الحلقه 7 من حلقات المعلومات الاساسيه فى التحاليل الطبيبه(تجهيز معمل متكامل)
الحلقه 7 من حلقات المعلومات الاساسيه فى التحاليل الطبيبه(تجهيز معمل متكامل)
بسم الله السلام عليكم اخوانى واحبائى اخصائى التحاليل الطبيه وكل عام وانتم بخير…بصراحه موضوع اليوم مش على غرار الحلقات اللى فاتت… بس فيه كذا دكتور امبارح سالنى على مكونات معمله… وانا وعدت انى هعمل الموضوع ده.
********************************************************************************
اولا بصوا موضوع انى افتح معمل ده لازم افكر الاول انا هفتحه فين…. لو فيه قريه يبقى اركز اولا على الكثافه السكانيه ثم بعد كده وجود الدكاتره…. اما لو فى مدينه يبقى اول حاجه الدكتور ثم الدكتور ويسلام لو كان باطنه او نسا وولاده…. وتبقى الحاجه دعيالك لو تفتح جو مركز طبى كبير كبدايه وبعد اما توقف على رجيلك ابقى افتح فرع لواحدك بس خلى بتاع العياده شغال تمام وضحت النقطه دى
********************************************************************************
ثانيا انا بقى هنعتبر انى فعلا هفتح معمل نظرى معاكم فى الجروب وان شاء الله هنقول كل حاجه تيجى فى افكاركم فى البوست ده.
*********************************************************
توكلنا على الله
1- الاسم لازم يكون سهل وبسيط ويتناسب مع الوسط اللى هو فيه وتكون بتفكر ادام انه ممكن يكون ده بدايه سلسله
2- مكان المعمل لازم يكون سهل الوصول اليه ومميز فى مكان يسهل وصفه
*********************************************************************************
المعمل نفسه بقى هقسمه لكذا موضوع
اولا الاجهزه
1- جهاز سنترفيوج 6 عين صينى بحوالى 280 الى 300
2- ميكرسكوب صينى بعدستن 1100
3- وتر باس زجاجى بحوالى 385
4- عدد اتنين ببته او ماصه الكترونى واحده ثابت عشره ودى 175 والتانيه متغيره من رقم 100 ميكر الى 1000
وعلى فكره ممكن تنزل بيها لحد 25 ميكرون ودى ب 320 جنيه
5- جهاز سرعه ترسيب وانا بسميه جهاز وهو عباره عى 6 ماصات زجاج متعلقين فى استاندا استالس
وسعر الانابيب+ الاستناندا حوالى 18+65 اجمعوا كده وشوفها كام وطبعا هتجيبوا محلول سرعه ترسيب ب10 جنيه
6- فى اختراع تانى بس مكلف حبتين لسرعه الترسيب وهو الجهاز بيبقى فيه المحلول ويدوب بتحط فيه
الدم وتعلقه فى الانبوبه الخاصه بيه فقط الانبوبه عامله هوالى 2 الى 5 جنيه
7- شريحه عد دم صينى 45 جنيه والمانى ب120 جنيه
8- تايمر 15 جنيه وراك انابيب 15 جنيه وتورنكيه ب15 جنيه طبعا هات الكميه اللى انت عايزها من كل نوع
9- حضانه او فرن حرارى هتستخدمه كحضانه بحوالى 440 الى 500 جنيه
10- جهاز الكيماء وده اللى هيحدده اولا رات الشغل وبعد كده مقدرتك الماديه يعنى هقولك اجهزه محترمه وشغلها دقيق بس الفرق بتاع الاتمان فى السرعه فى النتائج….
فيه جهاز اسمه اوكتا او بايو استك ده ب 2300……. الابل بحوالى 2500……. الجنواى بحوالى 5000
الربونك الكيوفته بحوالى من 7 الى 8 ….. والنوع التانى منه اللى هو كيوفته وسكشن ده 11
وفيه عندك الاربا وده ب 16.. الى 17 الف وده اخر جهاز انصح بيه لان بعد كده يبقى بيهزر
اهم حاجه فى جهاز الكيما عايز دكتور صاحى للجهاز ويعرف امتى الجهاز قراءته صح واما مثلا فيه ضعف نور والقراءه مش دقيقه ويعرف يصفر الجهاز كويس انه يصفره بالماء المقطر ويرجع يحط الماء تانى لو ادى صفر يبقى تمام ادى اى قراءه يبقى يصفر تانى بس.
