نوع من الانتى بوديز المؤذية ..لما الجسم يهاجم نفسه …الحالة ده اسمها فى الاوساط الجسدية
autoimmune disorder
والانتى بودى ده بيهاجم النواة بتاعة الخلايا الجسدية …ومن هنا جات التمسية :
antinuclear antibody
بصيت سندريللا وهى مستغربة وقالت :معقول الجسم يعمل كده …ازاى بس يا جنيه ؟؟
هزت راسها الجنية …واجابت بطريقة علميه :
that when Abs can not distinguish between body cells and forien cells
فتحت سندريللا عنيها ببراءة …وقالت طيب ياجنيه ايه اعراض الحالة ديه ::??
وبعدين يا حلوين…يا كيميائيات وكيميائيين …بصيت الجنيه ….ورمشيت رمشة سحريه ….وقالت الاعراض هى
:
1- tissue or organ inflammation
2- joins and muscle pain3
3- fatigue pain 4- unexplained rashes
وبعدين ..اتكلمت سندريللا …وقالت طيب ياجنيه …الدكتور امتى يكتب التحليل …ويبعت لى البلوة ديه ::؟
ضحكيت عليها الجنيه …وقالت بلغتها الانجليزيه :
when suspects Patient have an autoimmune disease such as
1-lupus
2- rheumatoid arthritis
3- scleroderma.
وبعدين قالت سندريللا ….وهى محرجة ومستحية …سؤال كمان يا جنيه …طريقة شغله ايه …ويلا ردى عليا
طارت الجنية …وقفت على كتفها ….قالت بحنية …ده هاتبعتيها اكيد …لمعامل الاشكيف الدوليه
سندريللا قالت اااااااااااه …طيب برضو يا جنيه …اعرف طريقة ايه هيه:
قالت شاطرة يا سندريللا…اهتمى بالجهة المعلوماتية
The general ANA test is usually one of two types:
1-indirect immunofluorescence ……the more accurate
2- ELISA. ….. lower cost.
so ..the ELISA is gaining popularity
طيب يا جنيه …قبل المريض ما يصحى …ويقلب المعمل عليا
النتايج افسرها ازاى ؟….ومش احتاس الحوسة ديه ؟؟
وقفت الجنيه ….على الهوا بخفيه …وقالت وهى مستعجلة وملهية
The presence of ANA is indicative of lupus erythematosus
بس كمان بيكون موجود يا سندريللا فى الحالات ديه:
1- Sjögren’s syndrome (60%)
2- rheumatoid arthritis (30-40%)
3- autoimmune hepatitis
4-scleroderma
5-polymyositis& dermatomyositis
بدأت الجنيه تستعد للرحيل …وتصحى المريض القتيل ….وهنا قالت سندريللا ….استنى …..هل بيطلب معاها تانى تحاليل؟؟؟
ردت الجنيه بصوت جميل …هذه هى التحاليل ….وضربت بعصاها الطويل …فى الهواء العليل …فارتسمت هذه التحاليل
1- ESR
2-RF 3- CRP
وماتنسيش يا سندريللا …العينه سيرم متجلطة بطرق علمية
وقالت الجنيه …فى طريقها للدنيا الخفيه ….لو احتجتى حاجة يا سندريللا …هاكون معاكى فى اللحظة ديه
وضربت ضربه قوية …على دماغ المريض بعصبية ….فاق المريض مفزوع ….وبص لسندريللا شوية …وسأل عن التحليل …ردت عليه بثقة وحريه
وسحبت العينة بخفيه …. وخلص اليوم على خير ….رغم الحالة المستعصية
وكفاية كده عليا …اشوفكم المرة الجاية …وحكاية جديدة برضو ….ممكن تكون مع سندريللا
او اخدكم على طول …معامل الاشكيف الدوليه …واحكيلكم حدوته تانى ….عن التحاليل الطبيه