*******************************************************************************
******************************************************************************
ثانيا المحاليل
فى المحاليل يحبذ انك متكترش لحد ما تعرف ايه اللى المكان بيتسحب فيه اكتر تمام
1- محلول السكر وفيه نوعان منه الاول بيتحل وده ب18 جنيه والتانى جهاز وبرده ب18 جنيه
2- محلول الدرابكن بتاع الانيما وده ب43 جنيه
3- محلول البولينا وده ب75 جنيه
4- محلول الكرياتنين وده 55 جنيه وده بيحتاج محلول معاه اسمه تسا ب17 جنيه ومحلول الصفراء وده 57
5- محلول الزلال وده ب35
6- وطبعا الانزيمات بتاع الكبد الاتنين ودول كل واحد فيهم ب 72 جنيه وهما بيحتاجوا محاليل معاهم زى
هيدوكسيد الصوديوم ب15 جنيه
7- محلول اليورك اسيد وده انواع كتيره من 14 الى 20 جنيه للفايل
8- محلول صفائح دمويه ب 10 جنيه ومحلول عد ابيض ب 10 جنيه واديتا ب 10 جنيه علشان تحطها فى انابيب السحب ده لو هتشتغل كده لو عايز تجيب انابيب جهازه الانبوبه ب 50 قرش
9- هتجيب 2 كيس تبس اصفر ب 30 جنيه و2 كيس تبس ازرق ب 30 جنيه وكيس انابيب وزر مان فيه 1000
انبوبه ب 35 جنيه وهتجيب غطاء انابيب الغطاء ب 4 قروش فى العدد اللى انت عايزه
10- طبعا هتجيب لاتكس aso_crp_rf الواحده منهم ب 65 جنيه
11- طبعا فصيله الدم والار اتش وهما تلاته كل واحده ب 17 جنيه
12- لو هتزرع عندك هتجيب اطباق زجاج صغيره ومتوسطه الحجم وهتجيب دسكات الدسك عامل حوالى 7.5 وطبعا الميديا وخاصه الكلد ودى مش غاليه بحوالى 17 جنيه ودى خاصه بالبول ومزرعته
13- كروت الحمل الكارت بحوالى 2 الا ربع للكارت شوف انت الكميه براحتك
14- كروت فيرس س باى دوت وتراى دوت ممتازه العلبه عشر كروت من 100 الى 125
15- كروت فيرس ا كويسه برده الكارت بحوالى 11 جنيه وبرده كروت ب كويسه الكارت 3 جنيه
16- هتجيب راك انابيب سيوله جهازه وراك انابيب اديتا جاهزه( علشان pcr) الانبوبه بحوالى من 48 الى 50 قرش احسب بقى يبقى الراك بكام علما ان فى راكات 100 انبوبه وراكات 50 انبوبه
17- محلول السيوله هات فايل 8 مل 44 جنيه كويس
18- كبات معقمه للمزارع الكب ب 50 قرش وكبات للبول والبراز 100 ب 10 جنيه
19- علبه لزق مدور او دكتور ايد ب 7 جنيه وهاتلك برده كحول او مسحات كحوليه الازجاجه ب 4 جنيه او علبه المسحات ب 7 جنيه+ القطن
20- هات محلول الكلوستيرول والدهون الثلاثيه وانت جاى تشترى قوله هات الحاجه اللى بترتبط بالصلاحيه مش الحاجه اللى شهر بعد الفتح هتبوظ منك فى النوعين دول وهما من 15 الى 22 جنيه للفيال
21- شرائح زجاجيه للفحص العلبه ب 3 ونصف وطبعا كفر متجبش من الفردى هات 4فى 1 ب 5 جنيه كويسه+ شرائط فحص ثلاثيه ب28 بتبين الزلال والوسط والسكر او كامله بحوالى 70
22- كرتون سرنجات 3 سم ب 65 جنيه فيها 300 سرنجه+ كرتونه سرنجات 5سم بنفس التمن او 70جنيه
23- انابيب زجاجيه كبيره وليكن 8 علشان عمل الانزيمات الانبوبه بجنيه+ انابيب زجاجيه صغيره علشان السيوله الواحده ب 15 قرش
24- ماسك+ صبغه افلام لصوره الدم الاتنين ب12 جنيه
*********************************************************************************
ثالثا مكونات المعمل
اولا عايز كراسى بره استقبال جلد الكرسى بيبدا من 40 و55 و65
مكتب لحضرتك فى فرفه السحب وده حسب امكانياتك فى عموله وده غالى وفى حاجات جاهزه من 300
تريبزه علشان تحط عليها ادوات السحب وكرسى سحب من 100 وانت طالع
بره فى الاستقبال لو هتجيب استقبال يبقى لازم كونتر ولو هتكتفى ببنوته كده تحاسب والكلام المعروف زى العياده يبقى مكتب صغير جاهز فى حدود 250 جنيه
عدد 3 مراوح سقف 300 جنيه لو تكييف بيبدا من 1500 جنيه
طابعه ب575 جنيه اتش ب ليز 1102
لاب توب او كبييوتر فى حدود 1000 او 1500 لو لاب توب
باسكت الزباله فى كل حته حاجه مهمه جدا الواحد ب15 جنيه
رابعا دعايه
حاجتين
الفلدرات ودى حاجه شيك جدا بس غاليه حبه بس صراحه وجهتك عند الطبيب والمريض وده 1000 فولدر ب 1300 جنيه
الاظرف 1000 ب 100 الى 120 جنيه
هتعمل 2000 ورقه دعايه للمعمل ب حوالى 50 جنيه
يافطه محترمه مضيئه بتبدا من 400 جنيه
*****************************************************************************
تقريبا كده 90 فى الميه ويارب يكون ده مساعده لكل دكتور محتاج مساعده فى الموضوع ده وربنا يوفقكم جميعا للخير والصواب
ودى الحلقات السابقه
https://www.facebook.com/groups/Medical.analysise/doc/412084908833117/
اترككم فى امان الله
الحلقه السادسه من المعلومات الاساسيه فى التحاليل الطبيه
بسم الله السلام عليكم ورحمه الله وبركاته اخوانى واحبائى اخصائى التحاليل الطبيه تحيه طيبه وبعد
استكمالا لمشوارنا المشوار الذى نود به ان نربط الامراض بالتحاليل عن طريق الحالات العمليه
وكنا قد تكلمنا فى الحلقات السابقه عن بعض الحالات العمليه
واليوم نكمل ما بداناه
الحاله السابعه
*****************
الاطفال والصفراء
جالك طفل ومصفر ومش عارف تعمله ايه
اول حاجه تتكلم مع اهله وتعرف فى ااى امراض وراثيه فى العائله لو كانت الاجابه اه يبقى خلاص مشكلتك اتحلت
طيب لو كانت لا
اسال السؤال التانى ده
الصفراء دى جت امتى وهو كل قبلها ايه
طيب هو انا اصلا ممكن اشك فى ايه
انا بتكلم على فئه الاطفال اقل من عشر سنوات
اولا هشك اما هى
صفراء عاديه خالص
او الصفراء دى عرض لمرض تانى زى
انيما الفول
الثلاثيميا
انيما نتجه مرض فى الكلى
او فيرس ا
طيب انا محتاج اعمل ايه علشان اعرف افرق بيهم
اولا هتعمل تحليل انيما وده مهم جدا
لان من خلاله هعرف ان السبب انيما فول او ثلاثيما
ومش فيرس ا
وتحليل الصفراء ده عرض اساسى لانيما الفول وثانوى لثلاثيما
اما لو فيرس ا هتبقى الانزيمات عاليه
يعنى من الاخر لو مش عارف خالص هو عنده ايه سواء من كلام المريض واهله او من الاعراض
هعمل الاتى
انيما
ولواقل من 6 خليهم يطلعوا على اقرب مستشفى بسرعه علشان ينقل دم
صفراء كلى
فيرس ا
وبعد كده بالسلامه على اقرب طبيب يكتب العلاج
وخلى بالكم انيما الفول منتشره الفتره دى
***************************************************************************
الحاله الثامنه
مريض جالك وبيقولك انا مش قادر اخد نفسى بنهج من اقل حاجه
ده انت هتشك فى اما
انيما وهى غالبا السبب الاول والمباشر لكده
او اضطراب فى الغده الدرقيه
او زياده الوزن
او دهون على الكبد
يعنى هتعمل انيما
لو قليله تبقى هى السبب
وبالنسبه للدهون على الكبد
ممكن نعرفها بتحليل الانزيمات
والحاله كده كده هتروح بنتيجه التحليل ده عند طبيب الباطنه
هيشوف اخبار الكبد ايه
ولو الجسم زياده هيمشيها على نظام اكل وممكن يديها سيدوقاج علشان ينزل اجزاء معينه من الجسم
وهكذا
وهيعمل اشعه او سونار علشان يطمن على الكبد
***************************************************************************
نكتفى بهذا القدر اليوم ونلتقى فى الحلقه السابعه ان قدر الله لى الحياه
دمتم فى رعايه الله وامنه
والسلام عليكم ورحمه الله وبركاته
الحلقه الخامسه من المعلومات الاساسيه فى التحاليل الطبيه
بسم الله الرحمن الرحيم السلام عليكم احبائى واخوانى اخصائى التحاليل الطبيه تحيه طيبه وبعد
ان شاء الله نكمل مشوار ال 100 حاله عمليه زى ما تفقنا
كنا اتكلمنا المره اللى فاتت فى الحلقه الرابعه عن تحاليل الصداع ووجع البطن
اليوم بقى
…………………..
الحاله التالته
الاطفال والديدان
لو جالك طفل والام قالتلك انه هفتان كده ووشه على طول مصفر كده
هتسالها الاتى
بطنه بتوجعه
فى رياله بتنزل منه وهو نايم
انت هتبص هتلاقى حاجات بيضه فى وشه كده
طيب بتقولها هو بيهرش فى ………………..ب
لو الاجابه على السؤال ده بالذات اه يبقى عنده دبوسيه
لان طبعا زى مانتم عارفين الدوده الدبوسيه تخصص المكان ده بتحط البيض بتعها ابو شوكه على فتحه الشرج تخلى المريض يحس انه عايز يهرش
والباقى هيبقى باقى الديدان
طيب ريحه الاستول وحشه
وتعمل مع تحليل اللاستول تحليل انيما كمان لا الديدان بتعمل انيما
****************************************************************
طيب الحاله الرابعه
الدوره الشهريه
اكيد جتلك حاله قبل كده من بنت بتقولك الدوره بتتاخر عندى
شهر وشهرين
على فكره الاول قبل ما اقول التحاليل البحوث الاخيره اثبتت ان الحاله النفسيه تعمل كده
المهم هتعمل تحليل هرمونات التوبيض
Fsh-Lh
فى اليوم التانى من نزول الدم ووممكن لد الرابع
كلمتنى ام من كام يوم وقالتلى بنتى الدوره مش بتنزل الا بالعلاج
قولتلها عملتى التحاليل دى قالت عملت كل حاجه كانت كويسه قولتلها انتى متابعه مه حد قالت دكتوره نسا
قولتلها بنتك عندها كام سنه قالت 19
سالتها بنت عندها شعر كتير فى جسمها قاااااااااااااااااااالت
هى مشعره
قولتلها روحى للدكتوره قولها تعمل هرمونات ذدكوره هتلاقيها عاليه
وهى دى اللى ماخره الدوره
يبقى كده اتعلمنا ان الدوره ممكن تتاخر عند البنت فتره كبيره لثلاث اسباب
اظطراب هرمونى
اضطراب نفسى
ذياده هرمونات الذكوره
**************************************************************************
الحاله الخامسه
تاخر الحمل
طبعا الحاله دى ممكن تكون بقت هى الشغل الشاغل عند الناس كلها وعند الدكاتره كمان
اولا اتكلم معاهم بسلاسه جدا وتفهمهم انها مساله وقت بس العامل النفسى عندهم بيبقى وحش جدا طالما وصلوا عندك معناها انهم فاض بيهم الامر
هتسال متجوزين من امتى
لو كان اقل منه سنه العلم بيقول ده طبيعى طالما معداش السنه
طيب لو اكتر
اسال حضرتكم اول مره تحللوا
اعرف السى فى كويس بتاع المريض ولو عمل تحاليل ياريت لو تشوفها
بعد ماتعمل مسح كامل للحاله
هنفترض انهم معملوش خالص
هتقول للمدام احنا مش هنحللك انتى الاول هنطمن على الباش الاول
وتحلل سائل منى طبعا وفقا للشروط اللى احنا عارفنها وااللى انا برده كاتبها فى الحلقات
وانت ياباشا بتحلل
تخلى بالك من الاتى
السائل هيفك بعد اد ايه ن
حركه الحيوانات النشطه دى مهمه جدا
والصديد برده
وخلى بالك من التشوهات جدااااااااااا
الخلايا المغزيه
والعدد يكون معدى العشرين مليون
لو كل ده تمام
هتخش على المدام
هرمونات التبويض وهرمون اللبن
وبعدين تقولها طريق السلامه على طبيبه نسا
الدكتوره هتعمل الاتى
هتبتدى تعمل متابعه للتبويض وكمان اسعه بالصبغه علشان تشوف القنوات سالكه ولا فى حاجه مسدوده
وقصه كده ربنا يعافى الجميع
*******************************************************************
الحاله السادسه
الاجهاض المتكرر
زى ماقولت فى الحلقه اللى قبل اللى فاتت ليه ثلاث اسباب
العدوى والهرمونات والسيوله
فى الحلقه التانيه
فى الفتره دى اصبح المنتشر السيوله دى
بيبقى الام عندها مشكله فى المناعه فتفرز اجسام مضاده ضد الطفل فيتعمل زى تجلطات فى المشيمه بتخليها متقمش بوظائفها فالجنين بينزل
ودى تحاليل السيوله اللى انا ذكرتها هى اللى بتبين
الموضوع ده وخاصه اللوبص
ولذلك اطباء النسا فطنوا للموضوع ده وعملوا ايه بقى بقى يدو اسبوسيد للام من الشهر الاول احتياطيا
وسعات بس ده بقى مستبعد شويه مع الوعى ال صحى الان ان يكون نتيجه ان الام كانت سالبه الار اتش ومخدتش الحقنه بس الكلام ده بقى صعب جدا الان
وفى بحث جديد كده قال ان البطانه المهاجره اصبحت من الاسباب الاسايه فى الموضوع ده انا كنت خدت فى الموضوع ده محاضرات بس مش موضوعنا ومش هصدعكم بيه خلينا ماشين واحده واحده
الاساب برده الى تزكر ان يكون عنق الرحم واسح شويه مش بيحتفظ بالجنين وبرده ده مش تبع التحاليل بس حابب اقولك على كل حاجه علشان تبقى عندك علم بالموضوع كله تمام
*************************************************************************
نكتفى كده لان بجد ايدى وجعتنى من الكتابه وبعتدز لكل اللى بعتولى حالات على الخاص كنت والله هاجوبها واعملها فى حلقه اليوم بس الوقت والجهد على ادى اوعوا تزعلوا منى
بس اوعدهم المره القادمه ان شالله الله ومشوار ال 100 حاله
*******************************************************
دمتم فى رعايه الله وامنه
والسلام عليكم ورحمه الله وبركاته
الحلقه الرابعه من المعلومات الاساسيه فى التحاليل الطبيه
بسم الله الرحمن الرحيم السلام عليكم احبائى واخوانى اخصائى التحاليل الطبيه تحيه طيبه وبعد
استكمالا لحلقاتنا
اليوم ان شاء الله هنحاول نربط بين شكوى المريض والتحاليل المطلوبه
وناخد الكلام ده فى شكل حالات
نوضوح فيها كل موضوع على حده
************************************************************************
بس الاول احب اقول اما يدخل عليك المريض
هيبقى معاه روشته او مش معاه هما دول الاحتمالين
لو معاه روشته يبقى تمام يعنى راح لطبيب
انا بقى همسك الروشته فى ايدى واقرا التحاليل كويس وعينى تجيب اول حاجه الدكتور واعرف تخصصه لان ده هيفيدنى جداااااااااااااااااااااااااااا
بعد كده هسئل المريض سؤال اللى هو الف سلامه عليك يافندم حضرتك روحت للدكتور ليه
كنت بتشتكى من ايه
فى اللحظه دى هيبتدى المريض يتكلم انت بقى تركز جداااااااااااااااا كل كلمه المريض هيقولها
انت هتستفيد منها وحتى لو كنت عارفها المريض هيستريح لانه عايز يتكلم مع حد
تمام كده سمعت شكوى المريض تمام اربط بينها على طول وبين التحاليل
مره على مره على مره هتعرف التحاليل دى امتى بتنطلب يارب يكون قصدى وصل
************************************************************************
ده بقى مش موضوعى انا موضوعى لو مريض جاى من غير روشته
هتقول هو انا طبيب هقولك لا
بس بناء على التحاليل هتعرف المريض ده عنده ايه
طبعا الكلام ده قبل ما توديه للطبيب المعالج فى الحاجات البسيط
يعنى مش مريض قلب او جلطه وهتبدى
تتعامل معاه انت يادكتور
انا عارف ان حضراتكم فهمين بس قول برده اقفل الطريق بتاع الشيطان ده
*********************************************************************
الحاله الاولى
الصداع
######
مثلا جتلك حاله بتشتكى ان عندها صداع على طول؟
اولا احب اقولك ان فيه اسباب كتير للصداع حوالى نقول سبعه
اقولهم بسرعه
ضغط عالى
انيما
مشكله فى الاذن او الاسنان او الجيوب الانفيه
نظر
الدهون العاليه
خاصه
lDl
طيب
بص اولا انا يعنى طه بستبعد الاول الضغط لانه بقى مرض العصر
معايه الجهاز بقيسه
لقيته عالى
يبقى خير وبركه
ملقوتش عالى مضبوط
بعمل تحليل انيما
طيب لو مش معايا الجهاز بعمل تحليل انيما
لقيته مظبوط
ابعتها على صيدليه يقيس الضغط
وهو بعد كده هيعرض نفسه على طبيب
طبعا الكلام ده بعد ما اسال المريض عندك وجع فى اسنانك ودانك التهاب جيوب انفيه نظر
تقولى طيب نظر دى اعرفها ازاى
انا جالى طفل سبع سنوات وكان عنده صداع مستمر جدا
طبعا ده مش هقيسه الضعظ
بس سالته الاساله كلها لقتها تمام
فقولته حبيبى اخبار المذاكره والواجب ايه
قالى مش عارف اذاكر قولت
بص يا حبيبى اقرا الورقه دى كده
قالى قربها مش شايف
قولتله تمام
هنعمل تحليل انيما كمان نطمن
لقيت الانيما مظبوطه
وراح للدكتور ركب نظاره
************************************************
طيب والدهون يادكتور معملهاش لا
الا لو هو طلب او راح للدكتور وشك فيها
************************************************
برده سيده عندها حوالى 37 سنه جت وقالت عندى صداع من عشره ايام
سالتها فى مشكله عندك فى اى حاجه قالت لا
قست الضغط تمام
الانيما تمام
بس حصل حاجه تانيه خالص
انا شكيت فى سكر ومش عارف ليه بس سالتها عن اعراض السكر
قالت لا
كانت طبيب متخصص باطنه جنبى بعته عليها طلب سكر وبول
عملت تحليل السكر الصايم لقيت السكر عالى جدا
قمت ضفت سبب ثامن لاسباب الصداع اعراض السكر
تمام كده
*************************************************************************
الحاله التانيه
وجع البطن
جالك مريض وقالك فيه وجع جامد محزم بطنى مش عارف فاهمنى وانا بقول كلمه بحزم دى
المهم
ده هتعمله تحليل براز هتشوف ديدان لان هى ساعات بتعمل الالم اللى من النوع ده
ملقتش تعرف انها قولون عصبى هتقول للمريض روح اكشف عند طبيب باطنه وخد التحليل
والمريض ده فى تحليل البراز هتلاقى عنده عسر هضم
طيب لو عنده اميبا او اى نوع من الديدان يبقى الموضوع خلص
المريض هيعيش حياته مع الادويه والصيدليات
احنا عرفنا السبب وخلاص
################################################
طيب لو مريض جالك وقالك جنبى الشمال بيوجعنى
هشك فى ايه
طبعا كلامكم صح تحليل بول كامل
وان شاء الله عنده املاح
بس نصيحه بقى المريض اللى من النوع ده اساله اعراض اللى حاسس بيها ايه
علشان تزيد خبرتك اما تطلع النتيجه
تزيد معلوماتك فى ربط الاعراض بالتحليل
*********************************************
طيب لو جنابه الاتنين برده تحليل بول كامل بس خلى بالك
مش لازم الاملاح ممكن صديد
انا الحمد لله اما تبعت الاسلوب اللى بقوله عليه ده
قبل ما اعمل تحليل البول بعرف سبب الوجع املاح ولا صديد
موضوع مجرب
************************************************
طيب لو جنبه اليمين بس
هتزود مع البول
عد دم ابيض
علشان تستبعد الزايده
انت كل ده انت مدخلتش فى تخصص حد
انت عارف اما المريض ده يروح لطبيب مثلا علشان يوريه التحاليل ويديه العلاج
ويلاقى دكتور التحاليل عامله التحاليل المطلوبه دى مش عايز اقولك بيبقى مبسوط منك ازاى
عارفين ليه انت بتوفر عليه وقت كبير جدا
يعنى لو كان فيه زائده خلص الكلام هيجهز غرفه العمليات على طول
مش بقى لو هو لسه رايح
روح اعمل التحليل ده وتعالى بكره
يكون المريض اتقطع من الالم وممكن الزايده تكون ملتهبه وتنفجر
يعنى انت يادكتور بتساعد فى التشخيص
بس انا بسميه التشخيص الصامت
فهمتونى
*****************************************************************
معلش اليوم مش قادر اكمل والله سامحونى تعبان شويه انا قولت ابدا بالحاجات البسيطه دى كام حلقه ورا بعض هحاول اجيبلكم كذا حاله مرضيه
*******************************************************************
ناوى يعنى اجيبلكم كده يعنى حوالى ميه حاله عمليه
والتحاليل اللى ممكن نعملها ليهم ماشى
****************************************************
دمتم فى رعايه الله وامنه
السلام عليكم ورحمه الله
الحلقه الثالثه فى المعلومات الاساسيه فى التحاليل الطبيه
بسم الله السلام عليكم ورحمه الله وبركاته احبائى واخوانى اخصائى التحاليل الطبيه تحيه طيبه وبعد
استكمالا لموضوعنا البسيط المتواضع فى التحاليل الطبيه ان شاء الله اليوم هنتكلم على المواد التى تسحب عليها التحاليل والشروط
***********************************************************
عملا بالقاعده الفقيه التى تقول كل شئ فى الاسلام حلال الا ما ورد فيه نص بالحرمانيه
انا بقول دى ليه بقى ده حاجه انا محتاجها فى الحلقه دى بمعنى اخر
اما حب اقول التحاليل الطبيه بنسحبها على ايه اقول…………………….ز
********************************************************************
ان كل التحاليل الطبيه بسحبها على انبوبه فاضيه ماعدا التحاليل الاتى ذكرها
Abo-rh
hb-tlc
cbc
G6BD
HBAIC
COMBS DICT
PCR
HB ELCTROPHORESIS
ACTH
دول بنسحبهم على انبوبه فيها اديتا
حلو كده
***********************************************************************
”طيب وايه تانى فيه الصنف التالث اللى بنسحبه على انبوبه فيها صوديوم سترات بمعنى تانى االى لونها لبنى وده لون ثابت على فكره
والتحاليل دى هى الاتى
PT
PTT
LUPUS ANTI COAGULANT
PROtein c and s
ANti thrombin 3
factors كلها
******************************************************************
اما الصنف الرابع اللى ممكن مش تشوفوا غير كام مره فى حياتك اللى بينسحب على الهبارين
ABG BLOOD GAS
تحاليل الكروموسومات
OSMOTIC FRAGILITY
كده تقريبا قولنا معظم التحاليل بتنسحب على ايه
****************************************************************
تانى حاجه بقى نقول شروط اشهر التحاليل
توكلنا على الله
ش دهون الدم : يشترط الصيام من 12 – 14 ساعة وذلك إكمال امتصاص الدهون بالدم وأخذ النسبة الطبيعيه بالدم. o سكر صائم :يشترط الصيام من 6 – 8 ساعات وذلك لاكتمال احتراق السكروأخذ النسبة والمريض صائم. o
سكر بعد الآكل بساعتين :يشترط احتساب الساعتين من بداية الآكل وذلك لبدء إفرازالأنسولين مع بداية الأكل ويشترط الانتهاء من الأكل خلال 10 دقائق علي الأكثر وإذاكان المريض يأخذ علاج للسكر يتم أخذ العلاج إلا إذا كانت هناك تعليمات خاصة من الطبيب المعالج ويمكن شرب الماء فقط أثناء الساعتين.
o
بول المزرعة :يشترط غسل اليد والأعضاء التناسلية بالماء والصابون ثم مرة أخرى بالماء لإزالة الصابون الزائد ثم نفرغ أول نقط بول في دورة المياه ونضع الباقى في البرطمان المعقم الذي يوفره المعمل كمايفضل الامتناع عن أخذ أى مضاد حيوى لمدة 48 ساعة لكى نعطى للميكروب فرصة للنمو ( فيحالة إرسال العينة من المنزل يجب أن تصل إلى المعمل في خلال ساعتين علي الأكثر حتىلا يموت الميكروب أو نمو ميكروبات أخرى – كما أنه
) o تجميع بول 24 ساعة :فور القيام من النوم يقوم المريض
بإفراغ المثانة كاملةفي الحمام ثم يقوم بتجميع كل نقطة بول في زجاجة كبيرة أو جركن كبير وذلك حتى اليومالتالى في نفس الميعاد ويحفظ البول في الثلاجة.
بول 3 أيام متتالية أو بصاق 3 أيام متتالية : يعمل هذا التحليل للكشف عن ميكروب الدرن في عينات لأن الميكروب من الممكن أن يظهر في عينة ولا يظهر فى عينة أخرى. •
براز الدم الخفى :يمتنع المريض لمدة 48 ساعة عن تناول جميع أنواع اللحومالحمراء أو الكبدة أو الفجل أو أدوية الروماتيزم أو أدوية تحتوى علي الأسبرين أوفيتامين ج أو الكورتيزون أو الحديد كما لا يسمح بأخذ ملينات والحلويات.
تحليل الدباكين
أدوية الربو وأدوية الصرع :يؤخذ الدواء لمدة 5 أيام بانتظام وذلك بهدف الوصول بالدواء لمستوى ثابت بالدم ويشترط عدم القئ أو الإسهال لمدة 48 ساعة قبل إجراء التحاليل لأن ذلك يوف يؤثر علي الجرعة وبالتالى مستوى الدواء بالدم. تؤخذ عينة قبل جرعة الصباح لحساب نسبة الدواء في أقل مستوى ثم تؤخذ عينة أخرى بعد تناول الدواء بعدة ساعات لحساب أعلى نسبة للدواء في الدم وذلك حتى نتأكد أن الجرعة التى يتناولها المريض هى الجرعة المؤثرة دون الوصول إلى التسمم الدوائي
تحليل السائل المنوى
الامتناع عن الجماع لمده لاتقل عن 3 ايام ولاتزيد عن 7 ومدرسه اخرى تقول خمسه وان لايسمح بالماء او الصابون اثناء العينه وان توضع اول قذفه غى الكوب لانها اهم قذفه وان يوضع فى درجه حراره 37
*************************************************************
وبكده مسح سريع كاعاده للسحب وكمان الشروط للتحاليل الطبيه
واسال الله ان لايضع هذا التعب هباءا وان ينتفع به من يحتاجه وانه تعالى ولى ذلك وهو القادر عليه
والسلام عليكم جميعا ورحمه الله
Medical analysis specialist / Heba Atef
التحاليل الطبية 